مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرىسى بويىنشا ش.شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن ىلەسپە اۋدارماشىلاردىڭ بىلىكتىلىگىن ارتتىرۋ ماقساتىندا بەس كۇنگە سوزىلعان قازاق تىلىنەن اعىلشىن, اعىلشىن تىلىنەن قازاق تىلىنە ىلەسپە اۋدارما جۇرگىزۋكۋرسى ءوز مارەسىنە جەتتى, دەپ حابارلايدى Egemen.kz.
اتالمىش جيىننىڭ ماڭىزى جايلى ورتالىقتىڭ باس ديرەكتورى, بەلگىلى جازۋشى الىبەك اسقار: "قازاقستان الەمدىك قوعامداستىقتان ءوز ورنىن العاننان كەيىن باسقا مەملەكەتتەرمەن ءار قيلى دەڭشھگەيدە قارىم-قاتىناس ورناۋعا تۋرا كەلدى. بۇل وقيعا ساپالى اۋدارمانىڭ قاجەتتىلىگىن تۋدىرىپ وتىر. سوندىقتان, اتالمىش باعىتتاعى كۋرستاردا اۋدارما تەورياسى, جازباشا اۋدارما مەن اۋىزشا اۋدارمانىڭ ەرەكشەلىكتەرى, ىلەسپە اۋدارماشىعا قاجەتتى بازالىق گرامماتيكالىق جانە فرازەولوگيالىق ۇلگىلەر, سوزدىك قوردى بايىتۋ جۇمىستارى بويىنشا دارىستەر وقىتۋدى قولعا الىپ كەلەمىز", دەدى.
كۋرسقا قاتىسۋشىلارعا اۋدارما تەورياسى مەن پراكتيكاسى, اۋدارماتانۋدىڭ وزەكتى ماسەلەلەرى شەڭبەرىندە وقۋ-ادىستەمەلىك كومەك كورسەتىلىپ, اۋدارما سالاسىنداعى عالىم ماماندار وزىق تاجىريبەسىمەن ءبولىستى.
بۇل شاراعا ورتالىق جانە جەرگىلىكتى اتقارۋشى ورگاندارىنىڭ اۋدارماشىلارى قاتىسىپ, ولارعا بىلىكتىلىك سەرتيفيكاتتارى تابىستالدى.