ەلوردادا ەرىكتىلەر مەكتەبىندە وقۋ قالاي جۇرگىزىلەدى؟

2020 جىل قازاقستاندا ەرىكتىلەر جىلى بولىپ جاريالاندى. قيىن كەزەڭدە ادامدارعا كومەكتەسۋگە دەگەن نيەت پەن ىقىلاس وتانداستارىمىزعا ءتان قاسيەت. نۇر-سۇلتاندا كاسىبي كومەك كورسەتۋگە كومەكتەسەتىن ارنايى مەكتەپ بار.

"بيىل مەكتەپ ونلاين رەجيمگە ءوتتى. سوڭعى توپ 17 تامىزدا ساباقتارىن باستادى, تەوريالىق ساباقتار ارنايى باعدارلامالار ارقىلى وتكىزىلدى. سونىمەن قاتار ءبىز ستۋدەنتتەردى ءىس-شارالار كەزىندە تىكەلەي تاجىريبە جيناۋعا شاقىرامىز", دەيدى نۇر-سۇلتان اكىمدىگىنىڭ "استانا جاستارى" باسشىسى شىڭعىس تلەۋلين.

جالپى, بيىل شامامەن 300 ەرىكتى دايارلاۋ جوسپارلانعان. ۇيىم قۇرىلعالى ياعني 2014 جىلدان بەرى, شامامەن 2,5 مىڭ ادام وقىتىلدى. ەرىكتىلەر ارىستى قالپىنا كەلتىرۋگە اتسالىسىپ, پاندەميا كەزىندە مۇقتاج ادامدارعا كومەك كورسەتتى جانە ەلوردادا وتكەن حالىقارالىق ءىس-شارالارعا قاتىستى.

"وقۋ ءۇش كەزەڭنەن تۇرادى. ءبىرىنشى كەزەڭ - بۇل بارلىعى قاتىساتىن كىرىسپە كۋرس. وندا شامامەن ون سىنىپ بار: العاشقى مەديتسينالىق كومەك, پسيحولوگيالىق ترەنينگتەر جانە ءوزىن-ءوزى دامىتۋ ترەنينگتەرى. ودان كەيىن ۆولونتەرلەر ءۇش باعىتقا بولىنەدى – توتەنشە جاعداي ەرىكتىلەرى, حالىقارالىق ەرىكتىلەر جانە الەۋمەتتىك ەرىكتىلەر. ولاردىڭ سول سالا بويىنشا جاتتىعۋلار بەرىپ, مامان ەتىپ شىعارادى. سودان كەيىن ءۇشىنشى كەزەڭ - كەيبىر جاعدايدا تىكەلەي پراكتيكالىق دايىندىقتان وتكىزەدى", دەپ ءتۇسىندىردى شىڭعىس تلەۋلين.

ەرىكتىلەر مەكتەبىندە وقىعىسى كەلەتىندەر ءۇشىن 109 ىكomek نومىرىنە نەمەسە Astana_zhastary_volunteeers ينستاگرامم اككاۋنتى ارقىلى ۇيىمعا حابارلاسۋعا بولادى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.