جاعداي قالىپقا تۇسە باستادى

تىنىمسىز جۇمىستاردىڭ ناتيجە­سىندە قالا بويىنشا جەدەل جاردەم شاقىرتۋلارى ازايدى. بۇل تۋرالى شاھار اكىمدىگىندە وتكەن شىمكەنت قا­لاسى اۋماعىندا كوروناۆيرۋستىق ينفەك­تسيانىڭ تارالۋىنا قارسى ءىس-قيمىل بو­يىنشا ارنايى شتابىندا ايتىلدى. جيىن بارىسىندا اتقارىلىپ جاتقان باس­قا دا بىرقاتار جۇمىس تالقىلاندى.

«قالا بويىنشا جەدەل مەديتسينالىق جاردەم شاقىرتۋلاردىڭ سانى ازايىپ كەلەدى. شىلدە ايىنىڭ 1-جۇلدىزىنان باستاپ بۇگىنگە دەيىن (12.07.2020) شاقىر­تۋلار سانى 2142-دەن 1839-عا دەيىن تو­مەندەدى. قالادا جالپى سانى 650 ين­فەكتسيالىق توسەك-ورىن بار, ونىڭ 204-ءى بوس. پروۆيزورلىق ورىن سانى – 3210, قازىر 1110 بوس ورىن بار. ەل پرەزي­دەنتىنىڭ تاپسىرماسىنا سايكەس, ال­داعى ۋاقىتتا توسەك-ورىن قورىن كوبەيتۋ ما­سەلەسى قاراستىرىلۋدا.

قالا اۋماعىنداعى 24 اۋرۋحانادا كۇن سايىن 1100 وتتەگى باللونىنا قا­جەتتىلىك بار. وسىعان وراي, شىمكەنت قالاسىندا وتتەگىن وندىرەتىن 5 مەكەمەمەن كەلىسىمشارت جاسالدى («AirGaz» جشس, «كەرەمەت ساپا» جشس, «نۋريبال بازا» جشس, «پك وكسي» جشس, «يمان­بەكوۆ» جەكە كاسىپكەرلىگى), بارلىق اۋرۋ­حانالارعا تۇراقتى تۇردە وتتەگى باللوندارى جەتكىزىلۋدە», دەدى شاھار اكىمى مۇرات ايتەنوۆ.

كەلەلى كەڭەستە قالالىق دەنساۋلىق ساقتاۋ باسقارماسىنىڭ باسشىسى رۋستام قۋانىشبەك ۇلى ىندەتكە بايلانىستى تىركەلگەن ستاتيستيكالار مەن جۇرگىزىلىپ جاتقان ەم-دوم جونىندە ءسوز قوزعادى, ش.وسپانوۆا جەدەل جاردەم قىزمەتى بو­يىنشا احۋال قالىپقا تۇسكەنىن, وزەكتى ما­سەلە جوق ەكەنىن حابارلادى.

جيىن بارىسىندا قالا اكىمى ءتيىستى ماماندارعا تاۋلىك سايىن 30 مىڭ شاقىر­تۋ قابىلداي الاتىن ديسپەتچەرلىك ورتا­لىقتى تەزىرەك اشۋدى تاپسىردى. سونداي-اق شتاب وتىرىسىندا بۇگىندە 323 ءوجت (وكپەنى جاساندى تىنىستاندىرۋ اپپاراتى) قۇرىلعىلارىنىڭ سانىن الداعى ۋاقىتتا 475-كە جەتكىزۋ جوسپارلانىپ وتىرعانى بەلگىلى بولدى. قالا اۋماعىنداعى بارلىق 24 اۋرۋحاناعا كۇن سايىن 1200 وتتەگى باللونى قاجەت ەكەنى ايتىلدى.

قالا اكىمى مۇرات ايتەنوۆ قاداپ ايت­قانداي, ەپيدەميالىق احۋالدى جاق­سارتۋ بارىسىندا حالىققا قاجەتتى دۇنيە­لەردى ىسكە اسىرۋ بارىسىن تەزدەتۋ كەرەك.

