ءومىر ءۇشىن قيىلعان ءومىر

پرەزيدەنت جارلىعىمەن ەكىنشى دارەجەلى «بارىس» وردەنى­مەن ماراپاتتالعان مارقۇم قايرات بايمۇحامبەتوۆ اقتىق دە­مى شىق­قانشا دارىگەرلىك پارى­زى­نا ادال بولىپ وتكەن جان. ول الماتى وبلىسىنىڭ باس مەم­لە­­كەتتىك سانيتارلىق دارىگەرى قىز­مەتىندە ءجۇرىپ كوروناۆيرۋس پان­دەمياسى باستالعان العاشقى كەزەڭنەن باستاپ كۇرەستىڭ العى شەبىندە ءجۇردى. ىندەتتىڭ الدىن الۋ مەن ساقتىق شارالارىن ۇيىمداستىرۋ جۇمىسىنىڭ نەگىزگى سالماعى سانيتارلىق قىز­مەت­كە تۇسكەنى بەلگىلى. قازىر دە بۇل مىندەتتى وبلىستىڭ سانيتار دارى­گەرلەرى ابىرويمەن اتقارۋدى جال­عاستىرۋدا.

ال اسكەري دارىگەر, جامبىل اۋدانى, ۇزىناعاش اۋىلىنداعى ور­تالىق اۋرۋحانادا ۇزاق جىل قىز­­مەت اتقارعان بەگاليدين الاش­باەۆ تا ىندەت جۇقتىرعان ناۋ­قاس­تاردىڭ ءومىرى ءۇشىن اقى­­رىنا دەيىن كۇرەسكەن انتىنا بەرىك جان­نىڭ ءبىرى بولدى. مارقۇمنىڭ جان­قيارلىق ەڭبە­گى پرەزيدەنت جار­لى­عىمەن «قۇرمەت» وردەنىمەن اتالىپ ءوتىپ, ونىڭ ءومىر ءۇشىن كۇرەستەگى ونەگەلى ءىسى مەن جارقىن بەينەسى جۇرەكتەردە ماڭگىلىك جاسايتىن بولادى.

– انتقا ادال بولۋدىڭ ۇلگىسىن ءبىزدىڭ ارىپتەستەرىمىز كورسەتىپ وتىر. وكىنىشكە قاراي, ءومىر ءۇشىن كۇرەستە ءوز ءومىرىن تاۋەكەل ەتكەن دارىگەرلەر بار. ايماقتاعى مارقۇم بولعان, ناۋقاستانىپ قال­عان اق حالاتتى جانداردىڭ وتباسىنا كوڭىل ايتىپ, مىقتىلىق تىلەيمىن. جالپى, بۇگىنگى قيىن-قىستاۋ شاقتا وبلىستا 3 مىڭنان استام مەديتسينا قىزمەتكەرى كۇن سايىن قىزمەتتىك پارىزىن اتقارۋدا. ونىڭ ىشىندە 851 دارى­گەر, 1718 ورتا توپتاعى مەديتسينا قىزمەتكەرى جانە 436 كىشى بۋىن قىزمەتكەر بار. بارلىق قىز­مەتكەردىڭ قاۋىپسىزدىگىن قام­تا­ما­سىز ەتىپ, الاڭسىز جۇمىس ىستەۋى ءۇشىن تولىق جاعداي جاساپ وتىرمىز, – دەيدى وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق.

وتكەن ءۇش ايدىڭ ىشىندە وبلىس­تاعى 3 مىڭنان استام مەدي­­تسينا قىزمەتكەرى جالپى سوماسى 1,2 ملرد تەڭگە بولاتىن ۇستە­مەاقى الدى. سول سياقتى جەر­گى­لىكتى بيۋدجەت ەسەبىنەن 1023 مە­دي­تسينا قىزمەتكەرىنە جالپى سوماسى 137 ملن تەڭگە سىياقى بەرىلگەن.

الماتى وبلىسى