2 قىركۇيەكتە شۆەيتساريانىڭ نون قالاسىندا فۋتزالدان 2022 جىلى نيدەرلاندتا وتەتىن ەۋروپا چەمپيوناتىنىڭ ىرىكتەۋ ءتۋرنيرنىڭ جەرەبەسى تارتىلادى, دەپ حابارلايدى Egemen.kz.
قازاقستان قۇراماسى يسپانيا, پورتۋگاليا, رەسەي, سەربيا, ءازىربايجان, حورۆاتيا جانە يتاليامەن بىرگە "ا" سەبەتىندە. وزگە سەبەتتە مىنا كوماندالار بار: "ۆ" – ۋكراينا, چەحيا, سلوۆەنيا, رۋمىنيا, ماجارستان, فرانتسيا, فينليانديا جانە سلوۆاكيا; "C" سەبەتىندە – بەلارۋس, بوسنيا مەن گەرتسەگوۆينا, پولشا, بەلگيا, گرۋزيا, لاتۆيا, مولدوۆا جانە البانيا; "D/E" سەبەتىندە – نورۆەگيا, تۇركيا/گرەكيا, سان-مارينو/دانيا, يزرايل/كيپر, شۆەيتساريا/گەرمانيا, انگليا/سولتۇستىك ماكەدونيا, بولگاريا/ارمەنيا جانە چەرنوگوريا/ليتۆا.
ايتۋلى دوپ دوداسىندا باق سىنايتىن 32 ەلدىڭ ورەندەرى ءتورت-تورتتەن سەگىز توپقا ءبولىنىپ, ءوزارا شەبەرلىك بايقاسادى. توپ جارعاندار جانە ەكىنشى ورىن العاندار اراسىندا ۇزدىك ناتيجە كورسەتكەن التى كوماندا ەۋروپا چەمپيوناتىنا جولداما الادى. نيدەرلاندقا ساپار شەگەتىن تاعى ءبىر كوماندا قوسىمشا كەزدەسۋدە انىقتالادى. ال جارىستىڭ ءوزى 2022 جىلدىڭ 19 قىركۇيەگى مەن 6 اقپان ارالىعىندا امستەردام مەن گرونينگەن قالالارىندا وتەدى.