«شەشىم شىعارۋدى ەكى كۇنگە سوزاتىن ۋاقىت جوق. جۇمىستى شۇعىل تۇردە ناقتى ءبىر جۇيەگە قويۋىمىز كەرەك. ال اقپاراتتاردى ۋاقتىلى جەتكىزۋىمىز قاجەت. بۇل جۇيە رەتتەلىپ, ەندىگى كەزەكتە قالا تۇرعىندارى «سovid-19 شىمكەنت» سايتى ارقىلى بۇگىنگى جاعدايعا بايلانىس­تى مالىمەتتەردى تولىق الىپ وتىرادى», دەدى م.دۇيسەنبەك ۇلى.

وعان قوسا, قالا اكىمى ءتيىستى ماماندار­عا مەملەكەتتىك كۇندىزگى ستاتسيونارلارعا بەك­ى­تىلگەن ارنايى ەرەجە تاراتىلۋىن تاپ­سىردى.

«ياعني ناۋقاستار ەمنىڭ تەگىن ەكەنىن ءبىلۋى كەرەك. ەگەر مەديتسينا قىزمەتكەرى ەم ءۇشىن ءدارى-دارمەك سۇراسا, «109» نومى­رىنە حابارلاسىپ, قۇقىقتارىن قورعاۋعا مۇمكىندىكتەرى بار», دەدى قالا اكىمى.

تويحانالار پروۆيزورلىق ورتالىققا اينالادى

شىمكەنتتە ەپيدەميالىق جاع­داي ۋشىعىپ تۇرعان شاقتا الەۋمەتتىك جەلى­لەردە ناۋقاستارعا توسەك-ورىن جەتىس­پەۋشىلىگىن شەشۋدىڭ وڭتايلى جول­دارى ۇسىنىلعان ەدى. ايتا كەتۋ كەرەك, جەلى بەل­سەندىلەرىنىڭ تاراپىنان قالاداعى ءبىلىم بەرۋ عيماراتتارىن «ۋاقىتشا اۋرۋحاناعا اينالدىرۋ» تۋرالى دا ۇسى­نىس تاستالعان. الايدا شىم­كەنتتىك اتا-انالار بۇعان قارسى بولدى.

جۋىردا وسى ماسەلەگە وراي شىمكەنت قالاسىنداعى مەيرامحانا يەلەرى ءۇن قاتتى. ولار ەپيدەميالىق جاع­داي كۇر­دەلەنىپ, مۇقتاجدىق تۋسا, وز­دە­رى­نىڭ مەن­شىگىندەگى عيماراتتاردى پرو­ۆيزورلىق, ستاتسيونارلىق ورتالىق­تار­عا اينالدىرۋعا دايىن ەكەندەرىن جەتكىزدى. ءبىر سوزبەن ايتساق, جەر­گىلىكتى كاسىپكەر ازاماتتار ەلدىڭ باسىنا تۇسكەن اۋىرتپالىقتى بىرلەسىپ كوتەرۋگە دايىن.

بۇل ۇسىنىستى ولار قالا اكىمى مۇ­رات ايتەنوۆكە جەتكىزدى. شاھارداعى بىر­­نەشە عيماراتتى ارالاپ شىققان مۇرات دۇيسەنبەك ۇلى ازىرگە قوسىمشا پرو­ۆيزورلىق ورتالىقتاردى اشۋدىڭ قاجەتى جوق ەكەنىن حابارلادى. ويتكەنى بۇگىندە شاھارداعى اۋرۋحانالار مەن ستاتسيونارلاردا مەديتسينالىق كومەككە مۇقتاج بارلىق ناۋقاستى جاتقىزۋعا جەتەتىن ورىن بار. الايدا ىندەتتىڭ تارالۋى ءوسىپ, ناۋ­قاستى كوبەيىپ كەتكەن جاع­دايدا اكىمدىك جەرگىلىكتى مەيرامحانالاردى, تويحانالاردى پروۆيزورلى ستا­تسيو­نار رەتىندە پايدالاناتىن بولادى.         

