Duty Free ساۋدا بەلگىسىنىڭ نەگىزىن قالاۋشى چاك فيني ميللياردتاعان بايلىعىن قايىرىمدىلىققا جۇمسادى, دەپ حابارلايدى Egemen.kz.
سوڭعى 40 جىل ىشىندە فيني Atlantic Philanthropies قورى ارقىلى الەمنىڭ ءار ءتۇرلى قايىرىمدىلىق ۇيىمدارىنا, قورلارىنا جانە ۋنيۆەرسيتەتتەرىنە سەگىز ميلليارد دوللاردان استام قاراجات بولگەن. دەگەنمەن, ول وسى جاقسىلىعىنىڭ بارلىعىن جاريا ەتپەي, اتىن جاسىرىپ جاساپ كەلگەن. ءفينيدىڭ ايتۋىنشا, ول ءوزى مەن ايەلى ءۇشىن زەينەتكە شىعۋ ءۇشىن 2 ميلليون عانا قالدىرىپتى.
ء"بىز ءومىر بويى كوپ نارسەنى ۇيرەندىك. ارتقا كوز تاستاپ, ءبىراز دۇنيەنى باسقاشا جاساۋعا بولار ەدى-اۋ دەپ تە ويلايمىن. بىراق, ەرتە مە كەش پە, قولىمنان كەلگەنشە ماقساتىما جەتكەنىمە قۋانىشتىمىن", دەدى ول. ءبىر قىزىعى, ءسانى مەن سالتاناتى جاراسقان دۇنيە-مۇلكىنىڭ مولدىعىنا قاراماستان, فيني اسكەتيكالىق ءومىر سالتىن ۇناتادى. ول سان-فرانتسيسكوداعى قاراپايىم پاتەردە ءومىر سۇرەدى. ءتىپتى ونىڭ تۇراتىن جەرى ستۋدەنتتىك جاتاقحاناداعى بولمەگە ۇقسايدى ەكەن.