پارلامەنت ءماجىلىسىنىڭ دەپۋتاتى ۇسەنگەلدى مەدەۋوۆ 8-10 قازاندا ازەربايجاندا بولىپ, تۇركپا ميسسياسىنىڭ قۇرامىندا وسى ەلدە وتكەن پرەزيدەنت سايلاۋىن باقىلاۋعا قاتىستى. تۇركپا باقىلاۋشىلار دەلەگاتسياسىنا تۇركيا جالپىۇلتتىق ءماجىلىسىنىڭ دەپۋتاتى حاليۋك يپەك جەتەكشىلىك ەتتى.
پارلامەنت ءماجىلىسىنىڭ دەپۋتاتى ۇسەنگەلدى مەدەۋوۆ 8-10 قازاندا ازەربايجاندا بولىپ, تۇركپا ميسسياسىنىڭ قۇرامىندا وسى ەلدە وتكەن پرەزيدەنت سايلاۋىن باقىلاۋعا قاتىستى. تۇركپا باقىلاۋشىلار دەلەگاتسياسىنا تۇركيا جالپىۇلتتىق ءماجىلىسىنىڭ دەپۋتاتى حاليۋك يپەك جەتەكشىلىك ەتتى.
ساپار بارىسىندا تۇركپا دەلەگاتسياسى ازەربايجان ميللي ءماجىلىسىنىڭ توراعاسى وكتاي اسادوۆ, سىرتقى ىستەر ءمينيسترى ە.مامەدياروۆ جانە ورتالىق سايلاۋ كوميسسياسىنىڭ توراعاسى م.پاناحوۆپەن كەزدەسۋلەر وتكىزدى. سۇحبات بارىسىندا دەپۋتات ءۇ.مەدەۋوۆ قازاقستان مەن ازەربايجان اراسىنداعى قارىم-قاتىناستاردىڭ اۋقىمدى دامىپ كەلە جاتقانىن اتاپ ءوتىپ, وسى ءۇردىستىڭ زاڭنامالىق نەگىزىن كەڭەيتە ءتۇسۋ ءۇشىن ەكى ەل پارلامەنتاريلەرىنىڭ ءوزارا ارەكەتتەستىگىن ودان ءارى ارتتىرۋ قاجەتتىگىن ايتتى. سونداي-اق, قازاقستاندىق دەپۋتات تۇركپا-عا مۇشە ەلدەردەگى سايلاۋلاردى ءوزارا باقىلاۋ وسى مەملەكەتتەردەگى سايلاۋ پروتسەسىنىڭ جەتىلۋىنە سەپتىگىن تيگىزەتىنىن تىلگە تيەك ەتتى.
9 قازاندا تۇركپا باقىلاۋشىلار ميسسياسىنىڭ مۇشەلەرى باكۋدە ورنالاسقان بىرقاتار سايلاۋ ۋچاسكەلەرىندە بولىپ, ۋچاسكەلىك كوميسسيا مۇشەلەرىمەن, پرەزيدەنتتىككە ۇمىتكەرلەردىڭ وكىلدەرىمەن جانە سايلاۋشىلارمەن جۇزدەستى.
10 قازان كۇنى تۇركپا باقىلاۋشىلار ميسسياسى ءوز باقىلاۋىنىڭ قورىتىندىسى بويىنشا باسپاسوز ءماسليحاتىن وتكىزدى.
«ەگەمەن-اقپارات».