26 ماۋسىم 2013 جىلاستانا قالاسى
مەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعى قىزمەتىنىڭ قاعيدالارىن بەكىتۋ تۋرالى
26 ماۋسىم 2013 جىلاستانا قالاسى
مەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعى قىزمەتىنىڭ قاعيدالارىن بەكىتۋ تۋرالى
«مەملەكەتتىك قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسى زاڭىنىڭ 9-بابىنىڭ 9) تارماقشاسىنا سايكەس بۇيىرامىن:
1. قوسا بەرىلىپ وتىرعانمەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعى قىزمەتىنىڭ قاعيدالارى بەكىتىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ مەملەكەتتىك قىزمەتتەردى اۆتوماتتاندىرۋدى باقىلاۋ جانە xالىققا قىزمەت كورسەتۋ ورتالىقتارىنىڭ قىزمەتىن ۇيلەستىرۋ كوميتەتى (ب.ب. مۋسين):
1) وسى بۇيرىقتىڭ زاڭنامادا بەلگىلەنگەن تارتىپپەنقازاقستان رەسپۋبليكاسىادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىقازاقستان رەسپۋبليكاسىادىلەت مينيسترلىگىندە مەملەكەتتىك تىركەۋدەن كەيىن بۇقارالىق اقپاراتتارقۇرالدارىندا رەسمي جاريالانۋىن, سونىڭ ىشىندەقازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا جانە مويپ-دا ورنالاستىرۋدى;
3) وسى بۇيرىقتان تۋىندايتىنوزگە شارالاردىقابىلداۋدىقامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى س.س. سارسەنوۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.جۇماعاليەۆ.
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ
2013 جىلعى 26 ماۋسىمداعى № 487 بۇيرىعىمەن بەكىتىلدى
مەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعى قىزمەتىنىڭ قاعيدالارى
1. جالپى ەرەجە
1. وسى مەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعى قىزمەتىنىڭ قاعيدالارى ء(بۇدانارى - قاعيدالار) مەملەكەتتىكقىزمەتتەردى كورسەتۋ ماسەلەلەرى بويىنشا بىرىڭعاي بايلانىس–ورتالىعى ء(بۇدانارى – بىرىڭعاي بايلانىس-ورتالىعى) قىزمەتىنىڭ ءتارتىبىن انىقتايدى.
2. بىرىڭعاي بايلانىس-ورتالىعىنىڭ نەگىزىگى مىندەتتەرى:
1) مەملەكەتتىك قىزمەتتەر جانە ولاردى كورسەتۋدىڭ نىساندارى تۋرالى اقپاراتتىڭ قولجەتىمدىلىگىن ارتتىرۋ;
2) مەملەكەتتىك ورگاننىڭ قىزمەتى, مەملەكەتتىك قىزمەتتەردى كورسەتۋدىڭ ءتارتىبى مەن پروتسەسى تۋرالى قىزمەتتەردى الۋشىلاردىڭ حاباردارلىق دەڭگەيىن ارتتىرۋ;
3) مەملەكەتتىك قىزمەت بويىنشا اقپاراتتى ۇسىنۋ ماسەلەسى جونىندە ورتالىق مەملەكەتتىك ورگاندارمەن, وبلىستىڭ جەرگىلىكتى اتقارۋشى ورگاندارىمەن, رەسپۋبليكالىق ماڭىزى بار قالالارمەن, استانامەن, اۋدانمەن, وبلىستىق ماڭىزى بار قالالارمەن, قالاداعى اۋدانمەن, اۋداندىق ماڭىزى بار قالامەن, كەڭشارمەن, اۋىلمەن, اۋىلدىق وكرۋگپەن جانە قىزمەت بەرۋشىلەرمەن ارەكەتتەسۋ.
4) مەملەكەتتىك قىزمەتتەر بويىنشا اقپاراتتى الۋ ءۇشىن تەلەفوندىق قولجەتىمدىلىكتىڭ بىرىڭعاي نۇكتەسىمەن قىزمەت الۋشىلاردى قامتاماسىز ەتۋ.
