سەنات دەپۋتاتى داۋرەن ادىلبەكوۆ كوكشەتاۋ قالاسىنا كەلدى, وندا قازىرگى تاڭدا اباتتاندىرۋ جۇمىستارى جۇرگىزىلۋدە. ەڭ الدىمەن, دەپۋتاتتى وبلىس ورتالىعىنىڭ جىلىتۋ ماۋسىمىنا دايىندىعى قىزىقتىردى, - دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
قازىر كوممۋنالدىق قىزمەتكەرلەر جىلۋ جەلىلەرىن جوندەۋمەن اينالىسۋدا. 2 كومىرتوزاڭدى قازاندىعىنىڭ بەرىكتىگى تەكسەرىلدى. ماگيسترالدىق جانە ورامىشىلىك جىلۋ جۇيەلەرى دە تەكسەرۋدەن وتكىزىلۋدە.
سونداي-اق سەناتور جىلۋ ماگيسترالدارىنىڭ قۇرىلىسى مەن قايتا قالپىنا كەلتىرىلۋىن تەكسەردى. مەردىگەرلەر ماتەريالدار بويىنشا تولەمدى كەشىكتىرۋ بولعانىن, بىراق قازىر بارلىق ماسەلە شەشىلىپ, ماتەريالدار كەلە باستاعانىن, ەندى جۇمىستى مەرزىمىندە اياقتاۋعا تولىق مۇمكىندىك بار ەكەنىن حابارلادى. بۇگىندە جوبا 70%-عا اياقتالىپ تۇر.
كوممۋنالدىق جەلىلەردى جاڭارتۋمەن قاتار, كوكشەتاۋدا تۇرعىن ۇيلەر, وقۋشىلار سارايى مەنجاعالاۋ قۇرىلىستارى جۇرۋدە. سەناتور دەنساۋلىق ساقتاۋ سالاسىنىڭ قىزمەتكەرلەرىنە ارنالعان 40 پاتەرلى ءۇيدىڭ قۇرىلىسى ءجۇرىپ جاتقان الاڭدا بولدى. جەرگىلىكتى بيلىك قازىر قالادا تۇرعىن ءۇي كەشەندەرى كوپتەپ سالىنىپ جاتقانىن, اسىرەسە ولاردىڭ باسىم بولىگى «قولجەتىمدى باسپانا» مەملەكەتتىك باعدارلاماسىنىڭ اياسىندا بوي كوتەرىپ جاتقانىن اتاپ ءوتتى. سەناتور بارلىق مەملەكەتتىك باعدارلامانىڭ ىسكە اسىرىلۋىنا جانە سالىنىپ جاتقان تۇرعىن ۇيلەردىڭ ساپاسىنا قوعامدىق باقىلاۋدى قامتاماسىز ەتۋ قاجەتتىگىن باسا ايتتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.