ءوندىرىستى پايدالانۋعا بەرۋ جولىنداعى تاعى ءبىر قادام قر ەكولوگيا, گەولوگيا جانە تابيعي رەسۋرستار مينيسترلىگىنىڭ 2020-2029 جىلدارعا ارنالعان قورشاعان ورتاعا ەميسسيالارعا رۇقساتىن الۋ بولدى. رۇقسات شارتتارىنا سايكەس كومپانيا وزىنە قازاقستان رەسپۋبليكاسىنىڭ ەكولوگيالىق زاڭناماسىنىڭ; رۇقساتتىڭ قولدانىلۋ كەزەڭىنە ارنالعان ەميسسيالاردىڭ, تابيعات قورعاۋ ءىس-شارالارىنىڭ ءنورماتيۆتى تالاپتارىن ساقتاۋ جونىندەگى مىندەتتەمەلەردى الادى.
ەستەرىڭىزگە سالا كەتەيىك, جاڭا فابريكانىڭ وندىرىستىك قۋاتى جىلىنا 2 500 000 توننا كەن قۇرايدى. "دوليننوە" ءاوف پايدالانۋعا بەرىلۋىمەن "التىنالماس اك" اق اقتوعاي وندىرىستىك الاڭىنىڭ كەن وڭدەۋ بويىنشا جالپى قۋاتى جىلىنا 5 200 000 تونناعا دەيىن, ال تاۋ-كەن ماسساسىن ءوندىرۋ بويىنشا جىلىنا 50,000,000 تونناعا دەيىن ارتادى.
CIP تەحنولوگياسى بويىنشا "دوليننوە" ءاوف ىسكە قوسۋ-رەتتەۋ جۇمىستارى اعىمداعى جىلدىڭ 22 مامىرىندا باستالعان. قازىرگى ۋاقىتتا ءوندىرىستى اپاتسىز جانە قاۋىپسىز ىسكە قوسۋ, سونداي-اق ءوندىرىستى جوبالىق كورسەتكىشتەرگە شىعارۋ جۇمىستارى ءساتتى اياقتالدى, ماۋسىم ايىنىڭ باسىندا ءاوف-تە سالماعى 5,3 كگ بولاتىن ءبىرىنشى قۇيما التىن شىعارىلدى.
"دوليننوە" ءاوف "التىنالماس اك" اق-نىڭ سوڭعى 10 جىلدا سالىنعان جانە ىسكە قوسىلعان "اقباقاي" التىن وندىرەتىن فابريكاسى, "پۋستىننوە" بايىتۋ فابريكاسى جانە "Altynalmas Technology" باعالى مەتالداردى شىعارۋ زاۋىتىمەن قاتار ءتورتىنشى فابريكا بولدى.
"التىنالماس اك" اق تولىق گەولوگيالىق, تاۋ-كەن ءوندىرۋ جانە التىن وڭدەۋ تسيكلىنىڭ كومپانياسى. كومپانيا قىزمەتىنىڭ نەگىزگى باعىتتارى قۇرامىندا التىن بار كەندى ءوندىرۋ جانە وڭدەۋ; گەولوگيالىق بارلاۋ جۇمىستارى; جوبالاۋ جانە قۇرىلىس-مونتاجداۋ جۇمىستارى; عىلىمي-زەرتتەۋ, جوبالاۋ جانە ىزدەستىرۋ جۇمىستارىن قارجىلاندىرۋ; باعالى مەتالداردى بارلاۋ, ءوندىرۋ جانە قايتا وڭدەۋ جونىندەگى وندىرىستەردى سالۋ جانە رەكونسترۋكتسيالاۋ بولىپ تابىلادى. كومپانيانىڭ اكتيۆتەرى قازاقستاننىڭ 4 ايماعىندا: جامبىل, قاراعاندى, شىعىس قازاقستان جانە اقمولا وبلىستارىندا شوعىرلانعان.