اۋىل شارۋاشىلىعىنىڭ جالپى ءونىم كولەمى ۇستىمىزدەگى جىلدىڭ قاڭتار-تامىزىندا 56,6 ميلليارد تەڭگەنى قۇرادى. بۇل وتكەن جىلدىڭ ءتيىستى كەزەڭىمەن سالىستىرعاندا 106,4 پايىزعا ارتىق. ونىڭ ىشىندە وسىمدىك شارۋاشىلىعى ءونىمىنىڭ كولەمى 17,0 ميلليارد تەڭگە بولدى. ناقتى كولەم يندەكسى 131,5 پايىزعا جەتتى. مال شارۋاشىلىعىنىڭ ءونىمى 39,4 ميلليارد تەڭگەگە تۇراقتادى.
اۋىل شارۋاشىلىعىنىڭ جالپى ءونىم كولەمى ۇستىمىزدەگى جىلدىڭ قاڭتار-تامىزىندا 56,6 ميلليارد تەڭگەنى قۇرادى. بۇل وتكەن جىلدىڭ ءتيىستى كەزەڭىمەن سالىستىرعاندا 106,4 پايىزعا ارتىق. ونىڭ ىشىندە وسىمدىك شارۋاشىلىعى ءونىمىنىڭ كولەمى 17,0 ميلليارد تەڭگە بولدى. ناقتى كولەم يندەكسى 131,5 پايىزعا جەتتى. مال شارۋاشىلىعىنىڭ ءونىمى 39,4 ميلليارد تەڭگەگە تۇراقتادى.
اگروونەركاسىپ كەشەنىن قولداۋعا بيىل 3321,0 ميلليون تەڭگە سۋبسيديا ءبولىندى. ونىڭ ىشىندە رەسپۋبليكالىق بيۋدجەتتەن – 1866,4 ميلليون تەڭگە, وبلىستىق بيۋدجەتتەن 1454,6 ميلليون تەڭگە قارالدى. ال ۇستىمىزدەگى جىلدىڭ 1 قىركۇيەگىنە 1352,3 ميلليون تەڭگە يگەرىلىپ وتىر. ونىڭ ىشىندە رەسپۋبليكالىق بيۋدجەتتەن يگەرىلگەنى 457,0 ميلليون تەڭگە بولسا, وبلىستىق بيۋدجەت قارجىسىنىڭ 895,3 ميلليون تەڭگەسى جاراتىلدى.
وبلىس ەگىن شارۋاشىلىعىندا ماساقتى ءداندى داقىلداردى جيناۋ جۇمىستارى اياقتالدى. ماساقتى ءداندى داقىلداردىڭ جالپى ءونىمى 414,9 مىڭ توننانى قۇرادى. وبلىس بويىنشا ءداندى-داقىلداردىڭ ورتاشا تۇسىمدىلىگى گەكتارىنا 18,5 تسەنتنەردەن اينالدى. ال مال ازىعىن دايىنداۋ, كوكونىس, كارتوپ, مايلى داقىلداردى جيناۋ جۇمىستارى جالعاسۋدا.
مال شارۋاشىلىعىندا شارۋاشىلىقتىڭ بارلىق ساناتتارى بويىنشا 56,6 مىڭ توننا ەت ءوندىرىلىپ وتىر. بۇل كورسەتكىش وتكەن جىلدىڭ ءتيىستى كەزەڭىمەن سالىستىرعاندا 2,6 پايىزعا ارتىق.
قوي مەن ەشكى باسى وتكەن جىلدىڭ ءتيىستى كەزەڭىمەن سالىستىرعاندا 1,5 پايىزعا (2762,6 مىڭ باس), جىلقى – 2,9 پايىزعا (98,6 مىڭ باس), تۇيە – 6,1 پايىزعا (5,8 مىڭ باس), شوشقا – 4,6 پايىزعا (42,5 مىڭ باس) ءوستى.
«سىباعا» مەملەكەتتىك باعدارلاماسىنىڭ شەڭبەرىندە ءۇستىمىزدەگى جىلى 4700 انالىق مال باسىن ساتىپ الۋ قاراستىرىلعان. «اۋىل شارۋاشىلىعىن قارجىلاي قولداۋ قورى» اق جانە «اگرارلىق نەسيە كورپوراتسياسى» اق وبلىستىق فيليالدارىمەن 88 شارۋا قوجالىقتارىنا 764,7 ميلليون تەڭگەگە نەسيە بەرىلىپ, 4104 سيىر جانە 217 بۇقا ساتىپ الىندى.
ءتۇيىپ ايتساق, رەسپۋبليكا بويىنشا اۋىلشارۋاشىلىق ءونىمىنىڭ كولەمىندە وبلىسىمىزدىڭ ۇلەسى 6 پايىزدى قۇراپ وتىر.
ابدالى نۇراليەۆ,
جامبىل وبلىستىق اۋىل شارۋاشىلىعى
باسقارماسىنىڭ باستىعى.