دەپۋتاتتار مينيسترگە وسى سۇراقتى كولدەنەڭ تارتتى
ءماجىلىس توراعاسى نۇرلان نىعماتۋليننىڭ جەتەكشىلىگىمەن وتكەن پالاتانىڭ كەشەگى جالپى وتىرىسىندا ەكسپو-2017 حالىقارالىق مامانداندىرىلعان كورمەسىنە قاتىستى زاڭ جوباسى زاڭنامالىق اينالىمعا الىندى. سونداي-اق, دەپۋتاتتار نازارىنا اگروونەركاسىپ كەشەنى مەن مەملەكەتتىك ورگانداردىڭ قۇزىرەتىن زاڭعا تاۋەلدى دەڭگەيدە بەكىتۋ ماسەلەلەرى ۇسىنىلدى.
دەپۋتاتتار مينيسترگە وسى سۇراقتى كولدەنەڭ تارتتى
ءماجىلىس توراعاسى نۇرلان نىعماتۋليننىڭ جەتەكشىلىگىمەن وتكەن پالاتانىڭ كەشەگى جالپى وتىرىسىندا ەكسپو-2017 حالىقارالىق مامانداندىرىلعان كورمەسىنە قاتىستى زاڭ جوباسى زاڭنامالىق اينالىمعا الىندى. سونداي-اق, دەپۋتاتتار نازارىنا اگروونەركاسىپ كەشەنى مەن مەملەكەتتىك ورگانداردىڭ قۇزىرەتىن زاڭعا تاۋەلدى دەڭگەيدە بەكىتۋ ماسەلەلەرى ۇسىنىلدى.
كۇن تارتىبىنە شىعارىلعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپ كەشەنى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا ءماجىلىستىڭ ءبىر توپ دەپۋتاتى باستاماشى بولىپتى. قىسقاشا بايانداما جاساعان ءماجىلىس دەپۋتاتى رومان كيم 12 زاڭنامالىق اكتىگە, سونىڭ ىشىندە 4 كودەكس پەن 8 زاڭعا وزگەرىستەر كوزدەلىپ وتىرعاندىعىمەن ءبولىستى.
اتاپ ايتقاندا, زاڭ جوباسى اگروونەركاسىپ كەشەنى مەن ۆەتەريناريا سالاسىن جەتىلدىرۋگە باعىتتالعان. جالپى, زاڭ جوباسى مەملەكەت باسشىسىنىڭ زاەمداردى مەملەكەتتىك ساقتاندىرۋ مەن كەپىلدەندىرۋدىڭ جۇيەسىن ەندىرۋ تۋرالى تاپسىرماسىنا سايكەس ازىرلەنىپ وتىر ەكەن. بۇل جەكە ينۆەستورلاردىڭ اگرووندىرىستىك كەشەندەگى ورىن الۋى مۇمكىن تاۋەكەلدەرىن تومەندەتۋى ءتيىس. سونىمەن قاتار, جاڭا ءوندىرىس قۋاتىن قۇرعان نەمەسە بارىن جاڭعىرتۋعا جىبەرگەن شىعىننىڭ ءبىر بولىگىن وتەپ بەرۋ كوزدەلەدى. بۇدان باسقا, قايتا وڭدەۋشى كاسىپورىنداردىڭ اۋىل شارۋاشىلىعى شيكىزاتىن ساتىپ الۋعا ارنالعان شىعىندارىن سۋبسيديالاۋ قاراستىرىلعان.
اسىرەسە, ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋدە ماڭىزدى سانالاتىن قانت قىزىلشاسى مەن ءسۇتتى ساتىپ الۋدى سۋبسيديالاۋ باستى نازاردا بولماق. بايانداماشىنىڭ سوزىنە قاراعاندا, وسىنىڭ ءوزى تۇپكى ءونىمنىڭ باعاسىنا, ونىڭ نارىقتاعى باسەكەلەستىگىنە اسەر ەتەدى. تۇپتەپ كەلگەندە, مۇنداي تەتىك ىشكى نارىقتا تۇتىنىلاتىن وتاندىق ءونىمنىڭ ۇلەسىن ارتتىرىپ, ازىق-ت ۇلىك قاۋىپسىزدىگىن نىعايتۋعا وزىندىك ىقپالىن تيگىزەتىن بولادى.
ر.كيم, سونىمەن قاتار, زاڭ جوباسىمەن ۆەتەرينارلىق-سانيتارلىق قاعيدالاردى بۇزعانى ءۇشىن اكىمشىلىك جاۋاپتىلىقتى قاتايتۋ ۇسىنىلىپ وتىرعاندىعىن دا جەتكىزدى. جانە دە اۋىل تۇرعىندارىن قولداۋدىڭ جاڭا شارالارى دا قاراستىرىلىپ, اگرووندىرىستىك كەشەنگە بارۋشىلاردى «ديپلوممەن – اۋىلعا!» باعدارلاماسىمەن قولداۋ بولارى ايتىلماي قالمادى. اۋىل شارۋاشىلىعى مالدارىنا قاجەتتى بۇيىمدار مەن ۆەتەرينارلىق انىقتامالاردى جانە پاسپورتتاردى تەگىن بەرۋ نازاردان تىس قالماعان.
