وتاندىق ۆاكتسينا كلينيكاعا دەيىنگى زەرتتەۋدەن ءوتتى

جانۋارلارعا ۆاكتسينانىڭ كۇ­شەي­تىلگەن دوزاسىن سالىپ, ونىڭ قاۋىپسىزدىگى مەن ۋىتتى اسەرى مۇ­قيات تەكسەرىلدى. سونىمەن قاتار وسى زەرتتەۋ اياسىندا وتان­دىق ۆاك­تسينانىڭ اعزاعا اللەر­گيالىق رەاكتسياسى مەن دەنەنى تىتىركەندىرگىش اسەرىنىڭ جوق ەكەنى انىقتالدى.

جالپى, زەرتتەۋ ادىستەرىنەن باس­قا, ۆاكتسينانىڭ قاۋىپسىزدىك دەڭ­گەيى قاننىڭ گەماتولوگيالىق جانە بيوحيميالىق كورسەتكىش­تەرىمەن راستالدى. ۆاكتسينانىڭ جانۋارلاردىڭ ىشكى مۇشەلەرىنە اسەرى دە باعالاندى. ءجىتى زەرتتەۋ ناتي­جەلەرى كلينيكاعا دەيىنگى زەرت­تەۋ COVID-19-عا قارسى وتان­­دىق ۆاكتسينا ۋىتتى ەمەس ەكە­نىن انىقتادى جانە ونى كەيىن كلي­نيكالىق سىناق بارىسىندا ەرىكتى ادامدارعا قولدانۋعا بولا­تىندىعىن كورسەتتى.

«جاڭا ۆاكتسينانىڭ تيىمدىلىگى مەن قاۋىپسىزدىگىن تولىق باعالاۋ ءۇشىن قازاقستاندىقتاردى ۆاك­تسيناتسيالاۋعا ودان ءارى كەڭ اۋقىم­­­دى كلينيكالىق زەرتتەۋلەر قا­جەت. زەرتتەۋدىڭ بارلىق كە­زەڭى وتكى­زىل­گەننەن كەيىن عا­نا ۆاك­­تسينا­نىڭ قاۋىپ­سىزدىگى تۋ­رالى ايتۋعا بولادى», دەدى الما­تى فار­ما­كولو­گيا­لىق سىناق زەرتحانا­سىنىڭ مەڭ­گەرۋشىسى ۆالەنتينا شناۋك­شتا.

ايتا كەتەيىك, بارلىق ەكسپەري­مەنت دارىلىك زاتتار مەن مەدي­تسينا­لىق بۇيىمداردى ساراپ­تاۋ ۇلتتىق ورتالىعىنىڭ جانۋارحاناسىنداعى ەكسپەريمەنت­تىك جانۋارلارعا جاسالدى. فار­­ما­كو­لوگيالىق زەرتتەۋلەر زەرت­­حا­ناسى GLP OECD سايكەس سلو­­ۆاك ۇلتتىق اككرەديتتەۋ قىز­مەتىنىڭ (SNAS) حالىقارالىق اككرە­ديتتەۋ مارتەبەسىنە يە جانە قا­زاق­­ستانداعى بيوەكۆيۆالەنتتى زەرتتەۋ جۇرگىزەتىن جالعىز زەرتحانا.

ەسكە سالا كەتەيىك, بۇعان دەيىن دۇنيەجۇزىلىك دەنساۋلىق ساقتاۋ ۇيىمى قازاقستاندىق عالىم­داردىڭ جۇمىسىن ءوزىنىڭ رەسمي سايتىندا تىركەپ, ونى كلينيكاعا دەيىنگى زەرتتەۋگە رۇقسات ەتىلگەن Covid-19-عا قارسى ۆاكتسيناعا كان­ديداتتاردىڭ تىزىمىنە قوسقان بولاتىن.

وتاندىق بەلسەندى ەمەس ۆاكتسينانى عىلىم كوميتەتىنىڭ بيولو­گيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ قىزمەتكەرلەرى ازىرلەدى. ۆەدوم­س­تۆونىڭ مالىمەتىنشە, بۇل قا­زاقستانداعى ناۋقاستاردان بو­لىنگەن ۆيرۋس شتاممى نەگىزىندە جاسالعان.