ەلباسى ن.ءا.نازارباەۆ 2010 جىلدىڭ 28 مامىرىندا ۆاسيلكوۆ كەنىشىندەگى التىن ايىرۋ فابريكاسىن ىسكە قوسىپ, وعان «التىنتاۋ-كوكشەتاۋ» دەگەن ات بەردى. بۇل قازاقستاننىڭ ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندەگى وزىق جوبا سانالادى. ايرىقشا نىسان قۇرىلىسى 2008 جىلدىڭ اقپانىندا باستالىپ, ەكى جىلعا جەتپەيتىن رەكوردتى ۋاقىتتا اياقتالدى. الەمدىك تاجىريبەدە مۇنداي دارەجەدەگى فابريكانىڭ بوي كوتەرۋىنە ادەتتە بەس جىل جۇمسالاتىن كورىنەدى.
ەلباسى ن.ءا.نازارباەۆ 2010 جىلدىڭ 28 مامىرىندا ۆاسيلكوۆ كەنىشىندەگى التىن ايىرۋ فابريكاسىن ىسكە قوسىپ, وعان «التىنتاۋ-كوكشەتاۋ» دەگەن ات بەردى. بۇل قازاقستاننىڭ ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندەگى وزىق جوبا سانالادى. ايرىقشا نىسان قۇرىلىسى 2008 جىلدىڭ اقپانىندا باستالىپ, ەكى جىلعا جەتپەيتىن رەكوردتى ۋاقىتتا اياقتالدى. الەمدىك تاجىريبەدە مۇنداي دارەجەدەگى فابريكانىڭ بوي كوتەرۋىنە ادەتتە بەس جىل جۇمسالاتىن كورىنەدى.
ءوندىرىس اۋماعى, قالدىق قويماسىن قوسا ەسەپتەگەندە, 3 گەكتاردى الىپ جاتىر. ونىڭ قۇرىلىسىنا 2000 ادام, 40 كران, 20 مەردىگەر ۇيىم قاتىسقان. مۇندايدا ەكپىن بولاتىنى انىق. بىراق, قۇرىلىس ءىسى مەن جوبالاۋ-سمەتالىق قۇجاتتاردىڭ دايىندالۋى قاتار جۇرگىزىلگەنى ۋاقىتتان ۇتۋعا سەپتىك جاساعانى كورىنىپ تۇر.
فابريكاعا جۇمىلدىرىلعان ينۆەستيتسيا كولەمى دە اتالعان جوبانىڭ ۇتقىرلىعى مەن ەل اۋقىمىنداعى ستراتەگيالىق ماڭىزىن ايقىنداي تۇسەدى. ونىڭ قۇرىلىسىنا 425,5 ميلليون دوللار قارجى جۇمسالسا, قازىرگى تاڭداعى كەشەندى قايتا جاڭعىرتۋ ىسىنە 64,1 ميلليون دوللار ءبولىندى. بۇعان قوسىمشا, تاۋ-كەن دايىندىعى جۇمىستارىنا 2017 جىلعا دەيىن 65,5 ميلليون دوللار قارجى باعىتتاۋ جوسپارلانىپ وتىر. «التىنتاۋ-كوكشەتاۋ» فابريكاسىندا شەتەلدىك وزىق 10 فيرمانىڭ 600 اتاۋلى جابدىقتارى ورنالاستىرىلعان. مۇنداي جاعدايدا ينۆەستيتسيالىق جوبالاردى باسقارۋ ۇدەرىسىنىڭ قيىندىعى مەن قىزىقتىلىعىن بەزبەندەۋ دە وڭاي ەمەستىگى بەلگىلى.
قايتارىم قانداي دەگەندە, وندىرىستىك تاقتاداعى تسيفرلارعا نازار سالعانىمىز ءجون سياقتى. كاسىپورىن 2009-2012 جىلدار ارالىعىندا 42,3 ميلليون تەكشە مەتر تاۋ جىنىسىن وڭدەپ, 16,3 ميلليون تەكشە مەتر رۋدا ءوندىردى. سونداي-اق, 35 ميلليون توننا تەمىر رۋداسىن بايىتۋ فابريكاسىنا جونەلتىپ, 21,2 توننا التىن العان. التىن فابريكاسى ىسكە قوسىلعالى تابيعاتتى قورعاۋ شارالارىنا 13,5 ميلليون دوللار جۇمسالىپتى. ۋلى اسەردەگى زاتتار 111 مىڭ شارشى مەترلىك ارنايى قويمادا ساقتالادى. ونىڭ اۋقىمىن ەلەستەتۋ ءۇشىن, قويماعا 27 فۋتبول الاڭىن ورنالاستىرۋعا بولاتىندىعىن ايتۋىمىزعا بولادى. مۇندا 2005 جىلدان بەرى 1700 جاڭا جۇمىس ورنى قۇرىلسا, جالاقى مولشەرى اقمولا وبلىسىنىڭ جيىنتىق كورسەتكىشىنەن 1,26 ەسە, ەلىمىز بويىنشا 1,57 ەسە ارتىق. جىل سايىن 47,5 ميلليون دوللارعا جۋىق سالىق وتەمدەرىن قامتاماسىز ەتەتىن ۇجىم ءوز جۇمىسشىلارى ءۇشىن 95 پاتەرلى جاڭا تۇرعىن ءۇيدى پايدالانۋعا بەرسە, قالالىقتارعا 320 ورىندىق بالالار باقشاسىن سىيعا تارتىپ, بۇرىن بولماعان تەننيس ورتالىعىن يگىلىككە بەرۋ قامىندا.
رەسپۋبليكا ۇكىمەتى التىن وندىرۋشىلەر ەڭبەگىن لايىقتى باعالادى. كاسىپورىن قازاقستان پرەزيدەنتىنىڭ «التىن ساپا» سىيلىعى مەن حالىقارالىق «التىن گەفەست» ماراپاتىنىڭ يەگەرى اتانىپ وتىر.
دۋمان ءابدىرامانوۆ,
«التىنتاۋ – كوكشەتاۋ» جشس اتقارۋشى
ديرەكتورى.