كەنشىلەر استاناسىندا "تەمىرتاۋ – التىن بەسىگىم" دەگەن تاقىرىپتا حالىقارالىق ونلاين-دوڭگەلەك ۇستەل وتىرىسى ءوتتى, – دەپ حابارلايدى Egemen.kz. اتالعان ءىس-شارا تەمىرتاۋ قالاسىنىڭ 75 جىلدىعى مەن قازاقستان ماگنيتكاسىنىڭ 60 جىلدىق مەرەيتويىن اتاپ ءوتۋ اياسىندا ۇيىمداستىرىلعان ەدى.
ۆيرتۋالدى باسقوسۋعا Zoom ارقىلى ەلباسىنىڭ سەرىكتەستەرى, ۋكرايناداعى كامەنسك جوعارى كاسىبي ۋچيليششەسىنىڭ ديرەكتورى ۆاديم نەكلەسە, قازاقستان رەسپۋبليكاسىنىڭ تۇڭعىش پرەزيدەنتى كىتاپحاناسىنىڭ وكىلى, قاراعاندى مەتاللۋرگيا كومبيناتىنىڭ بۇرىنعى باس ديرەكتورى ولەگ سوسكوۆەتس جانە باسقالار قاتىستى.
ونلاين-دوڭگەلەك ۇستەل وتىرىسىنىڭ جۇمىسىن جۇرگىزىپ وتىرعان قاراعاندى وبلىسىنىڭ اكىمى جەڭىس قاسىمبەك تۇڭعىش پرەزيدەنت-ۇلت كوشباسشىسى نۇرسۇلتان نازارباەۆ ەسىمىنىڭ ەلىمىزدىڭ استاناسى نۇر-سۇلتان مەن تەمىرتاۋ قالالارىن جانە قازاقستان ماگنيتكاسىن ءوزارا بايلانىستىرىپ تۇراتىنىن اتاپ ءوتتى.
ء"بىز قاراعاندى وبلىسىنىڭ ەلباسىنىڭ ەڭبەك جانە ساياسي وتانى ەكەنىن ماقتان تۇتامىز. ءدال وسى جەردە نۇرسۇلتان ءابىش ۇلى ءوزىنىڭ كاسىبي جولىن باستاعان. ءوزىنىڭ ايتۋىنشا, تەمىرتاۋ ەلباسىنىڭومىردەگى باستى ۋنيۆەرسيتەتى بولدى. سوناۋ 60-شى جىلدارى تاقىر دالادا كومبينات تسەحتارىن سالعان, ەلدىڭ ەكونوميكالىق جانە ستراتەگيالىق قاۋىپسىزدىگىن قامتاماسىز ەتە وتىرىپ, مەتالدىڭ رەكوردتىق توننالارىن بەرگەن ادامدارعا دەگەن تاڭدانىسىمدى شىن جۇرەكتەن بىلدىرگىم كەلەدى. جاستار: "قازىر مۇنداي ادامدار جوق, – دەگەنى بار. مەن ولارمەن تولىقتاي كەلىسەمىن", – دەدى ءوڭىر باسشىسى.
العاشقىلاردىڭ ءبىرى بولىپ ءسوز العان ۋكرايناداعى كامەنسك جوعارى كاسىبي ۋچيليششەسىنىڭ ديرەكتورى ۆاديم نەكلەسە وقۋ ورنىندا قازاقستان رەسپۋبليكاسىنىڭ تۇڭعىش پرەزيدەنتىنە ارنالعان مۇراجاي بار ەكەنىن, جالپى ءبىلىم مەكەمەسىنىڭ قابىرعاسىندا قايراتكەر تۇلعا ەسىمىنىڭ ءاردايىم لايىقتى تۇردە ارداقتالاتىنىن اتاپ ءوتتى.