بىرىڭعاي بايلانىس-ورتالىعىنىڭ فۋنكتسيالارىن مەملەكەتتىك ساتىپ الۋ ناتيجەلەرى بويىنشا اقپاراتتاندىرۋ سالاسىنداعى ۋاكىلەتتى ورگان انىقتايتىن تۇلعا جۇزەگە اسىرادى.
3. وسى قاعيدالاردا كەلەسى ۇعىمدار جانە قىسقارتۋلار پايدالانىلادى:
1) بىرىڭعاي بايلانىس-ورتالىعىنىڭ كونسۋلتانتى – ولاردىڭ قىزىعۋشىلىق تۋعىزاتىن مەملەكەتتىك قىزمەتتەر بويىنشا قىزمەت الۋشىلاردى اقپاراتتىق-انىقتامالىق قولداۋدى جۇزەگە اسىراتىن بىرىڭعاي بايلانىس - ورتالىعىنىڭ قىزمەتكەرى;
2) بىرىڭعاي بايلانىس ورتالىعىنىڭ اقپاراتتىق-انىقتامالىق ءبىلىم بازاسى (بۇدان ءارى - ءبىلىم بازاسى) - قىزمەتتەردى الۋشىعا جاۋاپ بەرۋگە ساقتاۋ, اقپاراتتى تولتىرۋ, جاڭارتۋ جانە قاجەتتى اقپاراتتى ىزدەنىستىرۋ ءۇشىن بىرىڭعاي بايلانىس ورتالىعىنىڭ ەلەكتروندىق دەرەكتەر قورى.
2. بىرىڭعاي بايلانىس-ورتالىعى قىزمەتىنىڭ ءتارتىبى
4. بىرىڭعاي بايلانىس-ورتالىعى ءوز وكiلەتتiلىگىنiڭ شەڭبەرىندە مىنالاردى:
1) قىزمەتتەردى الۋشىلارعا مەملەكەتتىك جانە ورىس تىلدەرىندە ولاردىڭ قىزىعۋشىلىعىن تۋدىراتىن مەملەكەتتىك قىزمەتتەر بويىنشا اقپاراتتى بەرۋدى;
2) مەملەكەتتىك قىزمەتتەردى كورسەتۋ مونيتورينگىنىڭ اقپاراتتىق جۇيەسىنە مەملەكەتتىك قىزمەتتەردى كورسەتۋ كەزەڭى تۋرالى دەرەكتەردى قىزمەتتەردى بەرۋشىلەر ەنگىزگەن جاعدايدا قىزمەتتەردى الۋشىلارعا مەملەكەتتىك قىزمەتتەردى كورسەتۋ كەزەڭى تۋرالى اقپاراتتى بەرۋدى قامتاماسىز ەتەدى.
قىزمەتتەردى الۋشىعا مەملەكەتتiك قىزمەتتەردi كورسەتۋ ءتارتىبى تۋرالى, مەملەكەتتىك قىزمەتتەردى كورسەتۋدىڭ كەزەڭى تۋرالى اقپارات, ونىڭ بىرىڭعاي بايلانىس – ورتالىعىنا حابارلاسقان كەزدە بەرiلەدi.
5. بىرىڭعاي بايلانىس-ورتالىعى ءوز قىزمەتىندە مىناداي قاعيداتتاردى باسشىلىققا الادى:
1) مەملەكەتتىك قىزمەتتەردىڭ ساپاسى مەن قولجىتمدىلىگى;
2) مەملەكەتتىك قىزمەتتەردى كورسەتۋ ءتارتىبى تۋرالى دۇرىس جانە وزەكتى اقپاراتتى ۇسىنۋ;
3) مەملەكەتتىك قىزمەتتەردى كورسەتۋ ءتارتىبى تۋرالى تولىق جانە جەدەل اقپاراتتى ۇسىنۋ.
6. بىرىڭعاي بايلانىس-ورتالىعى ءوزىنىڭ قىزمەتتەرىن قازاقستان رسەپۋبليكاسىنىڭ حالقىنا تاۋلىك بويى, ۇزدىكسىز, دەمالىس جانە مەرەكە كۇندەرى كورسەتەدى.
