جامبىل وبلىسىندا قوناقتا اراققا سىلقيا تويىپ العان دەنەشىنىقتىرۋ ءپانىنىڭ مۇعالىمى ۇيىنە كەلگەسىن لاڭ سالىپ, ايەلىن ۇرىپ ءولتىردى. بۇل تۋرالى كتك تەلەارناسى ءمالىم ەتتى.
جامبىل وبلىسىندا قوناقتا اراققا سىلقيا تويىپ العان دەنەشىنىقتىرۋ ءپانىنىڭ مۇعالىمى ۇيىنە كەلگەسىن لاڭ سالىپ, ايەلىن ۇرىپ ءولتىردى. بۇل تۋرالى كتك تەلەارناسى ءمالىم ەتتى.
قاندى وقيعا وبلىستىڭ تالاس اۋدانىنداعى اقكول اۋىلىندا بولعان. ەرلى-زايىپتىلار سول كۇنى تاراز قالاسىندا ءبىر تويعا بارادى. ول جەردە نە بولعانىن كىم ءبىلسىن, بىراق ولار تۇندەلەتىپ ۇيلەرىنە قايتىپ كەلگەندە, ارالارىندا داۋاسىز داۋ تۋىپ كەتەدى. شاماسى, كۇيەۋى كەلىنشەگىن الدەكىمنەن قىزعانعانعا ۇقسايدى. تەز باسىلا قويماعان بۇل ۇرىس-كەرىستىڭ قىزعان شاعىندا اۋىل مەكتەبىندە وقۋشى بالالاردى جاتتىقتىرىپ جۇرگەن مۇعالىم كەزەكتى ەكى قولعا بەرەدى. وسى قاتتى تيگەن سوققىلار جاس كەلىنشەكتى بىردەن تالدىرىپ تۇسىرسە كەرەك, كوپ ۇزاماي ونىڭ داۋسى شىقپاي قالادى. وسىلايشا 24 جاستاعى كەلىنشەك جاتقان ورىنان تۇرا الماعان.
قازىر ونىڭ ءۇش قابىرعاسى سىنىپ, ميىنا قان قۇيىلعانى ايتىلىپ جاتىر. ال شارۋاسىن تىندىرعان بويدا قورىلداپ ۇيىقتاپ كەتكەن گۇرزى جۇدىرىقتى «فيزكۋلتۋراشى» مۇعالىم كەلىنشەگىنىڭ كەشىكپەي و دۇنيەگە اتتانىپ كەتكەنىن ەرتەڭىندە ءبىر-اق بايقاپتى.
«ادال جارىنا ايۋاندىق جاساعان 30 جاستاعى ازامات قازىر قاماۋعا الىندى», – دەپ تۇيىندەيدى ارنا ءتىلشىسى.
مۇرات ايتقوجا.