ماسكەۋدىڭ شەرەمەتەۆو اۋەجايىنان ۇشىپ شىققان Boeing جولاۋشىلار ۇشاعى Bombardier Challenger بيزنەس ۇشاعىمەن سوقتىعىسىپ قالا جازدادى. بۇل تۋرالى Dni.ru حابارلادى.
ۇشاقتاردىڭ اراسىندا بار بولعانى 450 شاقىرىم قاشىقتىق قالعان ەدى. ابىروي بولعاندا, ەسكەرتۋ جۇيەسى ىسكە قوسىلىپ, قاۋىپتىڭ بەتى قايتارىلدى.
Boeing جولاۋشىلار ۇشاعى ماسكەۋدەن ارحانگەلسك قالاسىنا قاراي باعىت العان بولاتىن. ال ونىڭ قارسى الدىنان شىققان Bombardier Challenger ۇشاعى سانكت-پەتەربۋرگتان دومودەدوۆو اۋەجايىنا قايتىپ كەلە جاتقان ەدى.
«ۇشاقتاردىڭ ارا قاشىقتىعى شامامەن 450 شاقىرىمدى قۇراعان. ۇشاقتاعى ەسكەرتۋ جۇيەسى ىسكە قوسىلعاننان كەيىن, ۇشقىشتاردىڭ ساۋاتتىلىعىنىڭ ارقاسىندا قاۋىپتىڭ بەتى قايتارىلدى», – دەپ مالىمدەدى ماسكەۋ تورابىنىڭ اۋە ديسپەتچەرلەرى.
ايدار ورىسباەۆ.