ەلىمىزدە جىل باسىنان بەرى 75 بالا تەرەزەدەن قۇلادى, دەپ حابارلايدى Egemen.kz
توتەنشە جاعدايلار كوميتەتىن ەرەسەك ادامداردىڭ قاراۋىنسىز قالعان بالالاردىڭ قاۋپسىزدىگى الاڭداتادى. ماسەلەن, 2020 جىل باسىنان باستاپ (2020 ج. 31.07.جاعداي بويىنشا) كوپپاتەرلى تۇرعىن ۇيلەردىڭ تەرەزەسىنەن 1-8 جاس ارالىعىنداعى 75 بالا قۇلادى. وسى فاكتىلەر تىركەلگەن كەزدە 7 بالا كوز جۇمدى, ال قالعان 68 بالا اۋرۋحاناعا جاتقىزىلدى.
وقيعالار نۇر-سۇلتان (15), قاراعاندى (13), باتىس-قازقستان (6), الماتى ق. (6), شىعىس قازاقستان (6), قىزىلوردا (5), اتىراۋ (5), جامبىل (5), قوستاناي (3), اقمولا (2), اقتوبە (2), پاۆلودار (2), الماتى (2), ماڭعىستاۋ (1) وبلىستارىندا, شىمكەنت ق. (1) ورىن الدى.
2019 جىلى 2-دەن 13 جاسقا دەيىنگى بالالاردىڭ تەرەزەدەن قۇلاعان 100-دەن استام وقيعا ورىن الدى.
بالالار ۇيدە بولعاندا ءبىرىنشى كەزەكتە ولاردىڭ اتا-اناسىنا قاۋىپسىزدىك قاعيدالارىن ساقتاۋ كەرەك. ءاربىر اتا-انا بالانىڭ تەرەزەدەن نەمەسە بالكوننان قۇلاۋىنىڭ قاۋىپ-قاتەرىن ازايتۋعا ارنالعان شارالاردى ءبىلۋى قاجەت.
1. ۇيدە كىشكەنتاي بالا بولسا, تەرەزەنى اشىق قالدىرماڭىز, سەبەبى نازارىڭىزدى بىرنەشە سەكۋندقا باسقا جاققا اۋدارساڭىز بولعانى, ول بالا ومىرىندەگى سوڭعى ساتكە اينالۋى نەمەسە مۇگەدەك بولىپ قالۋى مۇمكىن.
2. تەرەزەنى ءتيىستى قورعاۋسىز موسكيت تورلارىن قولدانباۋ – بالالار سەنىمدى تىرەك رەتىندە قابىلداي وتىرىپ, ولارعا سۇيەنۋدى جاقسى كورەدى, سودان كەيىن ولارمەن بىرگە سىرتقا قۇلايدى.
3. بالانىڭ وزدىگىنەن تەرەزەنى اشۋىنا كەدەرگى كەلتىرەتىن قاۋىپسىزدىك ق ۇلىپىن ورناتىڭىز.
4. بالانىڭ تەرەزە استىنا كىرمەۋى جانە تومەن تۇسپەۋى ءۇشىن تەرەزە جانىنا جيھاز قويماڭىز.
5. بالالاردىڭ تەرەزە الدىنا شىقپاۋى ءۇشىن جيھازدى تەرەزەگە جاقىن جەرگە قويماڭىز.