ەلوردانىڭ ساۋدا ورتالىقتارى مەن حقكو-دا دەزينفەكتسيا جۇرگىزىلۋدە

"قازىرگى ۋاقىتتا قالادا شامامەن 6,900 نىسان بار, ولاردىڭ بارلىعى دەرلىك دەزينفەكتسيالاندى. وڭدەۋ تۇزدى ەرىتىندىمەن جۇرگىزىلەدى. كاسىپكەرلەر نىسانداردى ءوز قاراجاتىنا وڭدەيدى", - دەپ حابارلادى نۇر-سۇلتان قالالىق ينۆەستيتسيالار جانە كاسىپكەرلىكتى دامىتۋ باسقارماسى.

جاقىندا زالالسىزداندىرۋ كەلەسى نىسانداردا جۇرگىزىلدى: "تۇلپار" ساۋدا كەشەنى, ورتالىق بازار, "حان شاتىر" ساۋدا ويىن-ساۋىق ورتالىعى, "اق بوتا" ساۋدا ورتالىعى, "وربيتا" ساۋدا ءۇيى, Asia Park, "ارۋجان" ساۋدا-ويىن-ساۋىق ورتالىقتارى, "SMALL" ساۋدا جەلىلەرى, "Ailand Astana" ودو,  Magnum (تۇران داڭعىلى 55), "شارىن" بازارى, "Sine Tempore" ساۋدا ءۇيى, "راحمەت" ساۋدا ءۇيى, "ابۋ-دابي پلازا", سونداي-اق اۆتو-حقكو-لاردى قوسقاندا, بارلىق قالالىق حالىققا قىزمەت كورسەتۋ ورتالىقتارى. حالىققا قىزمەت كورسەتەتىن بارلىق مەكەمەلەر, اتاپ ايتقاندا, حقكو, بانكتەر, قىزمەت كورسەتۋ ورتالىقتارى الەۋمەتتىك قاشىقتىق بەلگىلەرىن ورناتۋدا.

حابارلانعانداي, بۇگىن مەملەكەت باسشىسى قاسىم-جومارت توقاەۆ قازاقستانداعى ەپيدەميولوگيالىق احۋال ماسەلەلەرى جونىندەگى كەڭەستە قازاقستاندا كارانتيندى تاعى ەكى اپتاعا ۇزارتۋدى تاپسىردى.