كەشە مەملەكەت باسشىسى نۇرسۇلتان نازارباەۆ الماتى قالاسىنىڭ اكىمى احمەتجان ەسىموۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ا.ەسىموۆ الماتىنىڭ توعىز ايداعى الەۋمەتتىك-ەكونوميكالىق دامۋى تۋرالى باياندادى.
كەزدەسۋ بارىسىندا قازاقستان پرەزيدەنتى قالا ينفراقۇرىلىمىن جەتىلدىرۋ جونىندەگى قىزمەتتى جالعاستىرۋ قاجەتتىگىن اتاپ ءوتتى.
كەشە مەملەكەت باسشىسى نۇرسۇلتان نازارباەۆ الماتى قالاسىنىڭ اكىمى احمەتجان ەسىموۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ا.ەسىموۆ الماتىنىڭ توعىز ايداعى الەۋمەتتىك-ەكونوميكالىق دامۋى تۋرالى باياندادى.
كەزدەسۋ بارىسىندا قازاقستان پرەزيدەنتى قالا ينفراقۇرىلىمىن جەتىلدىرۋ جونىندەگى قىزمەتتى جالعاستىرۋ قاجەتتىگىن اتاپ ءوتتى.
– قالا ەكولوگيالىق احۋالدى جاقسارتۋ, قوعامدىق كولىكتى گازعا كوشىرۋ, جولداردى جوندەۋ, كولىك جولايرىقتارى قۇرىلىسى جۇمىستارىن جۇرگىزۋدە. سونداي-اق, مەن الماتى توڭىرەگىندە اينالما جولدار سالۋدى تاپسىردىم. مۇنىڭ ءبارى حالىقتىڭ تۇرمىسى مەن قالا ەكونوميكاسىن جاقسارتۋعا سەپتىگىن تيگىزەدى. الماتى ەلىمىزدىڭ وڭىرلەرى اراسىندا الدا كەلەدى, – دەدى نۇرسۇلتان نازارباەۆ.
مەملەكەت باسشىسى الماتىدا قالا ەكونوميكاسىنىڭ نەگىزگى سالاسىنىڭ ءبىرى بولۋعا ءتيىس تۋريزم يندۋسترياسىن دامىتۋعا باسا نازار اۋداردى.
– مەنىڭ تاپسىرمام بويىنشا ءتۋريزمدى دامىتۋ جونىندە ءبىراز جۇمىس جۇرگىزىلۋدە, سونىڭ ىشىندە الماتى تاۋلارىنىڭ الەۋەتىن پايدالانىپ, شاڭعى سپورتىن دامىتۋ ماڭىزدى ورىن الادى. بۇل جاڭا جۇمىس ورىندارىن اشۋعا دا مۇمكىندىك بەرەدى, – دەدى ەلباسى.
قازاقستان پرەزيدەنتى ۆەلوسيپەدشىلەردىڭ حالىقارالىق وداعى باستاماسىمەن جاقىندا بولىپ وتكەن ءبىرىنشى ۆەلوسيپەدشىلەر جارىسىنىڭ الماتىنىڭ حالىقارالىق تانىستىرىلىمى ءۇشىن ماڭىزى زور بولعانىن اتاپ ءوتتى. سونداي-اق, قازىرگى كەزدە 2017 جىلى بۇكىلالەمدىك قىسقى ۋنيۆەرسيادا وتكىزۋگە دايىندىق جاسالۋدا.
– ءبىز 2022 جىلى الماتىدا قىسقى وليمپيا ويىندارىن وتكىزۋ ءۇشىن ءوتىنىش بەردىك. مۇنداي ماڭىزدى جارىستى وتكىزۋ قالادا سپورتتى دامىتۋعا وڭ اسەر ەتىپ, الماتى ارقىلى كۇللى الەمنىڭ ەلىمىز تۋرالى كوبىرەك بىلۋىنە مۇمكىندىك بەرۋگە ءتيىس, – دەدى نۇرسۇلتان نازارباەۆ.
كەزدەسۋدە ا.ەسىموۆ 9 ايدىڭ قورىتىندىسى بويىنشا قالا تىرشىلىگىنىڭ بارلىق سالاسىندا وڭ قارقىن بار ەكەنىن مالىمدەدى.
– وتكەن جىلدار ىشىندە بارلىعى 40 ءبىلىم بەرۋ نىسانى, 18 دەنساۋلىق ساقتاۋ نىسانى سالىندى, 1000 شاقىرىمنان استام جولعا جوندەۋ جۇمىسى جۇرگىزىلدى, جاڭادان 214 شاقىرىمدىق جول سالىندى. سپورتتىق جانە مادەني ءىس-شارالار وتكىزۋ ءۇشىن پايدالانىلاتىن سپورت نىساندارى دا قايتا جوندەلدى, – دەدى الماتى قالاسىنىڭ اكىمى.
ا.ەسىموۆ مەملەكەت باسشىسىنىڭ تاپسىرماسىنا سايكەس الماتىنى ءىرى تۋريستىك ورتالىق رەتىندە دامىتۋ جونىندە جۇمىستار جۇرگىزىلىپ جاتقانىنا توقتالدى.
– ءبىز بۇكىلالەمدىك تۋريستىك ورتالىق باسشىلىعىمەن كەڭەس وتكىزدىك. بىزگە الەمنىڭ بارلىق ەلىنەن قىسقى سپورت تۇرلەرى بويىنشا ماماندار كەلدى, پايدالى كەلىسسوزدەر ءوتتى جانە ولاردىڭ قولداۋىمەن بىرقاتار ءىس-شارالار وتكىزۋ تۋرالى ۋاعدالاستىققا قول جەتكىزىلدى, – دەدى الماتى قالاسىنىڭ اكىمى.
كەزدەسۋ قورىتىندىسىندا مەملەكەت باسشىسى الماتىنىڭ ينفراقۇرىلىمىن ودان ءارى دامىتۋ جانە قالا تۇرعىندارىنىڭ ءال-اۋقاتىن ارتتىرۋ جونىندە بىرقاتار ناقتى تاپسىرمالار بەردى.
-----------------------------------------
سۋرەتتى تۇسىرگەندەر
س.بوندارەنكو, ب.وتارباەۆ.