باتىس قازاقستان وبلىسىندا سوڭعى جارتى جىلدا جيىرما بەس شەنەۋنىك پەن پوليتسەي سىبايلاس جەمقورلىق فاكتىسىمەن سوتتالدى, دەپ حابارلايدى Egemen.kz.
مەملەكەتتىك قىزمەتكەرلەر ۇرلىق, الاياقتىق, پارا الۋ جانە پارا بەرۋ فاكتىلەرىمەن سوتتالعان. بۇل رەتتە, سىبايلاس جەمقورلىقتىڭ باسىم بولىگى ءتارتىپ ساقشىلارىنىڭ اراسىندا ورىن العانىن دا ايتا كەتۋ كەرەك. وتىزدان استام مەملەكەتتىك قىزمەتشى تارتىپتىك تەرىس قىلىق جاسادى. كوبىنەسە ولار جاقىن تۋىستارىنا نەمەسە تانىستارىنا كومەكتەسۋ ءۇشىن وزدەرىنىڭ قىزمەتتىك جاعدايلارىن پايدالانعان.
"15 ادام زاڭسىز ارتىقشىلىق كورسەتكەنى ءۇشىن سوتتالدى, توعىز ادام جاقىن تۋىستارىنىڭ مۇددەلەرىن قاناعاتتاندىرۋ ماقساتىندا لاۋازىمدىق وكىلەتتىكتەرىن پايدالانعانى ءۇشىن سوتتالدى. 16 ادام اتقارىپ وتىرعان قىزمەتتەرىنەن بوساتىلدى", دەدى بقو سىبايلاس جەمقورلىققا قارسى قىزمەت باسشىسىنىڭ ءبىرىنشى ورىنباسارى نۇرداۋلەت سامەت.