كەشە ەلوردادا ۇلتتىق ءباسپاسوز كلۋبىندا قازاقستاننىڭ جاس كاسىپكەرلەرى قاۋىمداستىعىنىڭ «شابىت» جوباسى اياسىندا تۇڭعىش رەت قازاق تىلىنە اۋدارىلعان الەمگە ايگىلى جازۋشى-ترەنەرلەر ناپولەون ءحيللدىڭ «ويلان جانە بايى» جانە بودو شەفەردىڭ «قارجىلىق تاۋەلسىزدىككە جول» اتتى كىتاپتارىنىڭ تۇساۋكەسەرى ءوتتى. وعان «اتامەكەن» وداعى» ۇلتتىق ەكونوميكالىق پالاتاسى» توراعاسىنىڭ ءبىرىنشى ورىنباسارى راحىم وشاقباەۆ, قازاقستاننىڭ جاس كاسىپكەرلەرى قاۋىمداستىعىنىڭ توراعاسى ماقسات قوجامبەك قاتىسىپ, اتالعان كىتاپتار جايىندا باق وكىلدەرى سۇراقتارىنا جاۋاپ بەردى.
كەشە ەلوردادا ۇلتتىق ءباسپاسوز كلۋبىندا قازاقستاننىڭ جاس كاسىپكەرلەرى قاۋىمداستىعىنىڭ «شابىت» جوباسى اياسىندا تۇڭعىش رەت قازاق تىلىنە اۋدارىلعان الەمگە ايگىلى جازۋشى-ترەنەرلەر ناپولەون ءحيللدىڭ «ويلان جانە بايى» جانە بودو شەفەردىڭ «قارجىلىق تاۋەلسىزدىككە جول» اتتى كىتاپتارىنىڭ تۇساۋكەسەرى ءوتتى. وعان «اتامەكەن» وداعى» ۇلتتىق ەكونوميكالىق پالاتاسى» توراعاسىنىڭ ءبىرىنشى ورىنباسارى راحىم وشاقباەۆ, قازاقستاننىڭ جاس كاسىپكەرلەرى قاۋىمداستىعىنىڭ توراعاسى ماقسات قوجامبەك قاتىسىپ, اتالعان كىتاپتار جايىندا باق وكىلدەرى سۇراقتارىنا جاۋاپ بەردى.
«قازاقستاننىڭ جاس كاسىپكەرلەرى قاۋىمداستىعى جاستاردى تابىستىلىق جولىنا باستايتىن الەمدىك دەڭگەيدەگى كىتاپتاردى قازاق تىلىنە اۋدارۋ ارقىلى جاستاردىڭ كاسىپكەرلىككە دەگەن قىزىعۋشىلىعىن ارتتىرۋ ماقساتىندا «شابىت» جوباسىن باستاعان-دى. ونىڭ العاشقى باستاماسى رەتىندە ناپولەون ءحيللدىڭ «ويلان جانە بايى» كىتابى مەن بودو شەفەردىڭ «قارجىلىق تاۋەلسىزدىككە جول» اتتى تانىمال ەڭبەكتەرى تۇپنۇسقادان قازاق تىلىنە اۋدارىلىپ, قولدارىڭىزعا ءتيىپ وتىر. بۇل كىتاپتا ن.حيلل وقىرماندارىنا جەتىستىك قۇپياسىن اشىپ, ءىس-ارەكەتتەر جوسپارىن ۇسىنادى. كىتاپتىڭ باستى قۇندىلىعى قانشا ۋاقىت وتسە دە ءوزىنىڭ وزەكتىلىگىن جويماي, قازىرگى قوعامدا دا تابىسقا جەتۋگە باستايتىن نۇسقاۋشىلاردىڭ ءبىرى بولىپ قالۋىندا جاتىر. كىتاپ جاستارعا تابىسقا جەتۋ ءۇشىن نە ىستەۋ كەرەكتىگىن عانا ەمەس, وعان قالاي جەتۋگە بولاتىندىعىن دا ۇيرەتەدى. ال ب.شەفەر ءوز كىتابىندا قالىڭ وقىرمانعا كاسىپ قۇرۋ مەن قولدا باردى ساقتاۋدىڭ, سونىمەن بىرگە, تابىستى ەسەلەپ ءوسىرۋدىڭ قۇپيالارىن اشادى, دەيدى قازاقستاننىڭ جاس كاسىپكەرلەرى قاۋىمداستىعىنىڭ توراعاسى ماقسات قوجامبەك. سونداي-اق, ول باق وكىلدەرىنە وسىنداي يگى باستامالاردى ناسيحاتتاۋدا بىرىگە جۇمىس جاساۋدى ۇسىنا كەلە, مۇنداي شارالار قاۋىمداستىق تاراپىنان, بۇيىرتسا, ءالى دە ءوز جالعاسىن تابا بەرەتىندىگىن جەتكىزدى.
ەندىگى تاڭدا جوعارىدا اتالعان قوس كىتاپتى قازاقستاننىڭ جاس كاسىپكەرلەرى قاۋىمداستىعى جوعارى وقۋ ورىندارى مەن اۋىل كىتاپحانالارىنا, سونىمەن قاتار, جاس كاسىپكەرلەرگە تاراتۋدى جوسپارلاپ وتىر.
ءابدىراحمان قىدىربەك,
«ەگەمەن قازاقستان».