«قازىرگى تاڭدا شىمكەنت قالاسى اكىمى­نىڭ تاپسىرماسىنا سايكەس ەپيدە­ميالىق جاعداي كۇرت ناشارلاپ كەتكەن جاعدايعا دايىندىق جۇمىستارى جۇر­گىزىلۋدە. كوروناۆيرۋس جۇقتىرعان جانە پنەۆمونياعا شالدىققان ناۋقاس­تاردى ەمدەۋگە 7 ملرد تەڭگە قارجى ءبو­لۋدى جوس­پارلاپ وتىرمىز. نىسانداردى ءبى­رىن­شى كەزەكتە ۇلكەن سۇرانىسقا يە ءدارى-دارمەكتەرمەن, ءوجت اپپاراتتارىمەن جانە كومپيۋتەرلىك توموگرافيامەن (كت) قامتاماسىز ەتۋ ماسەلەسى شەشىلەتىن بولادى», دەدى قالا اكىمىنىڭ ءبىرىنشى ورىنباسارى ەربول سادىر.

ول سونداي-اق ساۋدا ورتالىقتارى مەن قالاداعى باسقا دا ءىرى نىسان يەلەرى تۇرعىندارعا ۋاقتىلى مەديتسينالىق كو­مەك كورسەتۋ ءۇشىن تەگىن كومەك كور­سەتۋگە دايىن ەكەنىن اتاپ ءوتتى.

«ەگەر كۇزدە ەپيدەميالىق جاعداي ناشارلاپ, ىندەتتىڭ ەكىنشى تولقىنى باس­تالسا, ءبىز سول جاعدايعا دا­يىن بولۋى­مىز كەرەك. سوندىقتان قازىر كاسىپ­كەر­لەردىڭ وزدەرى ۇسىنعان قالا­داعى ءىرى عيماراتتاردى قاراستىرىپ جاتىر­مىز. جاعداي كۇردە­لەنسە, ءبىز شۇعىل پروۆيزورلىق ور­تا­لىقتاردى ۇيىم­­داستىرۋعا دايىنبىز. بۇگىنگى تاڭدا ناۋ­قاستاردى ەمدەۋ­گە ار­نالعان قوسىمشا 3 مىڭ ورىن دايىن­دادىق. جاقىن ارادا كاسىپكەرلەر ۇسىنعان عيماراتتاردان دا ءدال سولاي توسەك-ورىندار ازىرلەيتىن بولامىز», دەدى قالا اكىمىنىڭ ءبىرىنشى ورىنباسارى.

بۇعان دەيىن شاھارداعى اۋرۋحانالاردا ناۋقاستارعا ارنالعان وتتەگى قۇرىل­عىلارىنىڭ تاپشىلىعى ءسوز بولعان. اكىم­دىك وسى تۇيتكىلدى شەشۋ ماقساتىندا قالاداعى 4 اۋرۋحانانىڭ بازاسىندا ارنايى وتتەگى ستانساسىن ورناتاتىن بولدى. ستانسالار قالالىق پەرزەنتحانادا, قا­لالىق جۇقپالى اۋرۋحانا مەن №1 قالالىق اۋرۋحانادا جانە №2 كوپسالالى اۋرۋحانادا ورناتىلادى. اتالعان مەديتسينا مەكەمەلەرىنىڭ ارقايسىسىندا وتتەگى جەتكىزىلگەن 50 توسەك-ورىن اشىلادى. بۇل تۋرالى قالا اكىمىنىڭ ءبىرىنشى ورىنباسارى ە.سادىر مالىمدەدى.

