ينتەرنەتتەگى تانىستىق سوڭى ولىممەن اياقتالدى

وڭتۇستىك قازاقستان وبلىسىنىڭ ءبىر تۇرعىنى وزىمەن ينتەرنەت ارقىلى تانىسقان كەلىنشەكتى پىشاقتاپ ءولتىردى. بۇل تۋرالى «ەكسپرەسس-ك» گازەتى جازدى.

بۇل ەكى عاشىق ءبىر-ءبىرىن عالامتوردىڭ شىرماۋىعىن شارلاپ وتىرىپ تاپقان سەكىلدى. سودان لاپ ەتىپ, بىردەن ءلايلى مەن ءماجنۇننىڭ ماحابباتى باستالىپي كەتكەن. كونە جىردىڭ جەلىسىنەن ايىرماشىلىعى, بۇلار ءبىر-بىرىمەن كوپ ۇزاماي كەزدەسىپ, ءبىرىنسىز ءبىرى ءومىر سۇرە المايتىنداي دارەجەگە جەتىپتى-ءمىس.

مۇنىڭ ءبارى – جىگىتتىڭ بايانى. شىندىعى قالاي بولعانى ءبىر اللاعا عانا ايان. قىلمىسكەر جىگىتتىڭ قيسساسىنا قاراعاندا, ول عاشىعىن كۇيەۋىن (!!! – جاعىمسىز كەيىپكەر رەتىندە ونىڭ دا وسى وقيعانىڭ ءبىر شەتىندە بولعانى عوي! ) تاستاپ كەتە المايتىن بولعاندىقتان عانا ولتىرگەن.

سوتتالۋشى قازىر باسىندا ەكەۋى بىرگە ولمەكشى بولعانىن ايتادى. سول كەلىسىم بويىنشا, ول الدىمەن كەلىنشەكتىڭ كەۋدەسىنە پىشاق ۇرادى. سوسىن تاماعىنان تارتىپ جىبەرەدى. ياعني, مالشا باۋىزدايدى. ارتىنان پىشاقتىڭ ۇشىن وزىنە قاراي سىلتەيدى. بىراق قولى قاتتى باتپاعان سياقتى. قايتالاپ ۇرۋعا جانىن قيمايدى.

بۇل قانىپەزەر تاياۋ كۇندەردە سوتتىڭ ۇكىمىمەن 9 جىلعا باس بوستاندىعىنان ايرىلدى.

سۇلتان بوزايعىر.