بيىلعى 9 ايدا ونەركاسىپ ونىمدەرىنىڭ ناقتى كولەم يندەكسى 102,1 پايىزدى قۇرادى. ستاتيستيكا اگەنتتىگىنىڭ مالىمەتى بويىنشا, بۇل ۋاقىت ارالىعىندا شيكى مۇناي, تابيعي گاز جانە ءتۇستى مەتالدار كەندەرىن ءوندىرۋ ارتقان. تومەندەۋ اقمولا, باتىس قازاقستان, قوستاناي, قىزىلوردا جانە پاۆلودار وبلىستارىندا بايقالعان.
بيىلعى 9 ايدا ونەركاسىپ ونىمدەرىنىڭ ناقتى كولەم يندەكسى 102,1 پايىزدى قۇرادى. ستاتيستيكا اگەنتتىگىنىڭ مالىمەتى بويىنشا, بۇل ۋاقىت ارالىعىندا شيكى مۇناي, تابيعي گاز جانە ءتۇستى مەتالدار كەندەرىن ءوندىرۋ ارتقان. تومەندەۋ اقمولا, باتىس قازاقستان, قوستاناي, قىزىلوردا جانە پاۆلودار وبلىستارىندا بايقالعان.
ەلىمىزدە دەنەشىنىقتىرۋ-ساۋىقتىرۋ كەشەندەرىن سالۋعا 4,7 ملرد. تەڭگە ءبولىندى. سپورت جانە دەنە شىنىقتىرۋ ىستەرى اگەنتتىگىنىڭ توراعاسى ەرلان قوجاعاپانوۆتىڭ ايتۋىنشا, قازىر سپورت كەشەندەرىنە سۇرانىس 1 ملن. شارشى مەتر كولەمنەن اسادى.
بۇگىن الماتىدا شىعىس قازاقستاننىڭ بال جانە اۋىلشارۋاشىلىق ونىمدەرى جارمەڭكەسى باستالادى. وبلىس كۇندەرى اياسىندا وتەتىن شارا ءۇش كۇنگە سوزىلىپ, ەكى ءوڭىر كاسىپكەرلەرىنىڭ كەزدەسۋىنە ۇلاسادى.
كەشە قىزىلوردادا رەسپۋبليكالىق اقىندار ايتىسى مارەگە جەتتى. قالانىڭ 195 جىلدىعى مەن «قازگەرمۇناي» بك» اق-تىڭ 20 جىلدىعى قۇرمەتىنە وتكىزىلگەن جىر سايىسىنىڭ باس بايگەسىن ديدار قاليەۆ جەڭىپ الىپ, 2 ملن. تەڭگەنىڭ سىيلىعىنا قول جەتكىزدى.
جامبىل وبلىسىندا ونداعان سۋ ەلەكتر ستانسالارى سالىنادى. وسى تۋرالى مالىمدەگەن وبلىس اكىمى قانات بوزىمباەۆ العاشقى مۇنداي نىساننىڭ تاياۋ ارالىقتا مەركى اۋدانى جەرىندە پايدا بولاتىنىن حابارلادى.
اقتاۋدا تاعى ءبىر ساۋلەت كومپوزيتسياسى قاتارعا قوسىلدى. ماياك تۇرىندە بوي كوتەرگەن ول قالا مەن تەڭىز پورتىنىڭ 50 جىلدىعىنا ارنالىپ جاسالدى. سالتاناتتى اشىلۋ راسىمىنە جەرگىلىكتى اتقارۋشى بيلىك وكىلدەرى, پورتتىڭ ارداگەرلەرى مەن قىزمەتكەرلەرى, سونىمەن بىرگە, قالا تۇرعىندارى قاتىستى.
رەسپۋبليكا كەدەنشىلەرى 52 ملن. تەڭگەنى قۇرايتىن كونتراباندالىق تاۋاردى توقتاتتى. دەرەككە قاراعاندا, تۇتىنىم تاۋارلارى تۇركيادان قازاقستان ازاماتىنىڭ اتىنا اكەلىنىپ, جامبىل وبلىسىنداعى كەدەندىك باقىلاۋ دەپارتامەنتىنىڭ قىزمەت ايماعىندا رەسىمدەلگەن.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.