قىتايدا دەنە مۇشەلەرىن ساتۋمەن اينالىساتىندار بالانىڭ كوزىن ويىپ الدى. بۇل تۋرالى Crimson-land.ru حابارلادى.
التى جاسار بالا اۋلادا ويناپ جۇرگەن بولاتىن. ءبىراز ۋاقىتتان سوڭ اتا-اناسى ونىڭ جوعالىپ كەتكەنىن بايقادى. ارادا ءتورت ساعات وتكەندە بالا جاقىن ماڭايداعى الاڭنان تابىلدى. «ءبىز العاشىندا ول بەتىن جاراقاتتاپ العان شىعار دەپ ويلادىق. جەردە جاتقان ويىلعان كوزدەردى كورگەندە توبەمىزدەن جاي تۇسكەندەي بولدى », – دەيدى بالانىڭ اتا-اناسى.
قازىر بۇل بالا اۋرۋحانادا جاتىر.
جالپى, قىتايداعى دونور تاپشىلىعى ناۋقاستاردىڭ ساۋىعىپ كەتۋىنە ەلەۋلى كەدەرگى كەلتىرىپ تۇر. ماسەلەن, مۇندا جىل سايىن 300 مىڭ ادام ورگان اۋىستىرۋعا مۇقتاج. ال وتا جاساتۋعا وسىلاردىڭ ىشىنەن 10 مىڭ ناۋقاستىڭ عانا قولى جەتەدى.
كۋاگەرلەردىڭ ايتۋى بويىنشا, بەلگىسىز ءبىر ايەل بالانى اۋلادان جەتەكتەپ الىپ كەتكەن ەكەن. پوليتسيا سول ايەلدى باستى كۇدىكتى رەتىندە ىزدەستىرۋدە. ونى ۇستاۋعا كومەك كورسەتكەندەرگە 15 مىڭ دوللار كولەمىندە سىياقى تاعايىندالدى.
ايدار ورىسباەۆ.