ماقتاارال اۋدانىندا سۋ تاسقىنىنان زارداپ شەككەن تۇرعىنداردىڭ اۋىرتپاشىلىعىن بۇكىل ەل بىرلەسە كوتەرىسىپ جاتىر. كۇنى كەشە ء"بىلىم-يننوۆاتسيا" ليتسەيلەرىنىڭ اتا-انالارى مەن تۇلەكتەرى ء"بىز بىرگەمىز" اكتسياسى اياسىندا 4 ميلليون 491 مىڭ تەڭگە كولەمىندە قارجى جيناپ, 110 پلانشەتتى ماقتاارالدىق وقۋشىلارعا سىيعا تارتتى, - دەپ حابارلايدى Egemen.kz.
ەلىمىزدەگى ەپيدەميالىق احۋالعا بايلانىستى بۇگىنگى تاڭدا مەكتەپ وقۋشىلارىن قاشىقتىقتان وقىتۋ ماڭىزدى. دەگەنمەن, ول ءۇشىن كومپيۋتەرلەر مەن نوۋتبۋكتار, سمارتفوندار مەن پلانشەتتەردىڭ قاجەتتىلىگى بايقالۋدا. ء"بىلىم-يننوۆاتسيا" ليتسەيلەرىنىڭ نەگىزگى قىزمەتى ءبىلىم سالاسى بولعاندىقتان, ەلىمىزدەگى جاعداي ەسكەرىلىپ سۋ تاسقىنىنان زارداپ شەككەن جانە از قامتىلعان وتباسىلاردىڭ بالالارىنا پلانشەتتەردى تابىس ەتتى.
"ەلىمىزدە قانداي قيىن جاعداي بولماسىن, ۇرپاعىمىزعا ساپالى ءبىلىم بەرۋدى جالعاستىرۋ كەرەكپىز. بۇل - مەملەكەتىمىزدىڭ بولاشاعى ءۇشىن وتە وزەكتى. مىنە, سۋ تاسقىنىنان زارداپ شەككەن ماقتاارالدىق وقۋشىلاردىڭ ءبىلىم الۋىنا جاعداي جاساپ, ۇلكەن كومەك بەرىپ جاتقان ء"بىلىم-يننوۆاتسيا" قورى مەن ليتسەيلەرىنە اۋدان جۇرتشىلىعى اتىنان ءوز العىسىمدى بىلدىرەمىن!" - دەدى, قايىرىمدىلىق شاراسىندا ءسوز سويلەگەن اۋدان اكىمى باقىت اسانوۆ.
ايتا كەتەيىك, اتالعان قايىرىمدىلىق شاراسى ء"بىلىم-يننوۆاتسيا" قورى مەن ليتسەيلەرىنىڭ العاشقىسى ەمەس. بۇعان دەيىن قور 100 وتتەگى كونتسەنتراتىن ەلىمىزدىڭ بارلىق ايماعىنداعى وبلىستىق اۋرۋحانالارعا جەتكىزگەن بولاتىن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.