تاياۋ كۇندەردە قاشقىن وليگارح, بتا بانكتىڭ بۇرىنعى باسشىسى مۇحتار ءابىلازوۆتىڭ قۇنى 250 ملن. دوللار تۇراتىن ەكى اكتيۆى قازاقستانعا قايتارىلاتىنى بەلگىلى بولدى. بۇل رەسپۋبليكا قۇقىق قورعاۋ ورگاندارىنىڭ ۋكراينالىق بيزنەسمەن سەرگەي تيششەنكونى ىسكە قوسۋى ارقاسىندا مۇمكىن بولعان سياقتى.
تاياۋ كۇندەردە قاشقىن وليگارح, بتا بانكتىڭ بۇرىنعى باسشىسى مۇحتار ءابىلازوۆتىڭ قۇنى 250 ملن. دوللار تۇراتىن ەكى اكتيۆى قازاقستانعا قايتارىلاتىنى بەلگىلى بولدى. بۇل رەسپۋبليكا قۇقىق قورعاۋ ورگاندارىنىڭ ۋكراينالىق بيزنەسمەن سەرگەي تيششەنكونى ىسكە قوسۋى ارقاسىندا مۇمكىن بولعان سياقتى.
«رەسەيدە س.تيششەنكو نەگىزىن قالاعان «فاكتور» كومپانياسىنىڭ توبى قازاق قۇقىق قورعاۋ ورگاندارىمەن بىرلەسە ارەكەت ەتۋىنىڭ ناتيجەسىندە مۇحتار ءابىلازوۆتىڭ جالپى قۇنى 250 ملن. دوللارعا باعالانىپ وتىرعان «تولماچەۆو لوگوپاركى» جاق مەن «پىشما» جشق اكتيۆتەرىن باقىلاۋعا الدى», – دەلىنگەن «فاكتور» كومپانياسى ءباسپاسوز قىزمەتىنىڭ حابارلاماسىندا.
2007 جىلى «ەۋرازيا لوگيستيك» باستاماسىمەن قۇرىلعان «تولماچەۆو لوگوپاركى» جاق 2007 جىلى «ەۋرازيا لوگيستيك» بىرلەسۋىمەن نوۆوسىبىردەگى تولماچەۆ اۋەجايىنىڭ جانىنان اۋماعى 806 مىڭ شارشى مەتردى قۇرايتىن ءىرى يندۋستريالدى پارك قۇرىلىسىن باستاۋ ءۇشىن قۇرىلعان بولاتىن.
وسىلايشا, «تولماچەۆو لوگوپاركى» ەكونوميكانىڭ ءارتۇرلى سەكتورلارىنداعى «ا» كلاسىنا جاتاتىن كومپانيالارعا ساپالى قويما الاڭدارىن جالعا بەرەدى. «پىشما» جشق (ەكاتەرينبۋرگ) – ونىڭ ورالداعى ءىرى قويما جوباسى. جالپى اۋماعى 280 مىڭ شارشى مەتردى قۇرايدى. قازىرگى تاڭدا 190 مىڭ شارشى مەتردەن استام قويما الاڭدارى پايدالانۋعا بەرىلگەن.
ەستەرىڭىزگە سالا كەتەيىك, 6 ملرد. دوللاردى جىمقىرىپ كەتتى دەگەن ايىپ تاعىلعان بتا بانك ديرەكتورلار كەڭەسىنىڭ بۇرىنعى باسشىسى مۇحتار ءابىلازوۆ ۇستىمىزدەگى جىلعى 31 شىلدە كۇنى فرانتسيانىڭ تۇستىك بەتكەيىندەگى كانن قالاسىندا قولعا تۇسكەن بولاتىن. سول ۋاقىتتاردان بەرى ونى ەكس-ان-پروۆانسا سوتى ۋكراينا مەن قازاقستاننىڭ بىرىنە ەكستراديتسيالاۋ ماسەلەسىن شەشىپ جاتىر. ال ءبىزدىڭ ەلىمىزدە قاشقىن وليگارحتى 13 جىلدىق تۇرمەدە وتىرۋ جازاسى كۇتىپ تۇر.
رۋسلان يگىلىك.