دەپۋتاتتار «استانا – ششۋچە» اقىلى اۆتوموبيل جولىنىڭ جۇمىسىمەن تانىستى
سەنات توراعاسىنىڭ ورىنباسارى اسقار بەيسەنباەۆ باستاعان قازاقستان رەسپۋبليكاسى پارلامەنتى سەناتى جانە ءماجىلىسىنىڭ دەپۋتاتتارى اقىلى كولىك جولىنىڭ جۇمىسىنداعى ەرەكشەلىكتەرمەن تانىسۋ ماقساتىندا «استانا – ششۋچە» اقىلى اۆتوموبيل جولىندا بولدى, دەپ حابارلادى سەناتتىڭ ءباسپاسوز قىزمەتى.
دەپۋتاتتار «استانا – ششۋچە» اقىلى اۆتوموبيل جولىنىڭ جۇمىسىمەن تانىستى
سەنات توراعاسىنىڭ ورىنباسارى اسقار بەيسەنباەۆ باستاعان قازاقستان رەسپۋبليكاسى پارلامەنتى سەناتى جانە ءماجىلىسىنىڭ دەپۋتاتتارى اقىلى كولىك جولىنىڭ جۇمىسىنداعى ەرەكشەلىكتەرمەن تانىسۋ ماقساتىندا «استانا – ششۋچە» اقىلى اۆتوموبيل جولىندا بولدى, دەپ حابارلادى سەناتتىڭ ءباسپاسوز قىزمەتى.
كۇرەجولدى جاڭعىرتۋ جۇمىستارى 2006 جىلى باستالىپ, 2009 جىلى اياقتالعانى بەلگىلى. قاۋىپسىزدىكتى ارتتىرۋ جونىندە قابىلدانعان شارالاردىڭ ناتيجەسىندە, اتاپ ايتقاندا, جول جيەگىنە كەدەرگىلەر قويىلعاننان كەيىن جول تەحنيكالىق 1 سيپاتتاعى 6 جولاقتى قوزعالىستاعى جولعا اۋىستىرىلىپ, اپات كوپ بولاتىن جول قاۋىپسىز جولداردىڭ بىرىنە اينالدى. ستاتيستيكا مالىمەتتەرى بويىنشا, جولداعى ادام ومىرىنە قاتەرلى كولىك وقيعالارى 8 ەسەگە تومەندەدى.
مۇنداي جولداردى ۇستاپ تۇرۋدىڭ شىعىندارى دا جوعارى بولىپ وتىر. ماسەلەن, ۇزىندىعى 210 شاقىرىم بولاتىن «استانا – ششۋچە» كۇرەجولىنىڭ بويىنداعى قوقىستى, قاردى تازالاۋ, جارىق بەرۋ, جاسىل جەلەككە بولەۋ مەن ۇساق-تۇيەك جوندەۋ جۇمىستارى جىل سايىن 1,3 ميلليارد تەڭگەنى قاجەت ەتەدى.
بۇل جاعدايدى ەسكەرە وتىرىپ, جولدا جۇرۋدەن تۇسەتىن كىرىس كۇرەجولدى ۇستاپ تۇرۋعا جەتەتىندەي بولۋ ءۇشىن ەڭ تومەنگى باعانى بەلگىلەۋ جانە جولدى اقىلى ەتۋگە شەشىم قابىلدانعان بولاتىن.
دەپۋتاتتار اۆتوموبيلدەر ءجۇرىسى ءۇشىن تولەم تولەۋ بارىسىمەن, وپەراتورلار مەن تولەم الۋ جۇيەسىنىڭ جابدىقتارىنىڭ جۇمىستارىمەن تانىستى.
دەپۋتاتتارعا بەرىلگەن اقپارات بويىنشا, استانادان بۋرابايعا دەيىن (210 شاقىرىم) جەڭىل كولىك جۇرگىزۋشىسى 200 تەڭگە تولەيتىن بولادى. ءسويتىپ, 1 شاقىرىمنىڭ ورتاشا قۇنى = 1 تەڭگە بولىپ وتىر. سالىستىرا قارايتىن بولساق, كورشىلەس رەسەيدە جوعارى جىلدامدىقتا جۇرەتىن كۇرەجولدا ءجۇرۋ اقىسى 5 ەسە قىمبات, يسپانيادا 1 شاقىرىم – 18 تەڭگە, فرانتسيادا – 15, پولشادا 7,5 تەڭگە تۇرادى.
جۇرۋگە تولەم الۋ جۇيەسى مەن تولەم قابىلداۋ تەرمينالدارىنىڭ جۇمىستارىن تانىستىرا كەلىپ, «قازاۆتوجول» ۇلتتىق كومپانياسى» اكتسيونەرلىك قوعامى باسقارماسىنىڭ توراعاسى ەرىك سۇلتانوۆ ««استانا – ششۋچە» اقىلى جولىندا جەرگىلىكتى كولىكتەردىڭ ءجۇرۋ جونىندەگى تولەمگە جەڭىلدىكتەر ەنگىزىلدى», دەپ اتاپ ءوتتى.
