مونيتورينگتىك توپ ەلوردا ءدارىحانالارىن تەكسەردى

نۇر-سۇلتانعا ەكى جۇك ۇشاعىمەن كوروناۆيرۋس, پنەۆمونيا جانە باسقا دا بىرقاتار اۋرۋلاردى ەمدەۋگە ارنالعان ءدارى-دارمەك كەلدى. كەلىپ تۇسكەن تاۋارلاردىڭ تىزىمىندە ءدارى-دارمەكتىڭ 400-گە جۋىق ءتۇرى بار. مىسالى, كسارەلتو, تسەفترياكسون, كلەكسان, ازيتروميتسين, دەكسامەتازون, مەتيلپرەدنيزولون, يبۋپروفەن, نيمەسۋليد, كارديوماگنيل, لەۆوفلوكساتسين, مەترونيدازول, گەپارين, نيمەسۋليد, يبۋفەن, پاراتسەتامول, وفلوكساتسين جانە ت.ب.

بارلىق ءدارى-دارمەك قالا ءدارىحانالارىنا جەتكىزىلەدى. سوڭعى ەكى كۇندە ەلورداعا 1 ملن 200 مىڭ قاپتاما ءدارى-دارمەك اكەلىندى. بارلىق ءدارى-دارمەك قالا ءدارىحانالارىنا تاراتىلادى. ءدارىحانالاردى ءدارى-دارمەكپەن قامتاماسىز ەتۋ جۇمىستارى تۇراقتى نەگىزدە جۇرگىزىلەتىن بولادى. "فەنيكس", "گيپپوكرات", "تسۆەتنايا", "ماكسيما فارم", "چاستنايا", "مەديلاب", "سالاۋات", "ا-فارما" جانە ت.ب. ءىرى ءدارىحانا جەلىلەرىن ءدارى-دارمەكتەرمەن قامتاماسىز ەتۋ بويىنشا جۇمىس جۇرگىزىلۋدە. مونيتورينگ توبى اتالعان ءدارىحانالاردا ديستريبيۋتورلار تاراتاتىن دارىلەردىڭ بولۋىن تەكسەردى.

"رەيدتىك شارا بارىسىندا تۇرعىندار ەڭ كوپ باراتىن 15 ءىرى ءدارىحانا جەلىسى قامتىلدى. كەرەك ءدارى-دارمەكتەر قاجەتتى مولشەردە جەتكىزىلiپ جاتقانىمەن, سۇرانىس وتە جوعارى بولعاندىقتان, ولار ازاماتتار اراسىندا بىردەن ساتىلىپ كەتىپ جاتقانى بايقالدى. سوندىقتان, ءدارىحانالاردىڭ كوپشىلىگىندە ءدارى-دارمەكتەردى جان باسىنا تاراتۋ شەكتەلگەن. تۇرعىنداردىڭ كوپشىلىگى دارىحاناعا كەزەكتە تۇرعاندا قاۋىپسىزدىك شارالارىن, الەۋمەتتىك قاشىقتىق ساقتاماۋدا. بارلىق كەلۋشىلەر سانيتارلىق ەرەجەنى قاتاڭ ساقتاۋى ءتيىس", دەيدى قالالىق جاستار ساياساتى باسقارماسىنىڭ ءبولىم باشىسى اقۇلان تاستەمىر.

حابارلانعانداي, ەلوردادا ءدارى-دارمەك باعاسىن نەگىزسىز كوتەرگەندەرمەن كۇرەس كۇشەيدى. ءدارى-دارمەكتىڭ باعاسى قىمباتتاعانى انىقتالسا, ازاماتتار ءىKOMEK 109 بىرىڭعاي بايلانىس ورتالىعىنا, سونداي-اق +7 775 160 55 32 WhatsApp نومىرىنە حابارلاما جىبەرۋىنە بولادى. ءدارى-دارمەكتىڭ باعاسى كۇمان تۋدىرعان جاعدايدا, dari.kz قوسىمشاسى مەن ndda.kz رەسمي سايتى ارقىلى, قر دەنساۋلىق ساقتاۋ ءمينيسترىنىڭ بۇيرىعىمەن بەكىتىلگەن سىلتەمە بويىنشا adilet.zan.kz تەكسەرۋگە بولادى. ۇكىمەت پەن ەلوردا اكىمدىگى ءدارى-دارمەكتەردى ساتىپ الۋ مەن اكەلۋ راسىمدەرىن جەڭىلدەتۋ, لوگيستيكا بويىنشا قولداۋ كورسەتۋدە.