اقتوبە وبلىسىنداعى قالالىق پروكۋراتۋرا جەرگىلىكتى جەردەگى «فاتيحا» مەشىتىنە تەكسەرۋ جۇرگىزىپ, زاڭسىزدىق انىقتادى. بۇل تۋرالى «وكو» گازەتى جازدى.
اقتوبە قالالىق پروكۋراتۋرا قىزمەتكەرلەرى مالىمدەگەندەي, وتكەن جىلى اتالعان مەشىت تىركەۋدەن وتپەگەن. ال مەشىت قىزمەتكەرلەرىنىڭ جەكە تۇرعىن ۇيدە قىزمەت اتقاراتىنى ءمالىم بولدى. وسى تۇرعىن ءۇي يەسىنىڭ ارنايى ءبىلىمى جوق بولسا دا, يمام بولىپ ءجۇر ەكەن. سوندىقتان تۇرعىن ءۇيدى مەشىت قىلعان ءۇي يەسىنە ايىپپۇل سالىنىپ, ونىڭ جۇمىسىنا شەكتەۋ قويىلدى.
باقىتبەك كەنەش ۇلى.