ول بۇدان بولەك شىمكەنت قالاسىندا جاقىن كۇندەرى تاعى ءبىر وتتەگى وندىرەتىن تسەح ىسكە قوسىلاتىنىن اتاپ ءوتتى. وندا كۇنىنە 1-2 مىڭ وتتەگى باللو­نى شىعارىلماق. سونىمەن قاتار ول قالا­داعى وتتەگىن ون­دىرەتىن ءىرى 3 ستانسانىڭ جۇمىسى تۇراقتى باقىلاۋدا ەكەنىن حابارلادى. ونىڭ ايتۋىنشا, قالادا قازىرگى تاڭدا بارلىعى 722 وتتەگى جەتكى­زىلگەن توسەك-ورىن بار. ال قالا اۋما­عىنداعى بارلىق 24 اۋرۋحانانى كۇن سايىن 1200 وتتەگى باللونىمەن قامتىپ وتىرۋ قاجەت.

جاڭا تەحنولوگيا تىعىرىقتان شىعۋعا كومەكتەسەدى

شىمكەنتتە كوروناۆيرۋسقا قاتىستى جان-جاقتى دەرەكتەر جاريالاناتىن www.covid19shymkent.kz اقپاراتتىق پور­تالى اشىلعانىن ايتا كەتەيىك. بۇل تۋرالى قالا اكىمى الەۋمەتتىك جەلى­دە­گى پاراقشاسىندا حابارلادى. مۇرات اي­تەنوۆتىڭ ايتۋىنشا, پورتال مەم­لەكەتتىك ورگاندارعا تۋىنداعان پروب­لەمالارعا جەدەل نازار اۋدارۋعا, ال تۇرعىن­دارعا COVID-19 تۋرالى اقپارات الىپ وتىرۋعا مۇمكىندىك بەرەدى.

قازاقستاندا بالاماسى جوق بۇل سايتتى U:projects قوعامدىق بىرلەستىگىنىڭ IT-ماماندارى جاسادى. ولار ۇسىنعان جوبانى شىمكەنت قالاسىنىڭ اكىمى بىردەن قولداعان.          

ء«بىز سايتتى تەستىلەۋدى ءساتتى اياق­تاپ, ونى ىسكە قوسۋدامىز. ورتالىقتاندى­رىل­عان اقپاراتتىق پورتال شىمكەنتتەگى ەپيدەميالىق احۋالدىڭ بارلىق ينديكاتورلارى مەن دەتالدارىن كورسەتىپ وتىراتىن نەگىزگى پلاتفورما بولادى. جوبا ءۇش كەزەڭنەن تۇرادى. ونىڭ ەكەۋىنەن وتتىك. ءبىرىنشى كەزەڭىندە جاس IT-ماماندار – ەرجان سونار, دىنمۇحاممەت جولدىباي, ارتەم فەدوسكين, ءىلياس بەك­تاس قالامىزداعى سovid-19 تۋرالى تالداۋ مالىمەتتەردى جيناقتاپ, وڭدەۋدى اۆتوماتتاندىرۋ ءۇشىن باعدارلاما قۇردى. بۇعان دەيىن جەرگىلىكتى دەنساۋلىق ساقتاۋ جانە تسيفرلاندىرۋ باسقارمالارىنىڭ ماماندارى بارلىق اۋرۋحانا, ەمحانالاردان, پروۆيزورلىق ورتالىقتاردان قانشا بوس توسەك-ورىن بارى, ەمدەۋ مە­كەمەلەرىنە قانشا ناۋقاس كوروناۆيرۋسپەن, پنەۆمونيامەن, جرۆي-مەن تۇسكەنى, ءوجت اپپاراتىنىڭ, وتتەگى بال­لوندارىنىڭ, تاعى باسقالارىنىڭ قاي مەكەمەگە جەتىسپەي جاتقانى تۋرالى اقپاراتتاردى جينادى. اكىمگە بۇل تۋرالى بارلىق ەسەپ Exسel فورماتىندا ۇسىنىلادى. ءبىز پاندەميامەن كۇرەسكە ءوز ۇلەسىمىزدى قوسۋدى ۇيعارىپ, ارنايى سايت­تى تەگىن جاسادىق. بۇل بيلىكتىڭ جۇمى­سىن جەڭىلدەتەدى, ال تۇرعىنداردىڭ اۋقىمدى اقپاراتتار الىپ وتىرۋىنا كومەكتەسەدى», دەيدى جوباعا جاۋاپتى ازاماتتار.

