2020 جىلى جۇمىسپەن قامتۋعا جاردەمدەسۋ شارالارىنا 1 ميلليون 220 مىڭ ادامدى تارتۋ جوسپارلانعان. بۇگىنگى تاڭدا بۇل شارالارمەن 743 مىڭ قازاقستاندىق قامتىلدى. بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سەرىك شاپكەنوۆ پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە ايتتى, - دەپ حابارلايدى Egemen.kz.
«ەلىمىزدە جۇمىس ىستەيتىن بارلىق مەملەكەتتىك باعدارلامالاردىڭ الەۋەتىن ەسكەرە وتىرىپ, بيىل 1 ميلليون 220 مىڭ ادامدى جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ جوسپارلانۋدا. بۇگىنگى تاڭدا بۇل شارالارعا 743 مىڭ قازاقستاندىق قاتىستى», – دەدى سەرىك شاپكەنوۆ ءوز سوزىندە.
ۆيتسە-مينيستر 379 مىڭ ادام «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسىنىڭ قاتىسۋشىسى بولعانىن اتاپ ءوتتى.
«شاعىن كاسىپكەرلىكتى دامىتۋدىڭ مەملەكەتتىك باعدارلاماسىن ىسكە اسىرۋ اياسىندا 5 800 ميكروكرەديت پەن 17 200 قايتارىمسىز گرانت بەرىلدى. 5 800 ميكروكرەديت الۋشى قوسىمشا 6151 تۇراقتى جۇمىس ورنىن قۇردى. 156 مىڭ قازاقستاندىق مەملەكەت سۋبسيديالايتىن جۇمىس ورىندارىنا ورنالاستىرىلدى. جۇمىسپەن قامتۋ ورتالىقتارى ارقىلى 130 مىڭ ادام بوس جۇمىس ورىندارىنا تۇردى. 34,5 مىڭ ادام كاسىپكەرلىك نەگىزدەرى بويىنشا قىسقا مەرزىمدى وقۋدان ءوتتى. قىركۇيەك ايىندا ۇبت تاپسىرا الماعان 20 مىڭنان استام تالاپكەر جۇمىسشى ماماندىقتارى بويىنشا اقىسىز كاسىپتىك-تەحنيكالىق وقۋعا جىبەرىلەدى», – دەدى ول.
سەرىك شاپكەنوۆ, سونىمەن قاتار, ب جۇمىسپەن قامتۋدىڭ جول كارتاسى (بۇدان ءارى – جقجك) اياسىندا 6,4 مىڭعا جۋىق جوبا جۇزەگە اسىرىلىپ جاتقانىن, بۇگىندە 154 مىڭ ادامدى جۇمىسپەن قامتىعانىن ايتتى. ولاردىڭ 73%-ى اۋىلدىق جەرلەردە تۇرادى, 37%-ى جۇمىسسىز جاستار, 17%-ى بۇرىنعى بەيرەسمي جۇمىسشىلار جانە 9%-ى تابىسى از وتباسىلاردىڭ مۇشەلەرى.
«جقجك جوبالارى بويىنشا ورتاشا جالاقى 130 مىڭ تەڭگەنى قۇرايدى. 154 مىڭ ادامنىڭ جالاقىسىنا شامامەن 75 ميلليارد تەڭگە جۇمسالدى. وسىلايشا, 600 مىڭنان استام ادام, ونىڭ ىشىندە وتباسى مۇشەلەرى تابىس كوزىمەن قامتاماسىز ەتىلدى. جوبالارعا قاتىسقان كاسىپكەرلىك سۋبەكتىلەرى 370 ملرد. تەڭگەگە تاپسىرىس الدى. اكىمدىكتەرمەن بىرلەسكەن باعالاۋعا سايكەس, 19 مىڭعا جۋىق شاعىن جانە ورتا بيزنەس وكىلدەرى جقجك جوبالارىن جۇزەگە اسىرۋعا قۇرىلىس ماتەريالدارىن ساتۋشى جانە مەردىگەر رەتىندە قاتىستى, كەم دەگەندە 114 مىڭ ادام جۇمىس ورىندارىن ساقتاپ قالدى», - دەدى ۆيتسە-مينيستر.
