28-30 تامىز كۇندەرى ەلوردادا قر كونستيتۋتسيا كۇنىنە وراي جۇگىرۋدەن جانە ۆەلوجۇگىرۋدەن ونلاين جارىس وتەدى. بۇل تۋرالى نۇر-سۇلتان قالاسىنىڭ دەنە شىنىقتىرۋ جانە سپورت باسقارماسى مالىمدەدى, دەپ حابارلايدى Egemen.kz
بەلسەندى دەمالىس اۋەسقويلارى نۇر-سۇلتان قالاسىنىڭ كەز-كەلگەن ساياباعىندا وزدەرىنە قولايلى ۋاقىتتا سپورتتىق ءىس-شاراعا قاتىسا الادى. نيەت بىلدىرۋشىلەر تاڭعى 6-دان 21:00-گە دەيىنگى ۋاقىت ارالىعىندا «Strava» قوسىمشاسى ارقىلى ونلاين قاتىسۋعا بولادى.
ونلاين جارىس قورىتىندىسى بويىنشا اۋەسقويلار مەن ارداگەرلەر اراسىندا جەڭىمپازدار مەن جۇلدەگەرلەر انىقتالىپ, مەدال, ديپلوم جانە ارنايى سىيلىقتارمەن ماراپاتتالادى.
بارلىق قاتىسۋشىلار جەكە تولقۇجاتتارىمەن الدىن الا تىركەۋدەن ءوتۋى ءتيىس. جارىستىڭ شارتتارى:
1. جارىس ناتيجەسىن باقىلاۋ ءۇشىن "Strava" قوسىمشاسىنا تىركەلۋ.
2. sport.otdel.16@inbox.ru ەلەكتروندى پوشتاسىنا:
• اتى-ءجونى;
• "Strava" قوسىمشاسىنداعى پاراقشا اتاۋى;
• ەلەكتروندى مەكەنىجايىن جىبەرۋى كەرەك.
3. سانيتارلىق تالاپتاردى ساقتاي وتىرىپ, قاۋىپسىزدىك ەرەجەلەرىنە ساي اشىق اسپان استىندا جۇگىرۋگە نەمەسە ۆەلوجۇگىرۋگە الدىن الا باعىتىن دايىنداۋ. سونداي-اق قاتىسۋشىلار قاۋىپسىزدىگى مەن دەنساۋلىقتارىنا وزدەرى جاۋاپتى. ءار قاتىسۋشى قاشىقتىقپەن ۋاقىتىن ءوزى تاڭدايدى. ەسكەرتۋ! قالانىڭ باستى داڭعىلدارى مەن كوشەلەرىنە, جاياۋ جۇرگىنشىلەر جولىنا شىعۋعا قاتاڭ تيىم سالىنادى.
4. ۇيالى تەلەفون مەن قول ساعاتتاردا "Strava" قوسىمشاسىن قوسۋ.
5. جۇگىرۋ نەمەسە ۆەلوجۇگىرۋدەن كەيىن Instagram جەلىسىندە فوتو-ۆيدەو ەسەبىن سالىپ, @sport_nursultan @elordasport پاراقشالارىن #ونلاين5كم, #ونلاين10كم, #ونلاين15كم, #ونلاين25كم حەشتەگتەرىمەن بەلگىلەۋ. جارىس قورىتىندىسىن شىعارۋ ءۇشىن 30 تامىز كۇنى ساعات 22:00 گە دەيىن Instagram جەلىسىندە فوتو, ۆيدەولار جۇكتەلۋى قاجەت. سونداي-اق ءار قاتىسۋشى WhatsApp جەلىسىندە ناتيجەسىن جىبەرۋى كەرەك.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.