سايت جاساۋشىلاردىڭ ايتۋىنشا, سOVID-19 تۋرالى مالىمەتتەردى جيناقتاۋ پروتسەسىن مەيلىنشە جەڭىلدەتۋدى ءارى اۆتوماتتاندىرۋدى كوزدەگەن. ايتۋلارىنا قاراعاندا, بۇل ادامي فاكتوردى بولدىرمايدى. مۇندا پروبلەماعا نازار اۋدارۋدا ءاربىر تسيفر مەن ءىستىڭ ناقتىلىعى ماڭىزدى.

اۋرۋحانالارداعى بارلىق كەزەكشى دارىگەرلەر مامانداردىڭ قاتىسۋىنسىز-اق سايت ارقىلى ىڭعايلى فورمادا ەسەپتەرىن بەرە بەرەدى. ولار بار بولعانى ون كورسەتكىش بويىنشا تسيفرلاردى ۇسى­نادى. باعدارلاما قالا باسشىسىنا جىلدىق ەسەپتى ءوزى-اق بەرىپ تۇرادى.

«سايتتا تۇرعىندار مەن قالا باسشىسىنا ستاتيستيكالىق مالىمەت بولەك جاريالانادى. تۇرعىندار اۋرۋحانالار مەن پروۆيزورلىق ورتالىقتاردىڭ قايسىسىندا بوس ورىن بار ەكەندىگىن ءبىلىپ وتىرادى جانە بۇل تسيفرلار اۆتوماتتى تۇردە جاڭارىپ تۇرادى. ماسەلەن, №6 ەمحانانىڭ كەزەكشى دارىگەرى بۇگىن سەگىز توسەك-ورىننىڭ بوساعانىن كورسەتەدى, وسىلايشا ادامدار قاي اۋرۋحاناعا بارىپ جاتۋعا بولاتىنىن ءبىلىپ وتىرادى. سايتتان ءتۇرلى نۇسقاۋلىقتار مەن پاندەميا كەزىندە ۇستاناتىن ەرەجەلەردى, مامانداردىڭ كەڭەسىن تابا الادى. پان­دەميا كەزىندە دۇربەلەڭ تۋىنداماس ءۇشىن, ءتۇرلى جالعان اقپاراتتار تارالىپ كەتپەۋى ءۇشىن مالىمەتتەردى ءبىر ورتالىقتان بەرۋ وتە قاجەت. تۇرعىنداردىڭ جاعدايدى ءبىلىپ, ءتۇسىنىپ وتىرعانى, ولاردىڭ ناقتى دەرەكتەردى كورىپ, سابىرلىلىق ساقتاعانى ماڭىزدى. سەبەبى سوڭعى كۇندەرى قالادا ءتۇرلى دۇربەلەڭ جاعدايلار تۋىنداعانى جاسىرىن ەمەس. U:projects بيلىككە وسىنداي پروبلەمالاردى جەدەل شەشۋگە كومەكتەسەدى. دەگەنمەن ءبىزدىڭ ارەكەتىمىز كەيبىرەۋلەرگە باسقاشا اسەر ەتكەنىن دە مويىندايمىز. مۇنداي سەنىمسىزدىك ءبىزدىڭ سەرىكتەستەرىمىز – جاس IT-مامانداردىڭ بىزگە قوسىلۋىنا كەدەرگى كەلتىرەدى. ءبىز كەت­كەن شىعىنىمىزدىڭ ورنىن تولتى­رۋعا ەشكىمنەن ەشقانداي قارجى تالاپ ەتپەيمىز, جاي عانا كومەكتەسكىمىز كەلەدى. شىمكەنتتىڭ اكىمدىگى بىزگە سەنىم ارتىپ, قالا­عا قولۇشىن سوزۋىمىزعا مۇمكىندىك بەردى. ەگەر جاڭا اقپاراتتىق جۇيە ءساتتى جوبا رەتىندە تانىلسا, ءبىز ونى باسقا قالالارعا دا تاراتۋعا دايىنبىز», دەيدى U:projects جوباسىنىڭ نەگىزىن سالۋشى توقتار الىمبەكوۆ.

