الماتىدا ەكى كولىك سوقتىعىسىپ, جاياۋ جۇرگىنشى كولىكتىڭ استىندا قالدى. ول اۋىر حالدە اۋرۋحاناعا جەتكىزىلدى, دەپ حابارلايدى Egemen.kz
اپات اباي داڭعىلى مەن التىنسارين كوشەسىنىڭ قيىلىسىندا ورىن العان. وقيعا ۆيدەوسى Instagram جەلىسىندە پايدا بولدى.
ۆيدەودا انىق بايقالعانداي ەكى كولىك بىرىنە ءبىرى جول بەرمەي, ناتيجەسىندە سوقتىعىسىپ قالعان. ال اپات ناتيجەسىندە 47 جاستاعى جاياۋ جۇرگىنشى زارداپ شەگىپتى. دارىگەرلەردىڭ ايتۋىنشا, 40 جاستاعى جابىرلەنۋشى №7 قالالىق اۋرۋحاناعا تاڭعى 8:37-دە جەدەل جاردەم كولىگىمەن جەتكىزىلگەن.
"ناۋقاسقا جابىق باس سۇيەك-مي جاراقاتى جانە باس ميىنىڭ شايقالۋى دياگنوزى قويىلعان. دەنەسىنىڭ كوپتەگەن جەرلەرىندە جاراقات بار, ابرازيالار, بەتتىڭ تەرى استىنداعى گەماتومالارىن دا بايقاۋعا بولادى. مۇرىن سۇيەكتەرى دە سىنعان. ومىرتقانىڭ LD2 كولدەنەڭ پروتسەسى سىنىپ, ەكىنشى دارەجەلى تراۆماتيكالىق شوك العان", دەدى الماتىداعى №7 قالالىق اۋرۋحانانىڭ رەانيماتسيا جانە قارقىندى تەراپيا بولىمشەسىنىڭ مەڭگەرۋشىسى ەسەناي ەسپەنبەتوۆ.