وبلىس اكىمى ارحيمەد مۇحامبەتوۆتىڭ توراعالىعىمەن "جاڭا جاھاندىق ناقتى احۋالدا قوستاناي وبلىسىنىڭ ءبىلىم بەرۋ جۇيەسىن دامىتۋدىڭ ستراتەگيالىق باعدارلار" اتتى تاقىرىپتى ارقاۋ ەتكەن تامىز كەڭەسىنە وبلىس قالالارى مەن اۋداندارىنىڭ اكىمدەرى, جوعارعى وقۋ ورىندارىنىڭ رەكتورلارى, ءبىلىم بولىمدەرىنىڭ باسشىلارى, ءبىلىم بەرۋ مەكەمەلەرىنىڭ ديرەكتورلارى مەن ۇستازدار قاۋىمى قاتىستى, دەپ حابارلايدى Egemen.kz.
پلەنارلىق وتىرىس بارىسىندا ءبىلىم سالاسىن دامىتۋدىڭ ستراتەگيالىق باعىتتارى ءسوز بولىپ, وتكەن جىلعى جۇمىس قورىتىندىسى شىعارىلدى.
بۇگىندە وڭىردە 490 مەكتەپ جۇمىس ىستەيدى. 109,1 مىڭ وقۋشى, 13 مىڭ مۇعالىم بار. جيىندا جاڭا وقۋ جىلىنداعى ءبىلىم بەرۋ ۇدەرىسى ەلدەگى سانيتارلىق-ەپيدەميالىق جاعداي ەسكەرىلە وتىرىپ, بىرنەشە باعىت بويىنشا ۇيىمداستىرىلاتىنى ايتىلدى.
بيىل شتاتتىق رەجىمدە وقىتاتىن جالپى سانى 15 مىڭ وقۋشىسى بار 268 اۋىلدىق شاعىن جيناقتى مەكتەپ انىقتالدى. جالپى سانى 94 مىڭ وقۋشى وقيتىن قالعان 222 مەكتەپتە وقۋ ۇدەرىسى قاشىقتان ۇيىمداستىرىلاتىن بولادى.
شتاتتىق رەجيمدە جۇمىس ىستەيتىن مەكتەپتەردە ءتيىستى سانيتارلىق شارالاردىڭ ىسكە اسىرۋ ءۇشىن وبلىستىق بيۋدجەتتەن 30,5 ملن. تەڭگە ءبولىندى.
تامىز كەڭەسىندە بىرقاتار ءبىلىم بەرۋ قىزمەتكەرلەرى ماراپاتتالادى. بيىل 300-گە جۋىق پەداگوگ جوعارى ماراپاتتارعا يە بولدى. 7 مۇعالىم «ى. التىنسارين» توسبەلگىسىنىڭ يەگەرى اتانسا, 8 مۇعالىم ءبىلىم بەرۋ قىزمەتكەرى ء«بىلىم بەرۋ ءىسىنىڭ قۇرمەتتى قىزمەتكەرى» بەلگىلەرىمەن ماراپاتتالادى.
قوستاناي وبلىسى