قانداي تاۋارلارعا تسيفرلىق تاڭبالاۋ قويىلادى؟

كورسەتىلگەن قاۋلىعا سايكەس تەمەكى بۇيىمدارىن مىندەتتى تۇردە تاڭبالاۋعا 2020 جىلعى 1 قازاننان باستاپ قۇرامىندا تەمەكى بار ءفيلترلى وزگە دە سيگارەتتەر جانە 2021 جىلعى 1 ساۋىردەن باستاپ ستيكتەر, سيگارالار, سيگاريلدەر, قىزدىرىلاتىن تەمەكى سياقتى تەمەكى ونىمدەرىنىڭ وزگە دە تۇرلەرى جاتادى.

سونىمەن بىرگە, قارجى مينيسترلىگى مۇددەلى مەملەكەتتىك ورگاندارعا «تاۋارلاردى تاڭبالاۋدا قولدانىلاتىن باقىلاۋ (سايكەستەندىرۋ) بەلگىسى, سايكەستەندىرۋ قۇرالى قۇنىنىڭ شەكتى مولشەرىن ايقىنداۋ تۋرالى» قازاقستان رەسپۋبليكاسى ۇكىمەتى قاۋلىسىنىڭ جانە «تەمەكى ونىمدەرىن تاڭبالاۋ قاعيدالارىن بەكىتۋ تۋرالى» قارجى ءمينيسترىنىڭ بۇيرىعىنىڭ جوبالارىن كەلىسۋگە جىبەردى, جاقىن ارادا ولاردى بەكىتۋ جوسپارلانۋدا.

بۇل رەتتە تەمەكى ونىمدەرىنىڭ قالدىقتارىن تاڭبالاۋ كوزدەلمەگەن.

«تەمەكى ونىمدەرىن تاڭبالاۋ قاعيدالارىن بەكىتۋ تۋرالى» قارجى ءمينيسترى بۇيرىعىنىڭ جوباسىنا سايكەس تەمەكى ونىمدەرىنىڭ قالدىقتارىن جىل بويى                  2021 جىلعى 1 قازانعا دەيىن ءفيلترلى سيگارەتتەردى جانە 2022 جىلى 1 ساۋىرگە دەيىن تەمەكى ونىمدەرىنىڭ وزگە دە تۇرلەرىن وتكىزۋگە بولادى.

سالىق تولەۋشىلەردىڭ تاڭبالانعان تاۋارلار اينالىمىنا قاتىسۋشىلاردىڭ ەسەپكە الۋ جۇيەلەرىن پىسىقتاۋعا بەلگىلەنگەن ۋاقىتىن نازارعا الا وتىرىپ, تەمەكى ونىمدەرىن تاڭبالاۋ جانە قاداعالاۋ جۇيەسىن ەنگىزۋ مىناداي مەرزىمدەرگە سايكەس كەزەڭ-كەزەڭىمەن كوزدەلگەن:

I كەزەڭ. 01.10.2020 جىل. تەمەكى بۇيىمدارىن مىندەتتى تاڭبالاۋدى ىسكە قوسۋ جانە ولاردى بولشەك ساۋدادا وتكىزۋ كەزىندە اينالىمنان شىعارۋ.

ءبىرىنشى كەزەڭنىڭ قاتىسۋشىلارى ونىمگە ەميسسيانى جانە تاڭبالاۋ كودتارىن ەنگىزۋدى جۇزەگە اسىراتىن تەمەكى ونىمدەرىن وندىرۋشىلەر/يمپورتتاۋشىلار, سونداي-اق باقىلاۋ-كاسسا ماشيناسىنىڭ كومەگىمەن تەمەكى ونىمدەرىن ساتۋدى جۇرگىزەتىن بولشەك ساۋدا بۋىنى بولادى. بۇل رەتتە قۇجاتتارمەن جۇمىس ىستەۋ فۋنكتسيونالى (قابىلداۋ /بەرۋ اكتىسى, حابارلاما) تاۋارلاردى تاڭبالاۋ مەن ولاردىڭ قاداعالانۋى اقپاراتتىق جۇيەسىنىڭ Web-قوسىمشاسىندا قولجەتىمدى بولادى جانە اينالىمنىڭ بارلىق قاتىسۋشىلارى ەرىكتى نەگىزدە پايدالانا الادى.

سونداي-اق, تاڭبالانعان ءونىمدى تەگىن ءموبيلدى قوسىمشانىڭ كومەگىمەن شىعارۋعا بولادى.

تاڭبالانعان تەمەكى ونىمدەرىن وتكىزۋ جانە ەسەپتەن شىعارۋ ءۇشىن Data Matrix كودىن وقيتىن 2D سكانەردى ورناتۋ قاجەت, بۇل رەتتە 2D سكانەرىنىڭ قۇنى 25 مىڭ تەڭگە جانە ودان جوعارى.

سونىمەن بىرگە, تسيفرلىق تاڭبالاۋدى ەنگىزۋدىڭ ءبىرىنشى كەزەڭىندە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسى كودەكسىنىڭ 172-بابىنا سايكەس اكتسيزدىك ماركالار بويىنشا باقىلاۋ جۇزەگە اسىرىلاتىنىن اتاپ وتەمىز.

بۇل رەتتە, اكتسيزدىك ماركالار بولماعان جاعدايدا, «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 283-بابىنا سايكەس اكىمشىلىك جاۋاپتىلىق قولدانىلاتىن بولادى.

II كەزەڭ. 01.01.2021 جىل. تاۋارلار اينالىمىنا بارلىق قاتىسۋشىلاردىڭ مىندەتتى نەگىزدە قاداعالانۋى شەڭبەرىندە قۇجاتتاردى جازىپ بەرۋى.

كەزەڭدىلىك «تاڭبالاۋعا جاتاتىن تاۋارلاردىڭ تىزبەسىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2020 جىلعى 10 قىركۇيەكتەگى № 568 قاۋلىسىمەن دە كوزدەلگەن.

سونىمەن قاتار, ءبىرىنشى كەزەڭدە قاداعالاۋ شەڭبەرىندە قۇجاتتاردى جازىپ بەرۋ كەزىندە اكىمشىلىك ىقپال ەتۋ شارالارى قولدانىلمايتىنىن اتاپ وتەمىز.

تاۋارلاردى تاڭبالاۋ جانە قاداعالاۋ اقپاراتتىق جۇيەسىندە (تتق اج) جۇمىس ىستەۋ ءۇشىن https://elk.prod.markirovka.ismet.kz/login-kep سىلتەمەسى بويىنشا ءوتۋ جانە تەمەكى ونىمدەرىنىڭ اينالىمىنا قاتىسۋشى رەتىندە تىركەلۋ قاجەت.

تەمەكى ونىمدەرىن تاڭبالاۋ ماسەلەلەرى بويىنشا تولىق اقپارات الۋ ءۇشىن 8 (800) 080-65-65 (قوڭىراۋ شالۋ تەگىن) تەلەفونىنا نەمەسە:

https://www.ismet.kz/ru/main/about-marking

https://www.facebook.com/markirovka.kz

https://t.me/markirovkatovarov سايتىنا حابارلاسۋعا بولادى.