"نۇرسۇلتان نازارباەۆ جاس كەزىندە اقىل-ويىنىڭ ەرەكشە قالىپتاسۋىمەن, تاباندىلىعىمەن, ستراتەگيالىق ويلاي بىلۋىمەن ەرەكشەلەنگەن. ءبىزدىڭ مۇراعاتتاردا سول ۋاقىتتاعى دنەپرودزەرجينسك گازەتىنىڭ ءبىر ءنومىرى ساقتالعان. ونداعى ماقالادا ۋچيليششەدە ءبىر توپ جاس قازاقتاردىڭ وقيتىنى جازىلعان. ەڭ ۇزدىك ناتيجەلەردى نۇرسۇلتان نازارباەۆ كورسەتىپتى. ءتىپتى, اتالعان ماقالامەن بىرگە 19 جاستاعى بولاشاق پرەزيدەنتتىڭ توپتاستارىنا دومنا پەشىنىڭ قۇرىلىسىن ءتۇسىندىرىپ تۇرعان فوتوسۋرەتى دە قوسا جاريالانىپتى", – دەدى ۋچيليششە باسشىسى.
ەسكە سالار بولساق, قازىرگى كامەنسك جوعارى كاسىبي ۋچيليششەسى بۇرىن دنەپرودزەرجينسك قالاسىنىڭ № 8 تەحنيكالىق ۋچيليششەسى بولعان ەدى. مۇندا 1958 جىلدان 1960 جىلعا دەيىن بولاشاق تۇڭعىش پرەزيدەنت نۇرسۇلتان نازارباەۆ وقىعان بولاتىن.
بۇدان كەيىن ەلباسىنىڭ سەنىمدى سەرىكتەستەرى اڭگىمەنى ءارى قاراي ءوربىتىپ, تاريحي ءمانى زور قۇندى ەستەلىكتەرىمەن ءبولىستى. مىسالى, تۇڭعىش پرەزيدەنتپەن قاراعاندى پوليتەحنيكالىق ينستيتۋتىندا ءبىر توپتا وقىعان دوسى, قازاقستان رەسپۋبليكاسىنىڭ تۇڭعىش سىرتقى ىستەر ءمينيسترى تولەۋتاي سۇلەيمەنوۆ ەلباسىنىڭ ەڭبەك جولى تۋرالى كەڭىنەن تارقاتىپ ايتىپ بەردى.
ء"بىز ىلعي دا بىرگە بولدىق. بىرگە جۇمىس ىستەدىك – اۋىسىمدى ءبىر-بىرىمىزدەن قابىلداپ الاتىنبىز. جاتاقحانادا دا بىرگە تۇرىپ, جۇبىمىز جازىلماي ءجۇرىپ بىرگە وقىدىق. سوڭىراق ۇيلەنۋ تويلارىمىزدى جاساپ, بىرگە تويلادىق. نۇرسۇلتان ءابىش ۇلى – سوزىنە بەرىك, دوسقا ادال ادام. ول ەرەكشە جاراتىلعان جان: كوپ دۇنيەگە باسقاشا كوزقاراسپەن قارايتىن, الدا نە بولاتىنىن بولجاي الاتىن قاسيەتىمەن دارالاندى", –دەپ اتاپ ءوتتى تولەۋتاي سۇلەيمەنوۆ.
سونداي-اق, ونلاين-دوڭگەلەك ۇستەل جۇمىسىندا ەلباسىنىڭ سەرىكتەسى, قازاقستان ماگنيتكاسىندا تىزە قوسا بىرگە ەڭبەك ەتكەن قابيدوللا سارەكەنوۆ, بۇرىنعى تسەح باستىعى ەدۋارد مينيكەس, الىپ كومبيناتتىڭ باسشىسى بولعان ولەگ سوسكوۆەتس, "ارسەلورميتتال تەمىرتاۋ" اق اتقارۋشى ديرەكتورى ۆاديم باسين, قارمتۋ رەكتورى مارات يباتوۆ جانە باسقالار تۇڭعىش پرەزيدەنتتىڭ قايراتكەرلىك تۇلعاسىن اشا تۇسكەن ەستەلىكتەرىمەن ءبولىستى, تاۋەلسىز قازاقستان مەملەكەتىنىڭ مىزعىماس ىرگەتاسىن قالاعان ەرەن ەڭبەگى تۋراسىندا پايىمدى پىكىرلەرىن ايتتى.