دەپۋتاتتار زالدا وتىرعان اۋىل شارۋاشىلىعى ءمينيسترى اسىلبەك مامىتبەكوۆكە بىرقاتار سۇراقتار قويىپ ۇلگەردى. ءماجىلىس دەپۋتاتى روزاقۇل حالمۇرادوۆ ءوز ساۋالىندا اتالعان سالا جۇمىسىنا كوڭىلى تولمايتىندىعىن اشىق ءبىلدىردى. دەپۋتات ۇكىمەت پرەزيدەنتتىڭ اۋىل ينفراقۇرىلىمىن دامىتۋعا قاتىستى تاپسىرماسىن قاشان, قالاي جۇزەگە اسىرماقشى؟ دەگەن سۇراقتى توتەسىنەن قويدى. زاڭ جوباسىمەن اۋىلدا وسكەن جاستاردىڭ اۋىل شارۋاشىلىعى ماماندىعىن العاندارىن اۋىلعا قايتارۋ ءۇشىن مەملەكەتتەن قارجى ءبولۋ قاراستىرىلىپ وتىرعاندىعىن كولدەنەڭ تارتقان دەپۋتات ونى بىلايشا تۇيىندەدى: «نەگىزگى سەبەپ – اۋىلدا تۇرمىس-تىرشىلىك ءۇشىن قاجەتتى ينفراقۇرىلىمنىڭ جوقتىعى. قالادا قالاي ءومىر ءسۇرىپ جاتسا, اۋىلدا سونداي ءومىر سۇرەتىن بولسا, مۇنداي شارانىڭ كەرەگى جوق ەدى».
ەتكە قاتىستى قويعان ۆلاديسلاۆ كوسارەۆتىڭ سۇراعىنا وراي جاۋابىندا مينيستر قارا مالدىڭ انالىق باسىن ۇستاۋعا 18,5 مىڭ تەڭگە سۋبسيديالاۋ ناتيجەسىندە قازاقستان العاش رەت سىرتقا سيىر ەتىن شىعارا باستاعاندىعىن جەتكىزدى. وسىلايشا, تالقىدان وتكەن زاڭ جوباسى ءبىرىنشى وقىلىمدا ماقۇلداندى.
وتىرىستا بۇدان باسقا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ورگانداردىڭ قۇزىرەتىن زاڭنامالىق جانە (نەمەسە) زاڭعا تاۋەلدى دەڭگەيدە بەكىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا قولداۋ تاۋىپ, سەناتقا جولداندى. زاڭ جوباسىمەن مەملەكەتتىك ورگانداردىڭ قۇزىرەتى ەل كونستيتۋتسياسىندا, كونستيتۋتسيالىق زاڭداردا, سونداي-اق, زاڭعا تاۋەلدى اكتىلەردە دە بەلگىلەنۋى مۇمكىندىگى قاراستىرىلادى. وسى رەتتە قولدانىستاعى زاڭنامالىق اكتىلەردەن مەملەكەتتىك ورگانداردىڭ ماڭىزدى قوعامدىق قاتىناستاردى رەتتەمەيتىن فۋنكتسيالارىن الىپ تاستاۋ ۇسىنىلىپ وتىر. ءسويتىپ, مەملەكەتتىك ورگاندار قىزمەتىنىڭ تيىمدىلىگىن ارتتىرۋ ءۇشىن قۇقىقتىق سالانى جەتىلدىرۋگە مۇمكىندىك بەرۋ كوزدەلگەن.
جالپى وتىرىس سوڭىنان دەپۋتاتتار ادەتتەگىدەي ساۋالدارىن جولدادى. ماسەلەن, دەپۋتات يرينا ارونوۆا ۇكىمەت باسشىسىنا جولداعان ساۋالىندا بىلاي دەيدى: «قاشان ۇكىمەت پرەزيدەنتتىڭ ەسكەرتپەلەرىنە قۇلاق اسادى؟ ازىرگە ەشقانداي ناقتى قادام كورىپ تۇرعان جوقپىز! ال ەڭبەكتى قورعاۋ جانە قاۋىپسىزدىك ەرەجەلەرىن بۇزۋ قاپالاندىرادى. ۇستىمىزدەگى جىلدىڭ 9 ايىندا ەلىمىزدىڭ ءوندىرىس ورىندارىندا 1200 قايعىلى وقيعالارعا جول بەرىلگەن». ارىپتەسى ەگور كاپپەل وڭىرلىك دامۋ مينيسترلىگى اۋىلدىق جەرلەردى دامىتۋ باعدارلاماسىن جۇزەگە اسىرۋ جونىندەگى جۇمىستاردى اتقارۋعا اسىعار ەمەس دەگەن تۇرعىداعى رەنىشىن جاسىرمادى. دەپۋتاتتىڭ سوزىنە قاراعاندا, اتالعان باعدارلاما قازىرگى تاڭدا تەك 30 پايىزعا عانا ورىندالۋدا ەكەن.
اسقار تۇراپباي ۇلى,
«ەگەمەن قازاقستان».