اۋىل شارۋاشىلىعى ءمينيسترىنىڭ 2020 جىلعى 28 شىلدەدەگى № 240 بۇيرىعىمەن كۇنباعىس تۇقىمىن قازاقستان رەسپۋبليكاسىنىڭ اۋماعىنان ءۇشىنشى ەلدەرگە اكەتۋگە قورىتىندى (رۇقسات بەرۋ قۇجاتىن) بەرۋ قاعيدالارى بەكىتىلدى, دەپ حابارلايدى اشم ءباسپاسوز قىزمەتى.
قاعيدارالارعا سايكەس, قورىتىندى (رۇقسات بەرۋ قۇجاتى) اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ اۋماقتىق بولىمشەلەرىمەن بەرىلەدى.
قورىتىندى (رۇقسات بەرۋ قۇجاتىن) الۋ ءۇشىن اۋىل شارۋاشىلىعى تاۋارىن وندىرۋشىلەر ۋاكىلەتتى ورگانعا كەلەسى قۇجاتتاردى ۇسىنادى:
1) كۇنباعىس تۇقىمىن قازاقستان رەسپۋبليكاسىنىڭ اۋماعىنان ءۇشىنشى ەلدەرگە اكەتۋگە قورىتىندى (رۇقسات بەرۋ قۇجاتىن) بەرۋ تۋرالى ءوتىنىش;
2) كۇنباعىس تۇقىمىنا ينۆويستىڭ نەمەسە تاۋار-كولىكتىك جۇكقۇجاتتىڭ كوشىرمەسى;
3) جەكە باسىن كۋالاندىراتىن قۇجات جانە (نەمەسە) وكىلدىڭ وكىلەتتىگىن راستايتىن قۇجات (سايكەستەندىرۋ ءۇشىن).
قر اشم اوك ميك اۋماقتىق بولىمشەلەرى بۇگىنگى كۇننەن باستاپ كۇنباعىس تۇقىمىن قازاقستان رەسپۋبليكاسىنىڭ اۋماعىنان ءۇشىنشى ەلدەرگە اكەتۋگە قورىتىندى (رۇقسات بەرۋ قۇجاتىن) بەرۋگە دايىن.