جۋىردا اقتوبە وبلىستىق سوتىنىڭ توراعاسى ەرلان ايتجانوۆ پەن اقتوبە وبلىستىق سوتىنىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ توراعاسى نۇرساپا پريماشەۆ شالقار اۋداندىق سوتىنا جينالعان ازاماتتاردى العاش رەت «ونلاين» رەجىمىندە قابىلدادى.
جۋىردا اقتوبە وبلىستىق سوتىنىڭ توراعاسى ەرلان ايتجانوۆ پەن اقتوبە وبلىستىق سوتىنىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ توراعاسى نۇرساپا پريماشەۆ شالقار اۋداندىق سوتىنا جينالعان ازاماتتاردى العاش رەت «ونلاين» رەجىمىندە قابىلدادى.
ازاماتتارمەن قارىم-قاتىناس جاساۋدىڭ جىلدام ءارى ىڭعايلى ءتاسىلى – جوعارى تەحنولوگيانىڭ ۇلكەن جەتىستىگى. بۇل جەتىستىكتىڭ شالقار اۋدانىنىڭ ازاماتتارىنا جول شىعىندارىن ۇنەمدەپ, تىكەلەي وبلىستىق سوت توراعاسىمەن بايلانىسقا شىعىپ, كوكەيكەستى سۇراقتارىن قويىپ, سوت جۇمىسى جونىندەگى پىكىرلەرىن ايتۋىنا مۇمكىندىك تۋعىزعانىن ايتا كەتكەن ورىندى. جيناقتالعان بىرقاتار ماسەلەلەردى جەدەل ءارى ساپالى شەشۋگە مۇمكىندىك بەرگەن بۇل قادام تۇرعىندارعا دا ەرەكشە اسەر ەتتى.
كەزدەسۋگە كەلگەندەردىڭ ءبىرى – شالقار قالاسىنىڭ تۇرعىنى, جەكە كاسىپكەر رايكۇل جولاشەۆا بولدى. ول شالقار اۋداندىق سوتىنىڭ شىعارعان شەشىمىنە قاراماستان, «دامۋ» قورىنىڭ كەپىلدىككە قويىلعان جىلجىمايتىن م ۇلىكتىڭ قۇجاتتارىن بەرمەي جۇرگەندىگىنە قاتىستى سۇراۋ سالعان ەدى. ءوڭىردىڭ تاعى ءبىر تۇرعىنى – ەش جەردە جۇمىس ىستەمەيتىن زەينەگۇل قۇدايبەرگەنوۆا. ازاماتشا قايتىس بولعان كۇيەۋى قولحاتپەن ساتقان اۆتوكولىكتى قازىرگى يەسىنىڭ ءوز اتىنا اۋدارۋ ءۇشىن كومەك سۇراعانىن, سونىڭ جولىن بىلگىسى كەلەتىنىن جەتكىزدى. كەزدەسۋ بارىسىندا ەكى تۇرعىنعا دا زاڭ كەڭەستەرى بەرىلىپ, قۇقىقتىق كومەك جاسالدى.
بايلانىسقا شىعۋشىلار اراسىندا سوت جۇيەسى قىزمەتكەرلەرىنە تىلەك ارناعاندار دا از بولمادى. ماسەلەن, شالقار اۋداندىق ارداگەرلەر قوعامىنىڭ توراعاسى ورازباي ادىلباەۆ اقساقال: «ەلىمىزدىڭ سوت جۇيەسى ادامنىڭ, ازاماتتىڭ مۇددەسىن قورعايتىن, بۇزىقتى تۇزەپ, اقىلسىزدى تەزگە سالاتىن, تەك شىندىققا سۇيەنەتىن بىلىكتى ماماندار توبى دەپ ەسەپتەيمىن. قازىرگى ۋاقىتتا حالىق ادىلدىككە, دۇرىس قازىلىققا, شىندىققا ەرەكشە مۇقتاج. سوندىقتان وسى رەجىمنىڭ جۇمىسىن ءوز دەڭگەيىندە جۇرگىزىپ, حالىقتىڭ رياسىز ىقىلاسىنا بولەنە بەرىڭىزدەر», دەگەن ىستىق ىقىلاسىن بىلدىرگەن.
«ونلاين» رەجىمىندەگى قابىلداۋدا وسىنداي ەكىجاقتى ادەمى ديالوگ قۇرىلدى. كوكەيدە جۇرگەن ءبىراز ماسەلە جونىندە ناقتى تۇسىنىك, اقپارات الىندى. بۇل, ارينە, سوت جۇمىسىنىڭ جاريالىلىعىن ارتتىرىپ, ازاماتتاردىڭ ءادىل سوتقا دەگەن سەنىمىن كوتەرەرى ءسوزسىز. وسى شارادا سوعان كوزىمىز انىق جەتتى. وعان قاتىسقان ازاماتتار ءوز ريزاشىلىقتارىن ءبىلدىرىپ, الداعى ۋاقىتتا دا وسىنداي قابىلداۋلار وتكىزىپ تۇرسا دەگەن وتىنىشتەرىن جەتكىزىپ جاتتى. سولاردىڭ ءبىرى يليا رەزۆانوۆ دەگەن ازامات بۇل شارانىڭ ۋاقىت رۋحىنا ساي, وزىق ءىس دەگەن پىكىرىن ايتتى.
جالپى, «ونلاين» بايلانىسقا شىققان شالقار قالاسى تۇرعىندارىنىڭ ايتۋىنشا, شالقار اۋداندىق سوتى وزگە وڭىرلەردەن وزىق تۇر. ماسەلەن, مۇندا اۋداندىق سوتتىڭ ارنايى سايتى تۋرالى دا ايتىلدى. وندا بۇل قۇرىلىمنىڭ جۇمىسىنا قاتىستى اقپاراتتار ەكى تىلدە ۇنەمى بەرىلىپ, جاڭارتىلىپ وتىرادى.
جاقسى ءىس جالعاسىن تاباتىن بولسا, حالىق سەنىمى بۇدان ءارى بەكي تۇسەتىنىنە سەنىم مول.
تۇرسىن قوشاەۆا,
شالقار اۋداندىق سوتىنىڭ
كەڭسە مەڭگەرۋشىسى.
اقتوبە وبلىسى.