ەلوردادا جىلۋ بەرۋ ماۋسىمىنا دايىندىق بارىسى قالاي؟

ونىڭ ايتۋىنشا, قالاداعى جىلۋ ەلەكتر ستانتسيالارىنداعى جوندەۋ جۇمىستارى 85 پايىزعا اياقتالعان. جەو-1 دايىندىعى 80% دەپ باعالانادى.

«نىساندا جۇمىس جالعاسۋدا. №4 سۋ جىلىتۋ قازاندىعى, №3 تۋربوگەنەراتور, قازاندىق-تۋربينالىق تسەحتىڭ قوسالقى جابدىقتارى, وتىن-كولىك, حيميا جانە ەلەكتر جابدىقتارىنا ارنالعان قوندىرعىلار كۇردەلى جوندەۋدەن وتۋدە», – دەدى باعدات بايسادىقوۆ.

جەو-2 80% پايدالانۋعا دايىن. «استانا ەنەرگيا» اۋداندىق قازاندىقتارىنىڭ دايىندىعى 95%. ستانتسيالار ستاندارتتى 20 تاۋلىكتىك جانارماي قورىن جينادى.

كومىر قورى 427 076 توننا, ونىڭ ىشىندە جەو-1 –103 4999 توننا (بەلگىلەنگەن نورما – 42 424 توننا); جەو-2 – 323,577 توننا (بەلگىلەنگەن نورما – 203 660 توننا) مولشەرىندە.

«ورتالىقتاندىرىلعان جىلۋ جۇيەسىندەگى جىلۋ جەلىلەرىنىڭ قول جەتىمدىلىگى 94%-دى قۇرايدى. جالپى ۇزىندىعى 1150 مەتر ماگيسترالدىق جىلۋ جەلىلەرىنە كۇردەلى جوندەۋ جۇرگىزىلۋدە. جالپى ۇزىندىعى 4700 مەتر بولاتىن جىلۋ تاراتۋ جەلىلەرىنە اعىمداعى جوندەۋ جۇرگىزىلۋدە. جىلۋ وقشاۋلاۋدى قامتاماسىز ەتەتىن 966 شارشى مەتر جەلىنى قالپىنا كەلتىرۋ بويىنشا جۇمىستار اياقتالدى», – دەدى باسقارما باسشىسىنىڭ ورىنباسارى.

قالاداعى ەلەكتر جەلىلەرىنىڭ قول جەتىمدىلىگى – 71%, سۋمەن جابدىقتاۋ جانە كارىز جەلىلەرى – 80%-دى قۇرايدى.

«ينتەرناتسيونالنىي, ميچۋرينو, جەلەزنودوروجنىي, پرومىشلەننىي, وڭتۇستىك-شىعىس, كوكتال, اۆتوماتيكا تۇرعىن الاپتارىندا 2,4 كم سۋ قۇبىرلارى اۋىستىرىلىپ, 47 كم سۋ قۇبىرلارى حلورلاندى.

سۋمەن جابدىقتاۋ جەلىلەرىندە 47 ءورت گيدرانتى, ديامەترى 50-دەن 500 مم-گە دەيىنگى 53 كلاپان جوندەلىپ, ورناتىلدى. درەناج جۇيەسىنە كەلەر بولساق, 1,2 كم كارىز جەلىلەرى اۋىستىرىلدى, 31 كم كارىز جەلىلەرى جۋىلىپ, 970 قۇدىق جوندەلدى», – دەپ تۇيىندەدى وكىلەتتى ورگان باسشىسىنىڭ ورىنباسارى.

كوپپاتەرلى تۇرعىن ءۇي قورىنىڭ دايىندىعى 93% دەپ باعالانادى. اتاپ ايتقاندا, 2671 ءۇيدىڭ 2476-سى دايىن.

دەنساۋلىق ساقتاۋ نىساندارىنىڭ 97%-ى دايىن, ءبىلىم بەرۋ – 99%, مادەنيەت – 86%.

حالىق ءۇشىن كومىر قورى دا قامتاماسىز ەتىلگەن. قازىرگى ۋاقىتتا جانارمايدىڭ جالپى كولەمى 17 462 توننانى قۇرايدى. 1-25 تامىز ارالىعىندا قالاعا 19 570 توننا كومىر جەتكىزىلدى. تۇرعىندار كومىر قورى مەن شەكتى باعاسى تۋرالى اقپاراتتى 109 سەنىم تەلەفونى ارقىلى بىلە الادى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.