ەگەر ۆيرۋستىڭ تارالۋىن باقىلاۋ بويىنشا ەلەۋلى شارالار قولدانىلماسا, وسى قىستا كۇتىلەتىن COVID-19 تارالۋىنىڭ ەكىنشى تولقىنى كەزىندە ۇلىبريتانيادا كوروناۆيرۋستى جۇقتىرعاننان كەيىن 120 مىڭعا جۋىق ادام كوز جۇمۋى مۇمكىن, دەپ جازادى Egemen.kz ۇلىبريتانيانىڭ مەديتسينا عىلىمدارى اكادەمياسىنىڭ زەرتتەۋ دەرەكتەرىنە سىلتەمە جاساپ.
"اۋرۋحاناعا جاتقىزۋ مەن ءولىم-ءجىتىم جاعدايلارىنىڭ سانى 2021 جىلدىڭ قاڭتار جانە اقپان ايلارىندا ەڭ جوعارعى كورسەتكىشكە جەتەدى. بۇل ءتىپتى 2020 جىلدىڭ كوكتەمىندە بولعان ءبىرىنشى تولقىننان دا ناشار. مەديتسينالىق مەكەمەلەردەگى (قارتتار ۇيلەرىنەن باسقا) ءولىم-ءجىتىم سانى 2021 جىلدىڭ قىركۇيەگى مەن 2021 جىلدىڭ ماۋسىم ارالىعىندا 119 900-گە جەتۋى مۇمكىن", - دەلىنگەن اكادەميا ماتەريالىندا. الايدا, بۇل ەسەپتەر COVID-19 تارالۋىنا قارسى كۇرەس جونىندەگى بيلىكتىڭ مۇمكىن بولاتىن شارالارىن ەسكەرمەيدى.
عالىمدار ۇلىبريتانيا بيلىگىن ۆيرۋستىڭ بەرىلۋىن قىسقارتۋ جانە جۇقتىرۋ جاعدايلارىن باقىلاۋ, قاۋىپ-قاتەردى تومەندەتۋ ءۇشىن اۋرۋدىڭ تارالۋىنىڭ ەكىنشى تولقىنىنا بەلسەندى دايىندىقتى باستاۋعا شاقىرادى.
ۇلىبريتانيادا كوروناۆيرۋستان قايتىس بولعانداردىڭ سانى 45 مىڭعا جاقىندادى, ناۋقاستانعانداردىڭ سانى 290 مىڭنان استى. الايدا, سوڭعى اپتادا ەكى كورسەتكىش دە تۇراقتى تۇردە تومەندەپ كەلەدى. بۇل ۇكىمەتكە بىرتىندەپ كارانتيندىك شەكتەۋلەردى الۋعا مۇمكىندىك بەردى.