سىبايلاس جەمقورلىقپەن كۇرەسۋشىلەر ەڭبەك, الەۋمەتتىك قورعاۋ جانە كوشى-قون كوميتەتىنىڭ جامبىل وبلىسى بويىنشا دەپارتامەنتىنىڭ باسشىسىن ۇستادى. بۇل تۋرالى ونلاين-بريفينگتە قازاقستاننىڭ سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيگايداروۆ حابارلادى, دەپ جازادى Egemen.kz
"دەپارتامەنت باسشىسى ءوز ورىنباسارىنان وسى لاۋازىمعا تاعايىنداۋعا كومەك كورسەتكەنى ءۇشىن 2 ميلليون تەڭگە سوماسىندا پارا الدى دەگەن كۇدىككە ءىلىندى. تاراز قالاسىنىڭ مامانداندىرىلعان تەرگەۋ سوتى كۇدىكتىگە قاتىستى ۇيقاماق تۇرىندەگى بۇلتارتپاۋ شاراسىن سانكتسيالادى. تەرگەۋ جالعاسۋدا", دەدى ول.
بۇعان دەيىن حابارلانعانداي, ەكى قازاقستاندىق سۋديا پارا الدى دەگەن كۇدىككە ءىلىندى. سونداي-اق, اياگوز اكىمى 1,2 ميلليون تەڭگە پارا الدى دەگەن كۇدىككە بايلانىستى ۇستالدى.