وسىدان ون اي بۇرىن پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ ءتورايىمى داريعا نازارباەۆا ىسساپارمەن قوستانايعا كەلگەندە وسىنداعى مەتسەناتتار كلۋبىنىڭ جۇمىسىنا ءسۇيسىنگەندىگىن جاسىرماعان ەدى. سوڭعى جىلدارى كاسىپكەرلەردەن تۇراتىن بۇل قوعامدىق ۇيىم اۋرۋ بالالارىن شەتەلگە ەمدەتۋ ءۇشىن تىعىرىقتان شىعا الماي وتىرعان اتا-انالارعا جانە كوممۋنالدىق قىزمەت اقىسىن تولەي الماي قارىزعا باتقان عارىپ جاندارعا دا كومەك قولىن سوزدى. داريعا نۇرسۇلتانقىزى جىل باسىندا كەلگەندە قوستاناي وبلىستىق مەتسەناتتار كلۋبىنا مۇشەلىككە كىرەتىندىگىن, بىرگە جۇمىس ىستەيتىندىگىن ءمالىمدەگەن.
وسىدان ون اي بۇرىن پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ ءتورايىمى داريعا نازارباەۆا ىسساپارمەن قوستانايعا كەلگەندە وسىنداعى مەتسەناتتار كلۋبىنىڭ جۇمىسىنا ءسۇيسىنگەندىگىن جاسىرماعان ەدى. سوڭعى جىلدارى كاسىپكەرلەردەن تۇراتىن بۇل قوعامدىق ۇيىم اۋرۋ بالالارىن شەتەلگە ەمدەتۋ ءۇشىن تىعىرىقتان شىعا الماي وتىرعان اتا-انالارعا جانە كوممۋنالدىق قىزمەت اقىسىن تولەي الماي قارىزعا باتقان عارىپ جاندارعا دا كومەك قولىن سوزدى. داريعا نۇرسۇلتانقىزى جىل باسىندا كەلگەندە قوستاناي وبلىستىق مەتسەناتتار كلۋبىنا مۇشەلىككە كىرەتىندىگىن, بىرگە جۇمىس ىستەيتىندىگىن ءمالىمدەگەن. دەپۋتات سوزىندە تۇردى. وسى ۋاكىت ىشىندە وبلىس مەتسەناتتار كلۋبىمەن بايلانىسىن ۇزبەي, ولاردىڭ باستاماسى جانە كومەگىمەن جىلجىمالى مەديتسينالىق امبۋلاتوريالىق كەشەندى جىتىقارا اۋداندىق اۋرۋحاناسىنا سىيلادى. بۇل وبلىس مەتسەناتتارىنا 53 ميلليون تەڭگەگە ءتۇستى. ال ول الىس ەلدى مەكەن تۇرعىندارىنىڭ دەنساۋلىعىن تەكسەرۋ, وزىق دەڭگەيدە پروفيلاكتيكالىق جۇمىستار جۇرگىزۋ ءۇشىن وتە قاجەت. جىلجىمالى امبۋلاتوريانىڭ ىشىندە رەنتگەن, ەكگ, ۋزي ءجانە گاستروفيبراسكوپ سياقتى اۋرۋ دياگنوزىن ءدال انىقتاۋعا مۇمكىندىك جاسايتىن زاماناۋي جابدىقتاردىڭ بارلىعى دا بار.
وبلىس اكىمى نۇرالى ءسادۋاقاسوۆ مەديتسينالىق كەشەننىڭ الىنۋىنا مۇرىندىق بولعان داريعا نازارباەۆاعا جانە قولداۋ كورسەتكەن وبلىس كاسىپكەرلەرىنە راحمەت ايتتى.
– تەك جىتىقارالىقتار عانا ەمەس, وعان ىرگەلەس, بىراق وبلىس ورتالىعىنان تىم شالعايدا ورنالاسقان قامىستى, دەنيسوۆ اۋداندارىنىڭ دا تۇرعىندارى بۇل زاماناۋي جىلجىمالى امبۋلاتوريانىڭ پايداسىن كورەتىن بولادى. جىتىقارا اۋدانىندا 60 مىڭداي, قامىستى, دەنيسوۆ اۋداندارىندا وسى قارالاس ادام تۇراتىنىن ەسكەرسەك, بۇل كەشەن ماڭىزدىلىعىنىڭ قانداي ەكەنىن بىلە بەرىڭىز, – دەدى وبلىس اكىمى.
– دەنساۋلىق ساقتاۋ سالاسىندا قانداي قايىرىمدىلىق جۇمىس جاساسا دا ارتىق ەمەس. ءبىز ءۇشىن باستى بايلىق – ادامدار, – دەدى داريعا نازارباەۆا. داريعا نازارباەۆانىڭ الەۋمەتتىك ماڭىزدى ساپارى مۇنىمەن شەكتەلگەن جوق. ول جەتەكشىلىك ەتەتىن «دەگدار» قايىرىمدىلىق قورىنىڭ ۇيىمداستىرۋىمەن «جۇرەك سازى» مۋزىكا فەستيۆالى دە قوستانايلىقتارعا تارتۋ ەتىلدى. ونىڭ اياسىندا انسۇيەر قاۋىم داريعا نازارباەۆانىڭ كونتسەرتىن تاماشالادى.
ءنازيرا جارىمبەتوۆا,
«ەگەمەن قازاقستان».
قوستاناي.