ارقالى اقىن قاليجان بەكحوجيننىڭ 100 جىلدىق مەرەيتويى وبلىس كولەمىندە اتاپ ءوتىلدى. مەرەيتويلىق شارا اقىن ەسكەرتكىشىنىڭ سالتاناتتى اشىلۋىنان باستالدى. وعان ەلىمىزگە تانىمال قالامگەرلەر, اقىننىڭ تۋعان-تۋىستارى, قالا جۇرتشىلىعى قاتىستى.
ارقالى اقىن قاليجان بەكحوجيننىڭ 100 جىلدىق مەرەيتويى وبلىس كولەمىندە اتاپ ءوتىلدى. مەرەيتويلىق شارا اقىن ەسكەرتكىشىنىڭ سالتاناتتى اشىلۋىنان باستالدى. وعان ەلىمىزگە تانىمال قالامگەرلەر, اقىننىڭ تۋعان-تۋىستارى, قالا جۇرتشىلىعى قاتىستى.
– قاليجان بەكحوجين ليريك-اقىن, دراماتۋرگ, ادەبيەت سىنشىسى بولدى. وسكەلەڭ ۇرپاق وسىنداي داڭقتى ادامدارى جايلى ءبىلۋى قاجەت, – دەدى ءوز سوزىندە وبلىس اكىمى ەرلان ارىن.
ايتسا ايتقانداي, اقىن ولەڭدەرى, پوەمالارى – ادەبيەتىمىزدىڭ قازىناسى. بار ءومىرىن شىعارماشىلىققا ارناعان ايتۋلى اقىن «اقساق قۇلان», «كەك», «دالا كوميسارى» سياقتى پوەمالىق شىعارمالار جازدى. زايىبى زايدا بەكحوجينا اعالارىڭ قايتالانباس ولەڭ الەمىن جاساعان اقىن ەدى عوي, قۇرمەت كورسەتكەن ەلدىڭ عۇمىرى باياندى بولادى, دەپ ريزاشىلىق ءبىلدىردى.
ەسكەرتكىشتىڭ اشىلۋ سالتاناتىندا كورنەكتى قالامگەرلەر ءابدىجامىل نۇرپەيىسوۆ, تۇرسىنبەك كاكىش ۇلى, ۇلىقبەك ەسداۋلەت, عالىم جايلىباي, جۋرناليست سەيىتقازى ماتاەۆ, ت.ب. قاتىستى.
– قاليجان بەكحوجين سياقتى دارا تۇلعانىڭ ەڭسەلى ەسكەرتكىشى كەيىنگى ۇرپاققا مۇرا بولىپ قالادى, – دەدى ءابدىجامىل نۇرپەيىسوۆ.
ەسكەرتكىش وبلىس ورتالىعىنداعى ساتباەۆ پەن لۋناچارسكي كوشەلەرىنىڭ قيىلىسىندا, 100 جىلدىق تاريحى بار اق مەشىتكە تاياۋ جەردە ورنالاسقان. ونىڭ اۆتورى – مۇرات مانسۇروۆ. وبلىس ورتالىعىندا اقىننىڭ اتىندا كوشە جانە ورتا مەكتەپ بار.
بۇدان كەيىن سۇلتانماحمۇت تورايعىروۆ اتىنداعى ۋنيۆەرسيتەتتە قاليجان بەكحوجيننىڭ ءومىر جولى مەن ادەبي مۇراسىنان تولىق مالىمەت بەرەتىن ارناۋلى ۆەب-سايتتىڭ تۇساۋى كەسىلدى. قازاق ادەبيەتىنىڭ قورى تاعى دا ءبىر ەلەكتروندى كىتاپحانامەن تولىقتى. بۇل ۆەب-سايت «بەكحوجيننىڭ شىعارماشىلىعى جانە قازاق پوەزياسى» اتتى عىلىمي-پراكتيكالىق كونفەرەنتسياسى اياسىندا جۇزەگە استى. ءسويتىپ, اقىن 20-دان استام پوەماسىن, 40-تان استام ولەڭ جيناقتارىن بۇگىنگە مۇرا ەتتى. سونداي-اق, فوتومۇراعات, بەينە ءبولىمىن دە تاماشالاپ, قوناق پاراقشاسىنا پىكىر-لەبىزىن تىركەي الادى. تورايعىروۆ ۋنيۆەرسيتەتىندە وتكەن «قاليجان بەكحوجيننىڭ شىعارماشىلىعى جانە قازىرگى قازاق پوەزياسى» اتتى عىلىمي-پراكتيكالىق كونفەرەنتسياسىندا حالىق جازۋشىسى ءابدىجامىل نۇرپەيىسوۆ, وبلىس اكىمى ەرلان ارىن, پرەزيدەنت تەلەراديوكەشەنىنىڭ باس ديرەكتورى ەرلان بەكحوجين, اقىننىڭ زايىبى زايرا بەكحوجينا, جازۋشى, فيلولوگيا عىلىمدارىنىڭ دوكتورى تۇرسىنبەك كاكىش ۇلى, فيلولوگيا عىلىمدارىنىڭ دوكتورى باۋىرجان وماروۆ رۋحاني تانىمدىق تاقىرىپتا باياندامالار جاسادى. كونفەرەنتسيا جۇمىسىنا تۇركيا مەن ازەربايجان ەلدەرىنەن كەلگەن قوناقتار, قازاقستان جازۋشىلار وداعىنىڭ جەرگىلىكتى جەردەگى مۇشەلەرى, اقىن-جازۋشىلار قاتىستى.
اقىننىڭ مەرەيتويىنا ارنالعان العاشقى كۇن ەستاي اتىنداعى قالالىق مادەنيەت سارايىندا ادەبي-مۋزىكالىق كەشپەن اياقتالدى. وندا اقىننىڭ ءومىرى جايلى بەينەفيلم كورسەتىلىپ, شىعارمالارى وقىلدى. وپەرا ءانشىسى شاحماردان ءابىلوۆ, الماتى وپەرا جانە بالەت تەاترىنىڭ سوليسى ەسەكەلدى رىزا, يسا بايزاقوۆ اتىنداعى وبلىستىق فيلارمونيانىڭ ارتىستەرى ونەر كورسەتتى. مەرەيتويلىق شارالار بارىسى ەكىنشى كۇنى باياناۋىل اۋدانىندا ۇلتتىق سپورت تۇرلەرىنەن جارىستارمەن جالعاستى.
فاريدا بىقاي,
«ەگەمەن قازاقستان».
پاۆلودار وبلىسى.