قازاقستان سىرتقى ساياسات ۆەدومستۆوسىنىڭ باسشىسى ەرلان ىدىرىسوۆتىڭ ەۋروپا پارلامەنتىنىڭ دەپۋتاتى, ەۋروپا حالىقتىق پارتياسىنىڭ ۆيتسە-پرەزيدەنتى ماريو دەۆيدپەن كەزدەسۋى ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستان سىرتقى ساياسات ۆەدومستۆوسىنىڭ باسشىسى ەرلان ىدىرىسوۆتىڭ ەۋروپا پارلامەنتىنىڭ دەپۋتاتى, ەۋروپا حالىقتىق پارتياسىنىڭ ۆيتسە-پرەزيدەنتى ماريو دەۆيدپەن كەزدەسۋى ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
اڭگىمەلەسۋشى تاراپتار قازاقستان رەسپۋبليكاسى مەن ەۋروپالىق وداقتىڭ ساۋدا-ەكونوميكالىق, ساياسي ىنتىماقتاستىعى, عىلىم, تەحنولوگيا, يننوۆاتسيا جانە ەنەرگەتيكا سالاسىنداعى جاڭعىرتۋلار, سونىمەن قاتار, ايماقتىق جانە حالىقارالىق قاۋىپسىزدىك ماسەلەلەرىندە ءوزارا ارەكەتتەسۋ جايىن تالقىلادى.
ە.ىدىرىسوۆ وتكەن ماۋسىم ايىندا ەۋروپالىق كوميسسياسىنىڭ توراعاسى جوزە مانۋەل بارروزۋدىڭ قازاقستانعا ساپارىنىڭ ماڭىزدى قورىتىندىسى رەتىندە قازاقستان مەن ەۋروپالىق وداق اراسىندا كەڭەيتىلگەن ارىپتەستىك پەن ىنتىماقتاستىقتىڭ جاڭارتىلعان شارتىن دايىنداۋدى تەزدەتۋ تۋرالى كەلىسىمگە قول جەتكىزىلگەندىگى ءجونىندە حابارلادى. قر ءسىم باسشىسى الداعى كەلىسسوزدەر ۇدەرىسىن ىلگەرىلەتۋگە جانە كەلىسىمدەرگە قول قويۋعا قازاقستاننىڭ مۇددەلىلىگىن اتاپ ايتتى.
اڭگىمە بارىسىندا قازاقستاندىق سىرتقى ساۋدانىڭ جارتىسىنا جۋىعى ۇلەسىنە تيەسىلى ەۋروپالىق وداقتىڭ قازاقستانمەن ءىرى ساۋدا-ەكونوميكالىق ارىپتەستىگى تۋرالى اڭگىمە قوزعالدى. قر-ەو سىرتقى ساۋدا اينالىمى 2013 جىلدىڭ ءبىرىنشى جارتىجىلدىعىندا شامامەن 26 ملرد. اقش دوللارىن قۇرادى.