قازاقستان رەسپۋبليكاسى ۇكىمەتىنىڭ «رەسپۋبليكالىق ماڭىزى بار «استانا – پەتروپاۆل» اۆتوموبيل جولىنىڭ «استانا – ششۋچە» بولىگىن اقىلى نەگىزدە پايدالانۋ تۋرالى» قاۋلىسىنا بيىلعى 1 قازاندا ءتيىستى تولىقتىرۋلار ەنگىزىلدى.
جەرگىلىكتى كولىكتەر ءۇشىن جەڭىلدىكتەر رەتىندە اقمولا وبلىسىنداعى 5 (شورتاندى, اقكول, بۇلاندى, ەڭبەكشىلدەر جانە بۋراباي) اۋداندارىندا تىركەلگەن كولىك قۇرالدارىنا ءجۇرۋ ءۇشىن ابونەنتتىك اقى ەنگىزىلىپ وتىر. ابونەنتتىك اقىنىڭ جىلدىق مولشەرى 1000 تەڭگەنى قۇرايدى.
دەپۋتاتتارعا ايتىلعانداي, قازاقستانداعى جول ءجۇرۋ قۇنى ەڭ تومەنگى دەڭگەيدە بەلگىلەنگەن. بۇل مولشەرلەمەنى ەسەپتەۋ بارىسىندا كۇرەجولدىڭ قۇرىلىسىنا كەتكەن قارجى ەمەس, تەك ونى جىل سايىنعى ۇستاپ تۇرۋ جانە ونى جوندەۋ شىعىندارى عانا ەسكەرىلگەن.
«اۆتوموبيلشىلەرگە قاتىستى العاندا, ولارعا بارلىق جاعداي جاسالعان. ءتىپتى, ەگەردە تەحنيكا توقتاپ قالعان جاعدايدا وسىنداعى ينجەنەرلىك قىزمەت جەدەل تۇردە ونى جويا الادى», – دەدى م.بورتنيك جۋرناليستەردىڭ ساۋالىنا وراي.
اقىلى اۆتوموبيل جولىن پايدالانا باستاعان 1 شىلدەدەن بەرى تۇسكەن قارجى بۇگىنگى كۇنى 334 ميلليون تەڭگەنى قۇراپ وتىر, سونىمەن بىرگە, جىل باسىنان بەرى جولدىڭ بەتكى قاباتىن جوندەۋ, قار تازالاۋ, جول بەلگىلەرىن, جول جيەگىندەگى كەدەرگىلەردى قويۋ جانە اۋىستىرۋ, تەلەكوممۋنيكاتسيا جانە جارىق بەرۋ قىزمەتى, پاترۋلدەۋ, ارامشوپتەردى ورۋ جانە ماڭايداعى اۋماقتارداعى قوقىستاردى جيناۋ, سونداي-اق, دەمالىس الاڭدارىن جوندەۋ جانە ۇستاپ تۇرۋدى قوسا العاندا اعىمداعى جوندەۋ جۇمىستارى مەن جولدى ۇستاپ تۇرۋعا 895,6 ميلليون تەڭگە جۇمسالدى.
«استانا – ششۋچە» اۆتوموبيل جولىن قىستا پايدالانۋعا ازىرلىك جۇمىستارى اياسىندا قاراشا ايىنىڭ سوڭىنا دەيىن 10,1 شاقىرىمعا تەمىربەتون قورشاۋلار ورناتۋ جوسپارلانىپ وتىر. قازىردىڭ وزىندە ونىڭ 48 پايىزى ورناتىلدى. سونداي-اق, قار باسىپ قالاتىن اۋماقتاردا قاردان قورعاۋ قالقاندارى جاسالىپ, جولدى پايدالانۋ بولىكتەرى قوسىمشا ارنايى تەحنيكالارمەن جابدىقتالاتىن بولادى.
كۇرەجولدىڭ «استانا – ششۋچە» بولىگىنىڭ اقىلى بولۋىنا بايلانىستى جول قاباتىنىڭ جوعارى ساپاسى ەسكەرىلدى جانە جۇك كولىكتەرى بەلاعاشىنا تۇسەتىن اۋىرتپالىق 11,5 تونناعا دەيىن رۇقسات ەتىلەتىن بولدى, ول جۇك تاسىمالداۋشىلارعا قانداي بولسا دا قوسىمشا اقى نەمەسە ايىپپۇل تولەمەۋگە مۇمكىندىك بەرەدى.
بۇگىنگى تاڭدا جولدىڭ «استانا – ششۋچە» بولىگىندە كولىك قۇرالدارىنىڭ جيىلىگى تاۋلىگىنە 5 500-دەن 7 000-عا دەيىن جەڭىل, جۇك كولىكتەرى جانە اۆتوبۋستاردى قۇراپ وتىر.