تۇركىستان وبلىسىندا جەرگىلىكتى ماڭىزى بار اۆتوموبيل جولدارى مەن ەلدى مەكەن كوشەلەرىنىڭ ۇزىندىعى 17 364,4 شاقىرىم. بيىل وڭىردە قۇرىلىس-جوندەۋ جۇمىستارىمەن جالپى 541 نىسان نەمەسە 1 295,6 شاقىرىم جول مەن ەلدى مەكەن كوشەلەرىن قامتۋ كوزدەلگەن. جىل سوڭىندا 526 نىسان نەمەسە 1 015,9 شاقىرىم جول پايدالانۋعا بەرىلەدى, - دەپ حابارلايدى Egemen.kz.
تۇركىستان وبلىسىنىڭ اكىمى ومىرزاق شوكەەۆتىڭ تاپسىرماسىنا وراي, نەگىزگى باسىمدىق وبلىس اۋماعىنداعى حالقى تىعىز ءارى شەكارا ماڭىندا ورنالاسقان وڭتۇستىك اۋدانداردىڭ (شاردارا, ماقتاارال, جەتىساي, كەلەس جانە سارىاعاش) اۆتوموبيل جولدارىنىڭ جاعدايىن جاقسارتۋ ماسەلەسىنە بەرىلۋدە. بۇل رەتتە, قازىرگى تاڭدا "تۇركىستان-شاردارا" باعىتىنداعى وبلىستىق ماڭىزى بار كح-8 "وزبەكستان شەكاراسى-شاردارا-ارىس-تەمىرلان" اۆتوموبيل جولىنىڭ جالپى 162,6 شاقىرىمىندا جانە جول بويىنداعى 8 كوپىردە جوندەۋ جۇمىستارى جۇرگىزىلۋدە.
اتالعان جۇمىستار اياقتالعان كەزدە وبلىس ورتالىعى مەن وڭتۇستىك اۋداندار اراسىنداعى اراقاشىقتىق 120 شاقىرىمعا دەيىن قىسقاراتىن بولادى. وسى ارالىقتاعى جولدىڭ 145 شاقىرىمى اعىمداعى جىلى تولىق اياقتالادى دەپ جوسپارلانۋدا.