7. ازاماتتاردىڭ وتىنىشتەرى 1414, 8 800 080 7777 تەگىن تەلەفون نومىرلەرىنە, www.1414.kz ينتەرنەت رەسۋرسى بويىنشا, egov@nitec.kz, support@pki.gov.kz, sd@nitec.kz ەلەكتروندىق پوشتاسىنىڭ مەكەنجايىنا تۇسەدى.
تەلەفون ارقىلى شاعىمدانعان جاعدايدا قىزمەتتى الۋشىنىڭ قوڭىراۋى تۇسكەن ۋاقىتتان باستاپ بايلانىس جەلىسىندە جاۋاپتى كۇتۋدىڭ ورتاشا ۋاقىتى قىرىق سەكۋندتان اسپاۋ قاجەت.
8. ەلەكتروندىق پوشتاعا نەمەسە www.1414.kz ەلەكتروندىق مەكەنجايى بويىنشا ينتەرنەت رەسۋرسقا كەلىپ تۇسكەن وتىنىشتەردى تىركەۋ اۆتوماتتى تۇردە جۇزەگە اسىرىلادى.
9. كونسۋلتانت ءبىلىم بازاسىنداعى بار اقپارات بويىنشا مەمەلەكەتتىك قىزمەتتەردىڭ اقپاراتتىق-انىقتامالىق قولداۋىن جۇزەگە اسىرادى.
10. ەگەر وتىنىشتەردە بىرىڭعاي بايلانىس-ورتالىعى قىزمەتىنە كىرمەيتىن ماسەلەلەر قامتىلسا, كونسۋلتانت ءوتىنىش بىلدىرگەن تۇلعاعا وسى ماسەلەلەردى شەشۋى ونىڭ قۇزىرەتىنە كىرەتىن سۋبەكتىگە قاتىستى ونداعى بار اقپاراتتى بەرەدى.
11. قوڭىراۋدى قايتا باعىتتاعان كەزدە كونسۋلتانت قىزمەتتى الۋشىنى ول تۋرالى ەسكەرتۋگە مىندەتتى.
12. بىرىڭعاي بايلانىس-ورتالىعى ەلەكتروندىق تسيفرلىق قولتاڭبامەن كۋالاندىرىلعان ەلەكتروندىق قۇجات نىسانىندا www.1414.kz ەلەكتروندىق ادرەسى بويىنشا ينتەرنەت-رەسۋرسى ارقىلى شاعىمداردى بەرۋ سۇراقتارى بويىنشا قىزمەتتەردى الۋشىلارعا كونسۋلتاتسيا بەرەدى جانە ونى قاراۋدىڭ مەرزىمى تۋرالى حابارلايدى.
13. www.1414.kz ەلەكتروندىق مەكەنجايى بويىنشا ينتەرنەت-رەسۋرس ارقىلى بەرىلەتىن قىزمەتتى الۋشىلاردىڭ شاعىمدارى ەكى تۇرگە بولىنەدى:
1) مەملەكەتتiك قىزمەتتi كورسەتۋ ءتارتiبi جانە ورناتىلعان ستاندارتقا سايكەسسiزدiك بويىنشا شاعىم;
2) ورتالىق مەملەكەتتiك ورگاندار جانە جەرگiلiكتi اتقارۋشى ورگاندار مەن حالىققا قىزمەت كورسەتۋ ورتالىعى قىزمەتكەرلەرiنىڭ ارەكەتتىگىنە (ارەكەتسiزدiگىنە) شاعىم.
14. مەملەكەتتiك قىزمەتتi كورسەتۋدiڭ تارتiبiنە جانە بەكىتىلگەن ستاندارتقا سايكەزسىزدىككە شاعىم بەرۋ كەزىندە كورسەتىلەتىن قىزمەتتى الۋشى مەملەكەتتىك قىزمەتتىڭ اتى مەن سايكەسسىزدىكتىڭ سيپاتتاماسىن كورسەتەدى.
