ەلىمىزدەگى قارجى تاپشىلىعىنىڭ جاعدايىندا كاسىبي سپورت كلۋبتارىن تولىعىمەن مەملەكەت ەسەبىنەن قامتاماسىز ەتۋدىڭ قاجەتى جوق. بۇل تۋرالى پرەزيدەنت قاسىم-جومارت توقاەۆ قازاقستان حالقىنا جولداۋىندا مالىمدەدى, دەپ حابارلايدى Egemen.kz
"وسكەلەڭ ۇرپاقتىڭ سپورتتىق جانە شىعارماشىلىق الەۋەتىنە نازار اۋدارۋ قاجەت. ەلىمىزدەگى قارجى تاپشىلىعىنىڭ جاعدايىندا كاسىبي سپورت كلۋبتارىن تولىعىمەن مەملەكەت ەسەبىنەن قامتاماسىز ەتۋدىڭ قاجەتى جوق. مەملەكەت پەن كۆازيمەملەكەتتىك كومپانيالاردىڭ بيۋدجەتىنەن ميللياردتاعان تەڭگە ءتيىمسىز جۇمسالىپ جاتىر", دەيدى ق.توقاەۆ.
بۇل ورايدا مەملەكەت باسشىسى, بۇقارالىق سپورتقا, دەنە شىنىقتىرۋ مەن بالالارعا باسىمدىق بەرىلۋى ءتيىس ەكەنىن اتاپ ءوتتى.
بۇدان وزگە, ءاربىر وبلىستا, ءىرى ورتالىقتاردا سپورت سەكتسيالارىن اشۋ كەرەك. جاس ورەندەرگە شىعارماشىلىق پەن قولونەر نەگىزدەرىن مەڭگەرە الاتىن بالالار ۇيىرمەلەرىنىڭ قىزمەتىن جانداندىرۋ قاجەت ەكەنىن باسا ايتتى.
سونداي-اق مەملەكەت باسشىسى: "قازىرگى زامان اعىمى بالالار ءۇشىن سونشالىقتى قاۋىپتى ەكەنىن, ولاردىڭ ەنەرگياسى مەن قىزىعۋشىلىعىن دۇرىس ارناعا باعىتتاۋ كەرەك", دەيدى پرەزيدەنت.