ونىڭ سوزىنە قاراعاندا, جاڭا پور­تالدىڭ ارتىقشىلىعى – big data جۇيە­سىمەن جۇمىس ىستەيتىنى. بۇل ناقتى مىن­دەتتەر مەن تاپسىرمالار ءۇشىن پاي­دا­لانۋعا قاجەتتى قۇرالداردى, مالىمەت­تەردى تالداۋ ادىستەرى جانە ونى پايدالانۋ مۇمكىندىگى. ءدال وسى big data پاندەميامەن كۇرەسكە پايدالانۋعا قاجەت جانە Covid-19 جاعدايىن جاقسارتۋعا مۇم­كىندىك بەرەدى.

شەتەلدىك تاجىريبەنى پايدالانباق

ەپيدەميالىق احۋالدىڭ كۇردە­لەنگەنىنە بايلانىستى كورشىلەس مەملەكەتتەر ەلىمىزگە كومەك قولىن سوزۋدا. سون­داي كومەكتەردىڭ ءبىر شوعىرى شىم­كەنت قالاسىنا دا كەلىپ جەتتى. تار­قاتىپ ايتار بولساق, قالامىزعا رەسەيدەن ءبىر توپ دارىگەر كەلدى. ساپار ماقساتى – كوروناۆيرۋستىق ينفەكتسيامەن كۇرەس بويىنشا تاجىريبە الماسۋ. سونداي-اق ولار Covid-19 كوروناۆيرۋس ينفەك­­تسياسىنا قارسى كۇرەسۋ بويىنشا كونسۋلتاتسيالىق-ادىستەمەلىك كومەك كورسەتەدى. دارىگەرلەردىڭ اراسىندا ينفەكتسيونيست, رەانيماتولوگ, انەستەزيولوگ-رەانيماتولوگ, ەپيدەميولوگتەر بار.

قالا اكىمى مۇرات ايتەنوۆ ارنايى مە­دي­تسينالىق توپپەن كەزدەسىپ, قالاداعى قازىر­گى ەپيدەميالىق جاعدايدىڭ جاي-جاپ­­سارىن جان-جاقتى باياندادى. سون­داي-اق ولارعا قازىرگىدەي قيىن كە­زەڭدە بىرلەسىپ جە­مىس­تى جۇمىس اتقارۋعا تىلەك­تەستىگىن ءبىل­دىردى.

«بۇگىنگى تاڭدا الەم بويىنشا دارى­گەر­لەر كوروناۆيرۋس ينفەكتسياسىنا قارسى كۇرەستىڭ, ونى ەمدەۋدىڭ جاڭا ادىس­تەرىن زەرتتەپ, ءوزارا تاجىريبە الماسۋدا. مەملەكەتتەر اراسىنداعى تىعىز ىنتى­ماقتاستىقتىڭ ارقاسىندا بىلىكتىلىك ارتتىرىپ, تاجىريبە الماسۋ مۇمكىندىگىنە يە بولىپ وتىر. وسى ورايدا, سىزدەردىڭ شىم­كەنت قالاسىنا كەلگەندەرىڭىزگە قۋا­نىشتىمىز», دەدى مۇرات ايتەنوۆ. رەسەي­دەن كەلگەن دارىگەرلەر 3-4 توپ­قا ءبولى­نىپ, بەلگىلى ءبىر اۋرۋحاناعا بەكىتى­لەتىن بولادى.