15. ورتالىق مەملەكەتتiك ورگاندار, جەرگiلiكتi اتقارۋشى ورگاندار, حالىققا قىزمەت كورسەتۋ ورتالىقتارى قىزمەتكەرلەرiنىڭ, قىزمەت كورسەتۋشىلەردىڭ ارەكەتتەرىنە شاعىم بەرۋ كەزىندە كورسەتىلەتىن قىزمەتتى الۋشى مەملەكەتتىك ورگاننىڭ, حالىققا قىزمەت كورسەتۋ ورتالىعىنىڭ جانە قىزمەت كورسەتۋشى لاۋازىمدى تۇلعانىڭ تەگى, اتى, اكەسىنىڭ اتى, جۇگىنۋدىڭ سەبەبى جانە تالاپتارى كورسەتىلەدى.
16. www.1414.kz ەلەكتروندىق مەكەنجايى بويىنشا بەرىلگەن شاعىمدى قىزمەت الۋشى ورتالىق مەملەكەتتىك ورگاندارعا جانە جەرگiلiكتi اتقارۋشى ورگاندارعا, حالىققا قىزمەت كورسەتۋ ورتالىقتارىنا جانە مەملەكەتتىك قىزمەتتى بەرۋشىلەرگە ولاردىڭ قۇزىرەتىنە سايكەس جىبەرەدى.
17. قىزمەتتى الۋشىعا كورسەتىلگەن كونسۋلتاتسيانىڭ ساپاسىن باعالاۋ مۇمكىندىگى بەرىلەدى. كونسۋلتانتپەن سويلەسۋ اياقتالعاننان كەيىن بىردەن بەس باللدىق شكالا بويىنشا كونسۋلتانتتىڭ جۇمىسىن باعالاۋدى ۇسىناتىن جۇيە اۆتوماتتى تۇردە قوسىلادى.
18. اقپاراتتاندىرۋ سالاسىنداعى ۋاكىلەتتى ورگاننىڭ جانە (نەمەسە) مەملەكەتتىك قىزمەتتەردىڭ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ جازباشا تالابى بويىنشا بىرىڭعاي بايلانىس ورتالىعى ءتيىستى سۇراۋ سالۋدى العاننان كەيىن ءتور ساعاتتان اسپايتىن مەرزىمدە كونسۋلتانتتاردىڭ سويلەسۋ جازباسىن بەرەدى. بۇل رەتتە سۇراۋ سالۋدا قىزمەتتى الۋشىنىڭ كۇنى جانە تەلەفون ءنومىرى كورسەتىلۋى ءتيىس.
19. بىرىڭعاي بايلانىس-ورتالىعى كونسۋلتانتتارىنىڭ كاسىبىي قۇزىرەتىن ارتتىرۋدى تۇراقتى نەگىزدە جۇزەگە اسىرادى, مەملەكەتتىك قىزمەتتەردىڭ ستاندارتتارى بويىنشا وقىتۋدى جانە قايتا وقىتۋدى جۇرگىزەدى, ىنتالاندىرۋ جانە ماداقتاۋ سيپاتىنداعى شارالاردى قازاقستان رەسپۋبليكاسىنىڭ زاڭناماسىنا سايكەس قولدانادى.
20. كونسۋلتانتتاردىڭ قىزمەتى وسى قاعيدالارعا سايكەس جانە ىشكى رەگلامەنتتەرگە سايكەس جۇزەگە اسىرىلادى.
21. بىرىڭعاي بايلانىس-ورتالىعىنىڭ قىزمەتىن ىشكى باقىلاۋ جانە كونسۋلتاتسيا بەرۋ قىزمەتتى الۋشى مەن بىرىڭعاي بايلانىس-ورتالىعىنىڭ كونسۋلتانتى اراسىنداعى تەلەفونمەن سويلەسۋلەر ساپاسىن باقىلاۋدى جۇزەگە اسىرۋ ماقساتىندا جازىلادى.
22. مەملەكەتتىك قىزمەتتەردى كورسەتۋ ماسەلەلەرى بويىنشا اقپاراتتى بەرۋدىڭ ساپاسىن باقىلاۋ اقپاراتتاندىرۋ سالاسىنداعى وكىلەتتى ورگانمەن جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 26 ماۋسىمدا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8583 بولىپ ەنگىزىلدى.