قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ءتورايىمى گۇلشارا ابدىقالىقوۆانىڭ فينلياندياعا ساپارى ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ءتورايىمى گۇلشارا ابدىقالىقوۆانىڭ فينلياندياعا ساپارى ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
اتالعان ساپار 17-18 ساۋىردە فينليانديانىڭ پرەزيدەنتى ساۋلي ءنينيستيونىڭ قازاقستانعا جاساعان مەملەكەتتىك ساپارى بارىسىندا جەتكىزىلگەن ۋاعدالاستىق شەڭبەرىندە ىسكە اسىرىلدى.
ساپار باعدارلاماسىنىڭ رەسمي بولىگىنە ءبىلىم جانە مادەنيەت, الەۋمەتتىك ىستەر جانە دەنساۋلىق ساقتاۋ, سىرتقى ىستەر مينيسترلىكتەرىندەگى, فينليانديانىڭ پارلامەنتىندەگى, گەندەرلىك تەڭدىك بويىنشا كەڭەستەگى كەلىسسوزدەر كىردى. ءبىزدىڭ ەلىمىزگە دەگەن ەرەكشە قۇرمەت بەلگىسى رەتىندە فينليانديا پرەزيدەنتىنىڭ جۇبايى يەنني حاۋكيو حانىم كوميسسيانىڭ ءتورايىمى گ.ابدىقالىقوۆانى قابىلدادى.
باعدارلامانىڭ جەكە بولىگى تەڭدىك ماسەلەلەرى بويىنشا ومبۋدسمەنمەن كەزدەسۋ جانە ۇكىمەتتىك ەمەس فين ايەلدەر ۇيىمدارىنىڭ كواليتسياسىنا بارۋ بولدى.
كەلىسسوزدەر بارىسىندا قازاقستاندىق تاراپ الەۋمەتتىك ساياساتتى ىسكە اسىرۋدىڭ نەگىزگى اسپەكتىلەرى مەن گەندەرلىك تەڭدىكتى ساقتاۋ, سونىڭ ىشىندە زاڭدى قامتاماسىز ەتۋ, فينلياندياداعى وتباسىلىق-دەموگرافيالىق ساياساتتىڭ پراكتيكالىق اسپەكتىلەرى جونىندە حاباردار ەتىلدى.
كوميسسيانىڭ ءتورايىمى گ.ابدىقالىقوۆا فين تاراپىنا «قازاقستان-2050» ستراتەگياسى اياسىندا ەلىمىزدىڭ الەۋمەتتىك ساياساتىنىڭ وزەكتى اسپەكتىلەرى, سونداي-اق قازاقستانداعى گەندەرلىك تەڭدىكتى ساقتاۋ مەن ايەلدەردىڭ كاسىبي ءوسۋىنىڭ مۇمكىندىكتەرى جونىندە حابارلادى.