قر پرەمەر-ءمينيسترى اسقار ءماميننىڭ رف ۇكىمەتىنىڭ توراعاسى ميحايل ميشۋستينمەن COVID-19-عا قارسى ءىس-قيمىل بويىنشا بىرلەسكەن ۋاعدالاستىقتاردىڭ جالعاسىندا 8 شىلدەدە نۇر-سۇلتانعا رەسەي فەدەراتسياسى تجم ارنايى بورتىمەن قازاقستان تاراپى ءۇشىن گۋمانيتارلىق جۇك جەتكىزىلدى. بۇل تۋرالى ءسىم ءباسپاسوز قىزمەتى حابارلادى, - دەپ جازادى Egemen.kz
رف گۋمانيتارلىق كومەگىنە مەديتسينالىق ماسكا, قورعانىستىق كيىم جيىنتىقتارى مەن مەديتسينالىق پرەپاراتتار كىرەدى. قازاقستانداعى گۋمانيتارلىق كومەكتىڭ بىرىڭعاي وپەراتورى «سق-فارماتسيا» جشس بولىپ تابىلادى. جاقىن ارادا رەسەيدەن گۋمانيتارلىق جۇكپەن بىرنەشە رەيستەر كۇتىلۋدە.
قازاقستان سىرتقى ىستەر مينيسترلىگى كوروناۆيرۋس پاندەمياسىمەن كۇرەستە كورسەتكەن قولداۋى ءۇشىن رەسەي ۇكىمەتى مەن باۋىرلاس حالقىنا العىسىن بىلدىرەدى.