قاتەرلى كەسەلدەن ايىعىپ شىققان قازاق كۇرەسىنەن الەم چەمپيونى ايبەك نۇعىماروۆ پەن سەمەيلىك ەلەكترتەحنيكالىق كوللەدج ديرەكتورى ازات سارپەكوۆ قان ورتالىعىنا بارىپ, يممۋندىق پلازما دونورى بولدى, - دەپ حابارلايدى Egemen.kz قازاقستان ۇلتتىق تەلەارناسىنا سىلتەمە جاساپ.
مامانداردىڭ ايتۋىنشا, ءبىر ادامنان 600-650 مل پلازما الىنادى. بۇل, شامامەن, ىندەت جۇقتىرعان ءۇش ناۋقاستى ەمدەپ, قاۋىپتى ىندەتتىڭ ىلمەگىنەن قۇتقارۋعا كومەكتەسەدى.
ايتا كەتەيىك, سەمەيدە 31 ادام دونور بولۋعا ءوتىنىش بىلدىرگەن. ونىڭ ىشىندە قان ورتالىعىنىڭ 8 قىزمەتكەرى بار. ولاردان الىنعان يممۋندىق پلازمانىڭ دوزالارى وسى ورتالىقتا ازىرلەنىپ, قاجەتتىلىگىنە بايلانىستى قالاداعى اۋرۋحانالارعا تاراتىلادى.