دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ەلىمىزدە كارانتين تالابى قاشان كۇشەيۋى مۇمكىن ەكەنىن ايتتى, دەپ حابارلايدى Egemen.kz Tengrinews.kz سايتىنا سىلتەمە جاساپ.
ول قازاقستاندا كارانتين تالابىن كۇشەيتۋ نەمەسە جەڭىلدەتۋگە بايلانىستى بولجام 3 جاعدايعا سۇيەنە وتىرىپ جاسالاتىنىن جەتكىزدى.
"بۇل جاعىمسىز, شىنايى, پوزيتيۆ بولجامدارعا نەگىزدەلىپ جاسالادى. قازىرگى تاڭدا دەنساۋلىق ساقتاۋ مينيسترلىگى مەن ۇكىمەت جاعىمسىز بولجامعا سۇيەنىپ وتىر. ول ۇزاق, قىسقا مەرزىمگە سۇيەنىپ جاسالاتىندىقتان ونىڭ كەمشىلىگى وتە جوعارى بولۋى مۇمكىن. سوندىقتان دەنساۋلىق ساقتاۋ مينيسترلىگى قىسقا مەرزىمگە نەگىزدەلگەن, ياعني 10-15 كۇنگە نەگىزدەلگەن بولجامعا سۇيەنەدى, - دەدى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
وسى ورايدا باعدات قوجاحمەتوۆ ەلىمىزدە 17 تامىزدا كارانتين تالابى جەڭىلدەگەنىن اتاپ ءوتتى.
"تامىزدا كارانتين تالابى جەڭىلدەدى. سوندىقتان كوپتەگەن كاسىپكەر جۇمىس ىستەۋگە مۇمكىندىك الدى. كارانتين تالابىنىڭ كۇشەيۋى نەمەسە جەڭىلدەۋى قوعامداعى ادامداردىڭ ارەكەتىنە بايلانىستى. ءبىز ەلىمىزدەگى سانيتار دارىگەرلەردىڭ تالابىن مۇلتىكسىز ورىنداۋىمىز كەرەك. بىرىنشىدەن, ماسكا تاعىپ, اراقاشىقتى ساقتاۋىمىز كەرەك. ەكىنشىدەن, ادام كوپ شوعىرلانعان جەردە جينالماۋىمىز كەرەك. ياعني كارانتين تالابانىنىڭ كۇشەيۋى نەمەسە جەڭىلدەۋى ءبىزدىڭ قالاي ارەكەت ەتكەنىمىزگە بايلانىستى", - دەپ تۇيىندەدى ءسوزىن رەسمي وكىل.
ايتا كەتەيىك, قازاقستاندا كوروناۆيرۋس جۇقتىرعاندار سانى 106 121-گە جەتتى. 98 585 ناۋقاس ايىقتى, 1 588 ادام قايتىس بولدى.