قر مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا جۇمىستان قىسقارىپ قالمايتىن مەملەكەتتىك قىزمەتشىلەردىڭ ساناتىن اتادى, دەپ حابارلايدى Egemen.kz
"الەۋمەتتىك تۇرعىدا ءالسىز جانە قىسقارۋعا جاتاتىن مەملەكەتتىك قىزمەتشىلەردىڭ قورعالۋىن قامتاماسىز ەتۋ كەرەك. قازىرگى ۋاقىتتا ەڭبەك كودەكسىنە سايكەس جۇمىستان اياعى اۋىر ايەلدەر, ءۇش جاسقا دەيىنگى بالاسى بار ايەلدەر, جالعىزباستى انالار, بالا تاربيەلەپ وتىرعان باسقا دا ادامدار, سونىمەن بىرگە زەينەت جاسىنا 2 جىل ۋاقىت قالعان ادامدار قىسقارتىلمايدى", دەدى انار جايىلعانوۆا وكق-دا وتكەن ءباسپاسوز ءماسليحاتىندا.
ونىڭ ايتۋىنشا وسىعان بايلانىستى مەملەكەتتىك قىزمەتشىلەردىڭ جوعارىدا اتالعان قۇقىقتارىنىڭ قورعالۋىنا باقىلاۋ جۇرگىزىلەدى.
"سونداي-از مەملەكەتتىك قىزمەت تۋرالى زاڭعا سايكەس مەملەكەتتىك قىزمەتتە ءۇش جىلدىق ءوتىلى بار ادامدارعا جۇمىستان شىعاردا ورتاشا ايلىقتىڭ ءتورت ەسەلەنگەن مولشەرى بەرىلەدى. بۇل نورما تاجىريبەلى قىزمەتكەرلەردى جۇيەدە قالدىرۋعا ىنتالاندىرۋعا باعىتتالعان", دەدى سپيكەر.
انار جايىلعانوۆا مەملەكەتتىك ورگانداردىڭ باسشىلارىنا جۇمىستان قىسقارتۋ كەزىندە الەۋمەتتىك تۇرعىدا از قامتىلعان ازاماتتاردى الىپ قالۋعا كەڭەس بەرىلەتىنىن جەتكىزدى.