سەرىك شاپكەنوۆ جول كارتاسىن ىسكە اسىرۋ بولاشاقتا وڭ الەۋمەتتىك-ەكونوميكالىق ناتيجە بەرەتىندىگىن اتاپ ءوتتى.
«اتاپ ايتقاندا, ءبىلىم بەرۋ سالاسىنداعى 80 جاڭا وبەكت اۆاريالىق جانە ءۇش اۋىسىمدى مەكتەپتەر, اۋىلدىق جەرلەردە ءبىلىم الۋعا قولجەتىمدىلىك پروبلەمالارىن شەشۋمەن قاتار, مۇعالىمدەرگە 10 مىڭ جاڭا تۇراقتى جۇمىس ورنىن ۇسىنادى. دەنساۋلىق ساقتاۋ, مادەنيەت, سپورت, تۋريزم سالاسىنداعى 60 جاڭا وبەكت 20 مىڭ تۇراقتى جۇمىس ورنىن قۇرۋعا مۇمكىندىك بەرەدى. 153 سۋ شارۋاشىلىعى قۇرىلىسىن سالۋ جانە جاڭعىرتۋ سۋارمالى جانە جايىلىمدى جەرلەردىڭ كولەمىن ەداۋىر ارتتىرادى جانە اۋىل شارۋاشىلىعىندا 77 مىڭ تۇراقتى جۇمىس ورنىن قامتاماسىز ەتەدى», – دەدى ول.
ينجەنەرلىك جەلىلەردى جانە 8 مىڭ شاقىرىمنان استام قالالىق جانە اۋىلدىق جولداردى جوندەۋ, 900 ەلدى مەكەندى اباتتاندىرۋ اكىمدەردىڭ حالىقپەن كەزدەسۋلەرىندە تۇرعىندار كوتەرگەن ماسەلەلەردى شەشۋگە جانە ولاردىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى.
جول كارتاسىنىڭ قاراجاتىن پايدالانىپ, كوروناۆيرۋستىق ىندەتپەن كۇرەسۋ ءۇشىن 13 جاڭا ينفەكتسيالىق اۋرۋحانا سالىنادى. ءوز كەزەگىندە, ولاردا قوسىمشا 5 مىڭ تۇراقتى جۇمىس ورنى قۇرىلادى.
«جالپى, جۇمىسپەن قامتۋ جول كارتاسىنىڭ جوبالارى 100 مىڭنان استام تۇراقتى جۇمىس ورنىن قۇرۋعا نەگىز بولادى», – دەپ قورىتىندىلادى سەرىك شاپكەنوۆ.
بريفينگ سوڭىندا ۆيتسە-مينيستر جىل باسىندا وبلىستار مەن رەسپۋبليكالىق ماڭىزى بار قالالاردىڭ اكىمدەرىمەن قول قويىلعان مەموراندۋمدارعا سايكەس, 2020 جىلى 431,5 مىڭ جۇمىس ورنى اشىلۋى قاجەت ەكەنىن جەتكىزدى («ەڭبەك» مەملەكەتتىك باعدارلاماسى مەن جقجك قوسپاعاندا). 7 ايدا 300,2 مىڭ جۇمىس ورنى قۇرىلدى, ونىڭ ىشىندە 149 مىڭى - تۇراقتى, 135 مىڭى - اۋىلدىق جەرلەردە.
سونىمەن بىرگە, سوڭعى ايلاردا ەلەكتروندىق ەڭبەك بيرجاسى (بۇدان ءارى - ەەب) ارقىلى جۇمىس ىزدەۋدەگى حالىقتىڭ بەلسەندىلىگى ارتتى. جىل باسىمەن سالىستىرعاندا جۇمىس بەرۋشىلەر ۇسىنعان بوس جۇمىس ورىندارىنىڭ سانى 8,5 ەسەگە, جۇمىس ىزدەپ, تۇيىندەمەلەرىن جاريالاعان ادامدار قاتارى 8 ەسەگە وسكەن.
ەەب ارقىلى 7 ايدا 333 مىڭ ادام جۇمىسقا ورنالاستىرىلدى, ولاردىڭ 57%-ى تۇراقتى جۇمىس تاپتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.