بۇگىندە شىمكەنت قالاسىندا كوروناۆيرۋسپەن كۇرەس بويىنشا ەم الۋ شارالارىن جۇرگىزۋگە 3264 مەديتسينا قىزمەتكەرى جۇمىل­دىرىلعان. قالانىڭ باس دارىگەرى رۋستام الباەۆتىڭ ايتۋىنشا, شاھاردا ءدارى-دارمەك تاپ­شىلىعىن بولدىرماۋ ماقساتىندا شەتەلدىك فارماتسەۆتيكالىق كومپانيالارمەن كەلىسىم جاسالۋدا. قازىرگى تاڭدا اسا قاجەتتى ءدارى ونىمدەرى كەزەڭ-كەزە­ڭىمەن دارىحانالارعا تاسىمالدانىپ جاتىر.

«شىمكەنت قالاسىندا قولايسىز ەپي­دەميالىق جاعدايعا بايلانىستى ينفەكتسيالىق اۋرۋلارعا شالدىققان ناۋقاستاردى ەمدەۋ ءۇشىن توسەك-ورىن سانى قوسىمشا كوبەيتىلۋدە. بۇل توسەك-ورىندار سانى 650-دەن 3129-عا جەتتى. سونداي-اق جان ساقتاۋ بولىمىندەگى ورىندار سانىن دا كوبەيتتىك, بۇگىندە 141 جان ساقتاۋ ورنى بار. ولار №2 قالا­لىق اۋرۋحانا, اسار شاعىن اۋدانىن­داعى 200 توسەك-ورىندىق ينفەك­­تسيالىق اۋرۋحانا جəنە قالالىق كارديو­لو­گيا­­­لىق ورتالىقتىڭ بازاسىندا ورنا­لاستىرىلعان. رەانيماتولوگ ماماندار تاۋلىگىنە 24 ساعات جۇمىس ىستەۋدە.

 شىمكەنت قالاسىندا وتكەن جىلمەن سالىستىرعاندا جەدەل جاردەم قىزمەتىن شاقىرتۋشىلار سانى 2 ەسەگە وسكەن ەدى. قازىرگى تاڭدا جاعداي قالىپقا كەلە باس­تادى. ال ءدارى-دارمەك بويىنشا رەسەي, ۋكراينا, تۇركيا, وزبەكستان جانە باس­قا دا ەلدەردىڭ كومپانيالارىمەن كەلىسىمشارت جاسالىپ, مەديتسينالىق پرەپاراتتار كوپ­تەپ كەلە باستادى. سونىمەن قاتار كەلەسى اپتادا تاجىريبە الماسۋ ءۇشىن ءارى كومەك بەرۋ ءۇشىن رەسەيدەن 5 مامان, تۇركيا ەلىنەن 10 مامان كەلەدى دەپ كۇتىلۋدە», دەيدى باسقارما باسشىسى.

15 شىلدە كۇنى شىمكەنت قالاسىنا وزبەكستان رەسپۋبليكاسىنان ەكى جۇك كو­لىگىمەن ءدارى-دارمەك كەلگەنىن ايتا كەتەيىك. جالپى, سوڭعى اپتا ىشىندە ۇكىمەت تاراپىنان ارناي̆ى بولىنگەن 2 ۇشاق­پەن قالاعا مەديتسينالىق پرەپاراتتار اكەلىندى. سونىمەن قاتار ءبىر جولعى رۇقساتپەن فارماتسەۆتيكالىق كومپانيالارعا ءبىر ۇشاقپەن, 5 جۇك كولىگىمەن ءۇندىستاننان, رەسەي̆دەن, ۋك­راينادان, وزبەكستاننان دارىلەر جەت­كىزىلدى.

ايتا كەتەيىك, قالادا ءدəرى-دارمەك با­عاسىن تۇراقتاندىرۋ ءۇشىن قۇرىلعان 4 مو­نيتورينگتىك توپ وسىعان دەيىن 50 زاڭ بۇزۋشىلىق فاكتىسىن انىقتاپ, تيىسىنشە اكىمشىلىك شارالار قابىلداندى. ودان بولەك, ءدارىحانادا جوق دارىلەردىڭ ورنىنا بالاما پرەپاراتتار ۇسىنۋ جاعى دا نازارعا الىنعان.